Connect with us

Polítika

Kampaña Ikus, Alkatiri Garante Lú Olo Manan Maiória

Published

on

Hatutan.com, (16 Marsu 2022), Díli- Sekretáriu Jerál partidu Frente Revolusionáriu Timor Leste Independente (FRETILIN), Mari Alkatiri, garante katak Kandidatu Prezidente Repúblika (PR), Francisco Guterres “Lú Olo” sei manan maiória iha eleisaun prezidensiál, 19 Marsu  ne’e. Ho nune’e,  husu militante no apoiante sira vota ho loos ba númeru 6.

Notísia iha Relasaun: PNTL Halo Apreensaun Ba Motór Estadu Ida Tuir Kampaña Kandidatu PR Lú Olo

Sekretáriu Jerál partidu FRETILIN, Mari Alkatiri. Foto/Hatutan.com

Sekretáriu Jerál partidu FRETILIN, Mari Alkatiri ba militante no apoiante sira iha kampaña ikus kandidatu PR Lú Olo iha  Tasi Tolu, Díli, Kuarta (16/03/2022), hateten FRETILIN hamutuk ho nia aliadu sira hakarak lori hikas Lú Olo ba Prezidente Repúblika  atu tau Estadu ida ne’e tuir Konstituisaun no lei sira hodi respeita ba dignidade povu nian.

“Ha’u hakarak aviza ba camarada sira bainhira ba vota keta haluha vota ba númeru neen (6),” Mari Alkatiri hateten.

Advertisement

Tuir nia, FRETILIN nia liadu mak povu no ida-ne’e mak estratezia foun ne’ebé FRETILIN iha atu liberta povu husi kiak no mukit hodi lori justisa ba rai-ne’e atu kombate korrupsaun.

Alkatiri saliente Lú Olo manan tiha ona molok vota tamba ne’e militante no apoiantes tomak mantein vizilansia atu labele monu ba adversariu polítika sira, atu nune’e, loron eleisaun to’o ba vota ba numeru neen (6).

Iha fatin hanesan Francisco Guterres “Lú Olo” hateten, vitória FRETILIN ho nia aliadu polítika sira hetan ona, tanba ne’e, militante no apoiante sira tenke ba vota atu lori nia fila hikas ba palasiu aitarak laran ba dala-rua hodi mantein estabilidade nasionál no sai Prezidente Repúblika ba povu tomak.

“Ha’u sei respeita prinsípiu separasaun de poder no garante interdependénsia entre orgaun soberanu sira ne’e atu lori dezenvolvimentu ba oin,” Francisco Guterres Lú Olo hateten.

Lú Olo mos promete atu nafatin mantein servisu hamutuk ho órgaun soberanu sira seluk hodi hadia ekonomia povu nian ne’ebé sustentabel no harahun korrupsaun iha instituisaun Estadu sira no hametin instituisaun FALINTIL-Forsa Defeza Timor Leste (F-FDTL) atu sai profesional.

Advertisement

 “Ha’u hatene atu halo servisu no servisu hamutuk ho órgaun soberanu hotu hodi hadi’a imajen Timor Leste iha mundu internasionál,” Lú Olo tenik.

Hafoin komisu publiku ne’ebé halao iha Tasi Tolu Díli mosu konfrontu entre militante partidu FRETILIN iha areadores uma adat no PNTL konsege atúa no kaptura militante balun ne’ebé deskonfia provoka situasaun iha ámbitu kampaña ikus kandidatu PR Lú Olo nian ne’e.

Jornalista: Vito Salvador

 

Advertisement
Continue Reading
Advertisement
Click to comment

Leave a Reply

Your email address will not be published. Required fields are marked *

Polítika

SEKOMS Nia Knaar La’ós Tenke Tuituir PM Xanana Nia Viajen Sira

Published

on

By

Hatutan.com, (27 Abril 2026), Díli– Membru Parlamentu Nasionál husi Bankada FRETILIN,  Antoninho Doutel Sarmento, hateten Sekretáriu Estadu Komunikasaun Sosiál (SEKOMS) Expedito  Dias Ximenes nia servisu ka nia knaar importante mak halo revizaun ba lei komunikasaun sosiál, apoia dezenvolve mídia sira  no fasilita formasaun ba jornalista, la’ós tenke tuituir hela de’it Primeiru-Ministru Kay Rala Xanana Gusmão nia viajen sira iha rai laran no rai-li’ur.

(more…)

Continue Reading

Polítika

PGR Avoka Inkéritu Kazu Korrupsaun Sira iha CAC, Xanana Gusmão: Baze Bá Reforma Justisa

Published

on

By

Hatutan.com, (16 Abríl 2026), Díli– Primeiru-Ministru Kay Rala Xanana Gusmão, hateten dezintendimentu  Komisáriu Komisaun Anti Korrupsaun (CAC-sigla portugés), Rui Pereira dos Santos ho Prokuradór Jerál Repúblika (PGR)  Nelson de Carvalho, baze  bá atu reforma setór Justisa.

(more…)

Continue Reading

Polítika

Buka Dalan Rezolve Dezentendimentu Komisáriu CAC ho PGR

Published

on

By

Hatutan.com, (15 Abríl 2026), Díli – Ministru Justisa, Sérgio da Costa Hornai, hatete katak sei buka dalan atu rezolve dezentendimentu ne’ebé mosu entre Komisáriu Komisaun Anti-Korrupsaun (CAC-sigla Protugés)  Rui dos Santos Pereira ho Prokuradór Jerál Repúblika (PGR)  Nelson de Carvalho.

(more…)

Continue Reading
Advertisement

Trending