Hatutan.com, (02 Abríl 2022), Díli- Empreza internasionál RedStar Global sei oferese prémiu fantástiku ba kliente sira bainhira sosa lotaria grand dragon ho kustu $20,00 ba leten.

Notísia iha Relasaun: Governu Legaliza Tán Operadór Grand Dragon Lotaria

CEO empreza RedStar Global, Datuk Harry NG ho nia jerente sira halo konferénsia imprensa iha Dili, Sábadu (02/04/2022). Foto/Hatutan.com

Tama ba fulan haat ezisténsia empreza RedStar, liu husi lotaria Grand Dragon  oferese prémiu ba kliente sira ne’ebé durante ne’e badinas  sosa billete lotaria ho valór $20,00 ba leten kada loron iha direitu atu hetan prémiu fantástiku, hanesan karreta no motór, inklui mós ho prémiu komplementariu sira seluk.

“Ami espera katak kliente sira sei mai barak no Lotaria Grand Dragon sei nafatin oferese prémiu fantástiku sira ba timoroan hotu tuir lema ne’ebé dehan one dollar one dream,” CEO empreza RedStar Global, Datuk Harry NG ba  hateten liuhusi konferénsia imprensa iha sira-nia knar fatin, Pantai Kelapa, Díli, Sábadu (02/04/2022),

Advertisement

Lotaria Grand Dragon nudár lotaria online dahuluk iha Timor-Leste ne’ebé servisu hamutuk entre empreza timoroan balun ho emprezáriu estranjeiru husi Cambodia hodi hahú halo operasaun dezde loron 03 fulan-Dezembru 2021, no hetan lejitimidade tuir lei husi Ministériu Turizmu Komérsiu no Indústria (MTCI).

Lotaria Grand Dragon nia prosesu fan liuhusi sistema online no bola hala’o iha Cambodia no kliente sira bele asesu diretamente iha pájina ofisiál RedStar no Grand Dragon Lotaria kada loron tuir oráriu ne’ebé iha.

Datuk Harry NG klarifika, Lotaria Grand Dragon nudár lotaria ne’ebé hala’o nia operasaun online katak sistema fan billete sorteiu ba kliente sira ho sistema online no fasil tebes atu kliente sira asesu tanba uainhira númeru ne’ebé sira sosa automatikamente rejista iha sistema no sei laiha difikuldade ruma karik sira kona no atu foti sira nia direitu tuir saida mak sira sosa. Kliente sira bele download aplikasaun Grand Dragon iha play store atu bele asesu.

“Ha’u hakarak lori lotaria ne’e mai iha Timor-Leste atu halo mudansa no dijitaliza tiha merkadu lotaria nian, nune’e ha-fasil kliente sira asesu ba jogu online tuir era globalizasaun ne’ebé iha,” Datuk Harry NG hateten.

CEO empreza RedStar ne’e hatutan, kliente sira ne’ebé hakarak sai hanesan ajénsia (fa’an-na’in) ba Lotaria Grand Dragon tenke ba halo rejistrasaun no lori ho kartaun eleitorál no númeru telemovel ne’ebé ativu atu rejista ba iha sistema, nune’e bele simu ekipamentu operasaun nian hodi fan billete online atu sistema bele kapta hodi labele hamosu dezentendimentu entre empreza ho kliente sira uainhira sira kona.

Advertisement

“Rekizitu faan ami-nia billete online mak presiza eleitorál no númeru telemovel ativu, atu nune’e, sira bele iha On Time Password atu bele lao tuir sistema ne’ebé empreza iha atu nune’e fasil kontrola uainhira sira hala’o servisu operasaun husi fatin ne’ebé sira fan billete ba,” nia dehan.

Domingos Eduardo de Deus ne’ebé sai hanesan fa’an-na’in ka ajénsia husi lotaria Grand Dragon hateten, lotaria ne’e foun no buat hotu uza sistema eletróniku no rekizitu  internasionál nune’e oferese sistema di’ak liu tamba hanesan ajénsia fan de’it no la presiza ba mai maibé sistema on Time Password mak regulariza ona nune’e la presiza tenke tau koras liu  ka hatama tarde importante mak servisu tuir sistema atu kliente bele sente satisfás no haksolok ho prémiu ne’ebé nia hetan.

“Lotaria ne’e foun tanba ne’e ema barak seidauk familiar  ho sistema. Ha’u espera katak ema sei joga barak tamba jogu ne’e oferese atendimentu di’ak no kualidade,”  Domingos Eduardo de Deus hateten.

Lotaria Grand Dragon Lotaria sei kontribui tasa ba Estadu hahú husi 10% to’o 11% no atividade hotu ho sistema dijitál, nune’e garante sei iha transparente atu kontribui  reseita ba Estadu ho loos no rigor tuir lei.

Prémiu ba jogu Grand Dragon Lotaria hahú husi 6D to’o 2D iha valór diferente depende ba kliente sira nia sorte.

Advertisement

Oras ne’e Grand Dragon Lotaria iha ona ajénsia hamutuk 37 ne’ebé sirkula iha Díli laran no iha parseiru ne’ebé prontu atu servisu hamutuk iha 10 no Grand Dragon Lotaria garante sei alarga ba munisípiu 13, inklui Rejiaun Administrativu Oé-Cusse Ambeno (RAEOA) iha tempu besik.

Jornalista: Vito Salvador

Advertisement