Connect with us
Pakote Ahi

Defeza & Seguransa

PNTL Buka Tuir Autór Sira Tuda Apoiante Ramos-Horta

Published

on

Hatutan.com, (13 Abríl 2022), Díli-Polísia Nasionál Timor-Leste (PNTL) liuhosi Komandu Munisípiu Díli ho nia servisu sekreta sira, buka tuir hela autór sira ne’ebé tuda kanek apoiante sira hosi kandidatu Prezidente Repúblika (PR), José Ramos Horta nian, iha estrada ibun, eskola bázika sentrál 30 Agostu, Comoro, bainhira halo komboiu fila hosi kampaña eleitorál iha Tasi-tolu, Díli, Tersa loraik (12/04/2022).

Komandante PNTL Munisípiu Díli, Superintendente Xefe Polísia Henrique da Costa. Foto/Hatutan.com

Insidente ne’e, rezulta ema na’in-lima mak sai vítima ka hetan kanek iha ain, lima, kabun, kotuk-laran, no ida seluk nia ulun-kuak tanba hetan tuda hosi fatuk.

Komandante PNTL Munisípiu Dili, Superintendente Xefe, Henrique da costa hateten, hafoin simu informasaun kona-bá insidente tuda-malu ne’e, parte PNTL liuhosi nia ekipa konjunta sira, to’o kedan iha fatin akontesimentu hodi halo atuasaun, maibé autór sira halai lakon.

Komandante Henrique da Costa informa, iha loron tomak, 12 fulan-Abríl, PNTL fó seguransa no halo vijilánsia ba apoiante sira hosi kandidatu PR, José Ramos-Horta nian, ne’ebé mobiliza malu partisipa kampaña iha Tasi-tolu.

Bainhira to’o iha  loro-kraik, mosu duni kazu insidente tuda-malu ida iha área Dom Aleixo, Comoro, besik eskola 30 de Agosto nian, ne’ebé maka iha ema balu tuda hasoru militante sira, bainhira remata kampaña.

Advertisement

“Parte seguransa, ita responde kedas, no ema sira tuda ne’e halai lakon, maibé ita la konsege kaer, tanba akontesimentu ne’e, hanesan lalais de’it, depois ita nia polisia ba responde kedas, maibé sira halai lakon hotu,”  Komandante PNTL Munisipiu Dili, Superintendente Xefe Henrique da Costa hateten ba jornalista sira, iha kna’ar fatin, komandu Caicoli, Kuarta (13/04/2022).

Iha oras ne’ebé akontesimentu  mosu, membru PNTL sira balu, halo duni vijilánsia iha área Rotunda  Soudozu Prezidente RDTL, Nicolau Lobato nian. Maibé, tanba hela mós seguransa ba ema-boot balu (VIP) ne’ebé fila hosi Munisípiu Liquiça mai Dili, tanba ne’e maka, Polísia labele kaptura kedas autór sira ne’ebé halo krime ne’e.

Durante PNTL nia vijilánsia, konsege identifika mós autór ka apoiante balu, ne’ebé mak hemu hela tua iha fatin besik kampaña nian, hamutuk ema na’in-lima. Hafoin deteta, parte Polisia transporta keda sira ba iha eskuadra Dom Aleixo, Comoro. 

Sona Iha Matadouru, PNTL Husu Keixa

 Iha kalan, 12 fulan-Abríl 2022, maizumenus tuku 21:24, mosu mós kazu insidente ida, iha ema deskoñesidu ida ne’ebé ho katana taa kanek vítima Octavio Gusmão Oliveira (27) iha área Matadoru, Postu Vera Cruz.

Advertisement

Komandante Henrique da Costa, husu ba vítima atu hato’o keixa ba polísia, hodi buka tuir autór, nune’e bele prosesa tuir lei ne’ebé vigora iha Timor-Leste.

“To’o agora, ita seidauk hetan informasaun ruma, ita akompaña fó sai iha média sosiál, maibé seidauk mai hato’o informasaun ruma ba iha polísia. Ita orienta ona parte investigasaun ho patrulla Vera Cruz ninian, hodi ba iha ospitál para atu nune’e bele ko’alai ho vítima,” Henrique hateten.

Vítima hetan kanek iha isin-lolon parte hirus matan, no ida iha kotuk-laran. Oras ne’e, vítima halo hela tratamentu saúde iha Hospitál Nacional Guido Valadáres (HNGV), Baidau, Díli.

Jornalista: Rogério Pereira Cárceres

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Defeza & Seguransa

F-FDTL ho PNTL Armoniza Regra Operasaun no Seguransa bá Vizita Papa Francisco

Published

on

Hatutan.com, (10 Juñu 2024), Díli-Komandu FALINTIL-Forsa Defeza Timor-Leste (F-FDTL) ho Polísia Nasionál Timor-Leste (PNTL), Segunda (10/06/2024), selebra ona akordu ida hodi armoniza regra sira kona-bá atividade operasaun no seguransa nian bá preparasaun simu vizita Sua Santidade Papa Francisco iha Timor-Leste, iha loron 09 to’o loron 11 fulan-Setembru 2024.

(more…)

Kontinua Le'e

Defeza & Seguransa

Tenente Jenerál Falur Apoiu Taka Totál GAM-GAR

Published

on

Hatutan.com, (10 Juñu 2024), Díli-Xefe Estadu Maiór Jenerál FALINTIL-Forsa Defeza Timor-Leste (F-FDTL), Tenente Jenerál Domingos Raúl “Falur Rate Laek”, apoiu pozisaun Primeiru-Ministru Kay Rala Xanana Gusmão nian ne’ebé husu atu taka totál atividade Grupu Arte-Marsiaá (GAM) ho Grupu Arte Rituál (GAR) iha Timor-Leste.

(more…)

Kontinua Le'e

Defeza & Seguransa

Konsellu Ministru Aprova Projetu Dekretu-Lei Kona-bá Estatutu Foun PNTL

Published

on

Hatutan.com, (29 Maiu 2024), Díli– Sorumutuk Konsellu Ministru sira-nian, Kuarta (29/05/2024), iha Palásiu Governu, aprova  projetu dekretu-lei ida kona-bá estabelesimentu estatutu foun  Polísia Nasionál Timor-Leste (PNTL).

(more…)

Kontinua Le'e
Advertisement

Trending