Hatutan.com, (17 Janeiru 2022), Dili-Maske odamatan segundu hosi Ró Berlin Ramelau nian to’o oras ne’e tékniku sira hadi’a “seidauk di’ak”, maibé ró ne’e bele kontinua hala’o nia operasaun hodi tula pasajeiru ba-mai Dili-Oé-Cusse.

Notísia iha Relasaun: Durante Operasaun, Ró Berlin Ramelau “Xoke” Dala-rua

Diretór Jerál Ministériu Transportes no Komunikasaun (MTK), Gaspar de Araújo. Foto/Hatutan.com

Diretór Jerál Ministériu Transporte no Komunikasaun (MTK), Gaspar de Araújo, informa MTK orienta ona tékniku sira iha Cabotagen Nasionál hamutuk ho Diresaun Nasionál Transporte Marítima (DNTM), hala’o hela prosesu manutensaun ba odamatan segundu Ró Berlin Ramelau nian, ne’ebé labele xave aan (taka ladi’ak), hahú kedas husi loron 12 fulan-Janeiru ne’e.

Gaspar de Araújo, hateten durante ne’e insidente ne’e mosu, média nasionál sira balu fó sai katak, ró Berlin Ramelau iha problema boot, maibé, tuir nia, realidade la hanesan ne’e.

Advertisement

Bainhira simu informasaun kona-bá kondisaun odamatan  ró ne’e nian, parte MTK tun direta ba halo kedas observasaun, no rezultadu hosi tékniku sira hato’o katak, mosu duni problema ne’e, maibé la’ós insidente ida boot.

“Ne’ebé hosi parte tékniku sira mós fó advise katak, komu ida gabe primeiru ne’e metin hela, entaun, karik ró ne’e halo viajen mós, sei la fó impaktu negativu. Ezemplu, tasi-been tama ba ró laran, para atu halo ró ne’e problema ruma, maibé laiha,” Diretór Jerál MTK, Gaspar de Araújo, informa ba Hatutan.com, iha kna’ar fatin, Caicoli, Díli, Segunda (17/01/2022).

Problema ida segundu kona-bá odamatan ró ninia piston mak la konsege tama ba iha ninia besik-kuak hodi labele xave aan. Ho problema ida-ne’e, tékniku sei buka hela solusaun hodi bele hadi’a.

“Ida-ne’e la’ós problema grave liu, ida ne’e ami deside atu iha Sesta feira loro-kraik ne’e, ró halo kedas viajen ba Oé-Cusse. Depois, Domingu horseik, dadeer, to’o fali iha Díli, depois planu, oras ida loro-kraik sei arranka fali ba Oé-Cusse, hodi ekipa Primeiru Ministru nian ba viajen servisu,” Gaspar de Araújo.

Maske Roo Rerlin Ramelau, bele halo nafatin nia operasaun, maibé presiza kontrola nafatin iha ninia safety and security. Tenke halo observasaun ho didi’ak, no rona mós parte hosi autoridade marítima nian, no mós kapitaun sira, hodi fó mós sira nia hanoin.

Advertisement

Normal, Ró “Soke” dala-rua

Iha loron 20 fulan-Dezembru 2021, realiza prosesu termu entrega  Ró Berlin Ramelau hosi empreza Damen ba Governu TL. Maibé, tuir informasaun karak, ró ne’e rasik hetan soke dala-ida ona. Ikus liután, iha loron 23 fulan-Dezemrbu 2021, bainhira ró ne’e hala’o nia operasaun dahuluk ba Oé-Cusse, soke tán.

Diretór Jerál MTK, Gaspar de Araújo, situasaun ne’e normal akontese, bainhira ró atu atraka. Bainhira  observa iha tasi-laran, ró kontentór (ró boot) sira ne’ebé atu tama, sempre iha ró sira ne’ebé ki’ik para uluk iha Kais.

Situasaun ida-ne’e,  tuir nia, atu asegura katak, bainhira ró boot sira hala’o atraka iha Kais, labele halo pankada maka’as ba iha TL nia Kais.

“Agora, kestaun ida dala-ruma nia atu sai, atu tama, kose uitoan, ida-ne’e laiha ró ida atu atraka mak, dehan la kose ba Kais ne’e, laiha karik, maibé sempre iha. Dala-ruma tanba anin, no mós dala-ruma guide ida atu halo ró para ne’e, la kontrola ho didi’ak, entaun talvés ró ida nia kidun ka nia sorin  halo duni pankada ba iha Kais. Maibé, ida ne’e buat baibain,” Gaspar, haktuir.

Advertisement

Seidauk iha oráriu loloos ba Operasaun

Gaspar de Araújo, informa, to’o oras ne’e, Governu seidauk iha schedule ne’ebé fiksu, sé ezemplu iha semana kotuk, sai Sesta  loro-kraik (13/01), to’o Oé-Cusse, iha sábadu dadeer. No, sábadu loro-kraik, fila hosi Oé-Cusse mai Dili, depois Domingu dadeer to’o iha Dili.

Iha sorin seluk, kona-bá ró ne’e nia operasaun ba de’it iha Oé-Cusse, no la tula pasajeiru ba Ataúro, tanba seidauk iha kondisaun Kais ne’ebé di’ak. Iha Ataúro

Jornalista: Rogério Cárceres

Advertisement