Connect with us
Pakote Ahi

Nasionál

Berlin-Ramelau Rejistu iha IMO La’ós ho Bandeira RDTL

Published

on

Hatutan.com, (10 Dezembru 2021), Díli—Ró Berlin-Ramelau ne’ebé atraka ona iha Portu Díli, Sesta (10/12/2021), ho bandeira Bandeira Repúblika Demokrátika Timor-Leste (RDTL)  ne’ebé pinta boot iha ró nia lolon no dada iha ró nia riin-klaran, maibé  ró ne’e rasik rejistu iha IMO (International Maritime Organization) la’ós ho Bandeira RDTL.

Serimónia kulturál simu prezensa ró Berlin-Ramelau iha Portu Díli, Sesta (10/12/2021). Foto/Hatutan.com

Ró Berlin-Ramelau ne’e rejistu iha IMO uza bandeira (flag) St. Vincent Grenadines (VC) tanba Timor-Leste seidauk retifika konvensaun internasionál kona-bá rejistrasaun ró nian tuir tratadu IMO.

Ró Nakroma rasik ne’ebé halo hela operasaun durante ne’e mós  rejista iha IMO ho  Bandeira Indonézia, inklui mós ró Atauro Express rejistu iha IMO ho bandeira rai-seluk nian, la’ós Bandeira RDTL.  

Prezidente Autoridade Portuáriu Timor-Leste (APORTIL), Flavio das Neves,  ba Hatutan.com iha nia serbisu fatin klarifika kata, kona-bá Bandeira RDTL nian atu rejistu iha IMO depende ba Governu nia esforsu atu lori prosesu ne’e ba oin. Maibé iha line Ró Berlin-Ramelau uza ona Bandeira RDTL, maske nune’e, tenke nafatin iha esforsu atu trata dokumentu hotu relasiona ho lisensiamentu sira ba rejistrasaun nian atu ró sira Timor nian bele rejistu iha IMO ho bandeira RDTL nian rasik.

Advertisement
Monta Publisidade

“Ita adere ona ba iha IMO maibé iha konvensaun lubuk ida mak ita seidauk ratifika no prosesu iha hela Konsellu Ministru no tenke lori ba iha Prezidente Repúblika hodi promulga molok implementa,”  Flavio das Neves hateten.

Governu liuhusi APORTIL  halo ona preparasaun antes, liuliu ba iha tripulante sira ne’ebé sei opera ró Berlin-Ramelau hodi bele kuidadu no lori ró ho di’ak atu asegura nia kondisaun hodi fasilita sidadaun sira ne’ebé uza transporte marítima Díli-Atauro-Oé-Cusse no Oé-Cusse-Atauro-Díli.

“Ita prepara ona Timor-oan hamutuk 14  atu sai hanesan tripulante maibé iha área espesialidade balun mak ita sei nafatin uza ema estranjeiru hodi garante seguransa ba ró Berlin-Ramelau nia kondisaun,” Flavio das Neves tenik tan.

Ró Berlin-Ramelau ko-finansiamentu hamutuk entre Governu Alemaña no Timor-Leste hamutuk no parte Governu Repúblika Federál Alemaña fó osan hamutuk millaun Euro 7,8 enkuantu restante atu bele kompleta  millaun Euro 14.4 Governu Timor-Leste mak tau.

Husi montante orsamentu ne’ebé iha, Governu seidauk halo pagamentu 100% tamba seidauk halo inspesaun ba ró Berlin-Ramelau bazeia kontratu.

Advertisement
Monta Publisidade

Dokumentu Ró Berlin-Ramelau rejistu iha IMO uza bandeira (falg) St. Vincent Grenadines (VC). Foto/Espesiál

Prosesu pagamentu finál ba Berlin-Ramelau hela millaun $4,2 no Governu sei halo pagamentu hafoin prosesu inspesaun tamba sei iha inspesaun konjuntu entre Governu no mós parte kompañia manan na’in ba ró Berlin-Ramelau.

Prezidente APORTIL husu atu Governu haree ba ema  esperiénsia hodi kria rasik doc (docking) ka fatin manutensaun nian atu bele fó servisu ba Timoroan sira.

“Ha’u hanoin Governu tenke tau atensaun másimu atu loke doc (docking) ida tanba ró foun mak ita lori fali ba manutensaun iha fatin seluk ne’e problema boot. Ita iha esperiénsia kona-bá ida-ne’e. Di’ak liu, ita iha docking  rasik fó oportunidade ba Timor oan sira ne’ebé barak hasai kursu kona-bá área sira-ne’e,”  Flavio das Neves hateten.

Dezeñu ba ró Berlin-Ramelau moderna no kompletu ho fasilidade saúde, fatin própriu tula kaixaun no mate, inklui mós fasilidade adekuadu seluk ba ema ho defisiente  tuir rekizitu  internasionál.

Hafoin halo inspesaun iha Segunda mai ne’e (13/12/2021), Berlin-Ramelau halo kedas operasaun navegasaun nian,  Oé-Cusse-Díli no Díli-Atauro hodi fasilita abitante sira durante ferias Natal, 25 Dezembru 2021 no tinan foun, 01 Janeiru 2022.

Kona-bá presu ba billete, Flavio Neves hateten, kompeténsia Governu nian, nune’e parte APORTIL seidauk bele pronunsia buat ruma. 

Advertisement
Monta Publisidade

Serimónia lansamentu ró pasajeiru nasionál daruak, Berlin-Ramelau, hala’o ona iha loron 10 fulan-Maiu 2021, ne’ebé tempu ne’ebá marka prezensa husi Embaixadór Timor-Leste nian iha Xina, Abrão dos Santos, no Embaixadór Alemaña nian iha Xina.

Projetu konstrusaun ró pasajeiru nasionál daruak ne’e finansia hamutuk husi Governu Timor-Leste no Governu Repúblika Federál Alemaña nian.

Berlin-Ramelau konstroi iha Xina, husi empreza armadora husi Olanda ho naran Damen Shipyards ho nia luan metru 16, kaladu metru 3,3, naruk metru 67,3, konvés ho aas metru 4,8 no sei atinje velosidade másima nós 10 to’o 12. Ró foun ne’e sei troka Nakroma no iha kapasidade ida atu tula ema 380 resin.

Jornalista: Vito Salvadór

 

Advertisement
Monta Publisidade

Kontinua Le'e
Advertisement
Monta Publisidade
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Governu La Prevee Osan iha OJE 2023 bá Validasaun Dadus Veteranu 2009

Published

on

Hatutan.com, (28 Marsu 2023), Díli- VIII Governu Konstitusionál ne’ebé lidera hosi Primeiru-Ministru (PM), Tau Matan Ruak, komprometidu antes ona atu halo validasaun bá dadus veteranu sira ne’ebé rejistu iha tinan 2019 iha fulan-Fevereiru 2023. Maibé, derrepente de’it Governu liuhosi Ministériu Asuntu Kombatente no Libertasaun Nasionál (MACLN, sigla portugés) deside seidauk bele publika validasaun naran veteranu sira ne’e tanba razaun evita atu ema politiza tanba Timor-Leste tama daudaun tinan polítika bá eleisaun jerál 2023.

(more…)

Kontinua Le'e

Nasionál

CNE Sei Organiza Semináriu Nasionál Fasilita ParPol Hato’o Vizaun Polítika ho Programa

Published

on

Hatutan.com, (27 Marsu 2023), Díli- Comissão Nasionál das Eleições (CNE) sei organiza semináriu nasionál hodi fasilita partidu polítiku (ParPol) bele hato’o sira -ia vizaun polítika no programa iha kampaña eleisaun parlamentár (Elpar) 2023.

(more…)

Kontinua Le'e

Nasionál

Portadór Defisiénsia 150 Iha Bobonaro Hetan Apoiu Hosi Prezidénsia Repúblika

Published

on

Hatutan.com, (24 Marsu 2023), DíliPrezidénsia Repúblika liu hosi Diresaun Inkluzaun Sosiál oferese nesesidade bázika hanesan pakote alimentasaun bá ema ho defisiénsia na’in 150 iha Postu Administrativu Atabae, Maliana, Bobonaro, Lolotoe, Balibo no Cailaco, Munisípiu Bobonaro.

(more…)

Kontinua Le'e
Advertisement Monta Publisidade

Trending