Hatutan.com, (04 Maiu 2022), Díli-Ministériu Finansa  seidauk bele halo pagamentu bá direitu liña-frente jornalista nian tanba sei halo verifikasaun  bá lista jornalista liña-frente nian ne’ebé submete husi Ministériu Asuntu Parlamentár no Komunikasaun Sosiál (MAPKOMS) hamosu “komplikasaun”.

Jornalista Timor-Leste. Foto/Hatutan.com.

Iha lista jornalista liña-frente ne’ebé submete husi MAPKOMS iha tinan 2021 ne’e iha aumentu kuaze besik 90% katak iha ema 410 kompara ho lista benefisiáriu jornalista liña-frente iha tinan anteriór 2020 iha de’it na’in-216.

“𝗟𝗶𝘀𝘁𝗮 𝗝𝗼𝗿𝗻𝗮𝗹𝗶𝘀𝘁𝗮 𝗹𝗶𝗻̃𝗮-𝗳𝗿𝗲𝗻𝘁𝗲 𝗶𝗵𝗮 𝘁𝗶𝗻𝗮𝗻 𝟮𝟬𝟮𝟭 𝘀𝗮’𝗲 𝗯á 𝟰𝟭𝟬 𝗯𝗲𝗻𝗲𝗳𝗶𝘀𝗶𝗮́𝗿𝗶𝘂, 𝗸𝗼𝗺𝗽𝗮𝗿𝗮 𝗵𝗼 𝘁𝗶𝗻𝗮𝗻 𝟮𝟬𝟮𝟬 𝗶𝗵𝗮 𝗱𝗲’𝗶𝘁 𝟮𝟭𝟲 𝗯𝗲𝗻𝗲𝗳𝗶𝘀𝗶𝗮́𝗿𝗶𝘂 – 𝘀𝗶𝗴𝗻𝗶𝗳𝗶𝗸𝗮 𝗶𝗵𝗮 𝗮𝘂𝗺𝗲𝗻𝘁𝘂 𝗸𝘂𝗮𝘇𝗲 𝗯𝗲𝘀𝗶𝗸 𝟵𝟬%,” haktuir komunikadu Ministériu Finansa  ne’ebé Hatutan.com sita husi konta Facebook Ofisiál Ministru Finansas, VIII Governu Konstitusional, Rui Augusto Gomes, Kuarta (04/05/2022).

Komunikadu Ministériu Finansa nian ne’e relata katak Sekretariadu Tékniku Fundu Covid-19 hahú re-verifika lista pagamentu liña-frente jornalista 2021 hamutuk 410 benefisiáriu ho totál orsamentu $325,950 mil.

Lista ne’e MAPKOMS submete mai Ministériu Finansas iha Sesta-feira, semana kotuk. Nune’e, Sekretariadu Tékniku Fundu Covid-19 presiza halo re-verifikasaun tamba atu garantia katak dadus hirak ne’ebé submete mai Sekretariadu Tékniku Fundu Covid-19 prienxe ona rekizitu legál tuir Dekretu Lei númeru 1/2022, 5 Janeiru kona-bá subsídiu bá profisionál ne’ebé hala’o atividade jornalístika, ne’ebé solisita husi Governu, hodi fornese notísias kona-ba vírus SARS-Cov2 durante Estadu Emerjénsia tinan 2021.

MAPKOMS, Francisco Jerónimo hetan entrevista hosi jornalista sira. Foto/Dok.Hatutan.com

Bainhira Ministru MAPKOMS, Francisco Pereira da Costa Jerónimo, partisipa iha atividade komemorasaun loron mundiál liberdade imprensa ne’ebé Conselho de Imprensa de Timor Leste organiza iha Salaun Delta Nova, Díli, Tersa (03/05/2022), jornalista sira tenta ona konfirma situasaun direitu liña-frente jornalista sira nian ne’e bá Ministru  Francisco Pereira da Costa Jerónimo,  maibé nia lakohi ko’alia hodi orienta fali jornalista sira atu bele konfirma diretamente ho Ministériu Finansas.  

Antes ne’e, iha 28 Marsu 2022, MAPKOMS submete segunda lista jornalista liña-frente 2021 mai Ministériu Finansas ho totál 507 benefisiáriu. Maibé Ministériu Finansas devolve tanba segunda lista ne’e laiha Despaxu Aprovasaun husi Ministru MAPKOMS no benefisiáriu hirak ne’e mós la’ós de’it jornalista, operadór kamera no motorista sira, maibé inklui mós pesoál administrasaun, aprovizionamentu, rekursus umanu no lojístika.

Iha tinan 2020, Sekretariadu Tékniku Fundu Covid-19 mós realiza ona pagamentu suplementu remuneratóriu liña-frente ba jornalista sira ho totál benefisiáriu 216 ho totál orsamentu $97,425 mil ba períodu fulan tolu.

Molok ne’e iha loron 08 fulan-Abríl 2022, Ministériu  Finansas mós hasai komunikadu imprensa ida hodi informa bá Jornalista sira relasiona ho atrazus pedidu pagamentu suplementu remuneratóriu liña-frente ba jornalista sira tinan 2021.

Dekretu-Lei nú. 1/2022, 5 Janeiru, kria Subsídiu ba Profisionál sira ne’ebé Dezenvolve Atividade Jornalístika ne’ebé Solisita husi Governu hodi Fornese Notísias kona-ba Vírus SARS-COV2 durante Estadu Emerjénsia.

Konforme númeru 1 artigu 2, Diploma refere, estabelese katak ba profisionál ne’ebé dezenvolve atividade jornalístika hamutuk ho Sala Situasaun Sentru Integradu Jestaun Krize ka ida ne’ebé Governu husu hodi prodús notísias durante períodu loron 1 fulan-Abríl to’o loron 31 fulan-Dezembru 2021, sei atribui subsídiu pekuniáriu bá kada loron servisu efetivu benefisiáriu nian iha kondisaun direta expozisaun bá vírus SARS-Cov2, durante deklarasaun períodu Estadu Emerjénsia.

Konforme númeru 2 artigu 2, Diploma refere, Subsídiu ne’ebé refere anteriormente iha valor US$5,00 ba kada loron servisu efetivu.

Konforme númeru 3 artigu 2, Diploma refere, subsídiu ida-ne’e bele de’it atribui bainhira iha Despaxu aprovasaun lista ba profisionál sira ne’ebé dezenvolve atividade jornalístika husi Ministru ba Asuntu Parlamentár no Komunikasaun Sosiál (MAPKOMS), ho baze ba informasaun ne’ebé fornese husi Sala Situasaun Sentru Integradu Jestaun Krize ka husi Diresaun Nasionál ba Diseminasaun Informasaun MAPKOMS nian.

Bazeia ba Dekretu Lei númeru 1/2022, 5 fulan-Janeiru ne’e, iha loron 24 fulan-Marsu 2022, MAPKOMS submete pedidu pagamentu mai Sekretariadu Tékniku Fundu Covid-19.

Primeira lista ne’e kompostu husi jornalista husi instituisaun mídia oioin, ho totál 288 benefisiáriu, ne’ebé indika mós fatin ba halo kobertura no primeira lista ne’e hetan aprovasaun husi Ministru ba Asuntu Parlamentár no Komunikasaun Sosiál liuhusi Despaxu númeru 01/MAPCOMS/I/2022.

Maibé, tamba lista ne’e iha duplikasaun no balun konta bankária benefisiáriu la-loos, nune’e Ministériu Finansas devolve filafali ba MAPKOMS hodi hadi’a.

Iha 28 Marsu 2022, MAPKOMS submete filafali lista Jornalista sira mai Ministériu Finansas atu bele prosesa. Iha segunda lista ne’e kompostu husi jornalista husi instituisaun mídia oioin, ho totál 507 benefisiáriu ho totál orsamentu hamutuk $371.400,00.

𝗠𝗮𝗶𝗯𝗲́, 𝘀𝗲𝗴𝘂𝗻𝗱𝗮 𝗹𝗶𝘀𝘁𝗮 𝗻𝗲’𝗲 𝗹𝗮-𝗶𝗻𝗱𝗶𝗸𝗮 𝗳𝗮𝘁𝗶𝗻 𝗯𝗮 𝗵𝗮𝗹𝗼 𝗸𝗼𝗯𝗲𝗿𝘁𝘂𝗿𝗮 𝗻𝗼 𝗹𝗮𝗶𝗵𝗮 𝗗𝗲𝘀𝗽𝗮𝗰𝗵𝗼 𝗮𝗽𝗿𝗼𝘃𝗮𝘀𝗮𝘂𝗻 𝗵𝘂𝘀𝗶 𝗠𝗶𝗻𝗶𝘀𝘁𝗿𝘂 𝗯𝗮 𝗔𝘀𝘂𝗻𝘁𝘂𝘀 𝗣𝗮𝗿𝗹𝗮𝗺𝗲𝗻𝘁𝗮𝗿𝗲𝘀 𝗻𝗼 𝗞𝗼𝗺𝘂𝗻𝗶𝗸𝗮𝘀𝗮𝘂𝗻 𝗦𝗼𝘀𝗶𝗮́𝗹.

𝗦𝗲𝗴𝘂𝗻𝗱𝗮 𝗹𝗶𝘀𝘁𝗮 𝗵𝗼 𝟱𝟬𝟳 𝗯𝗲𝗻𝗲𝗳𝗶𝘀𝗶𝗮́𝗿𝗶𝘂𝘀 𝗻𝗲’𝗲𝗯𝗲́ 𝗠𝗔𝗣𝗖𝗢𝗠𝗦 𝘀𝘂𝗯𝗺𝗲𝘁𝗲 𝗻𝗲’𝗲 𝗺𝗼́𝘀 𝗹𝗮’𝗼𝘀 𝗱𝗲’𝗶𝘁 𝗝𝗼𝗿𝗻𝗮𝗹𝗶𝘀𝘁𝗮, 𝗢𝗽𝗲𝗿𝗮𝗱𝗼́𝗿 𝗖𝗮𝗺𝗲𝗿𝗮 𝗻𝗼 𝗠𝗼𝘁𝗼𝗿𝗶𝘀𝘁𝗮 𝘀𝗶𝗿𝗮, 𝗺𝗮𝗶𝗯𝗲́ 𝗶𝗻𝗸𝗹𝘂𝗶 𝗺𝗼́𝘀 𝗽𝗲𝘀𝗼𝗮́𝗹 𝗮𝗱𝗺𝗶𝗻𝗶𝘀𝘁𝗿𝗮𝘀𝗮𝘂𝗻 𝗵𝗮𝗻𝗲𝘀𝗮𝗻 𝗔𝗽𝗿𝗼𝘃𝗶𝘇𝗶𝗼𝗻𝗮𝗺𝗲𝗻𝘁𝘂, 𝗥𝗲𝗸𝘂𝗿𝘀𝘂𝘀 𝗨𝗺𝗮𝗻𝘂 𝗻𝗼 𝗟𝗼𝗴𝗶́𝘀𝘁𝗶𝗸𝗮 𝗶𝗻𝗸𝗹𝘂𝗶 𝗺𝗼́𝘀 𝗠𝗶́𝗱𝗶𝗮 𝗢𝗳𝗳𝗶𝗰𝗲𝗿 𝗚𝗮𝗯𝗶𝗻𝗲𝘁𝗲 𝗠𝗶𝗻𝗶𝘀𝘁𝗿𝘂 𝗣𝗿𝗲𝘇𝗶𝗱𝗲́𝗻𝘀𝗶𝗮 𝗞𝗼𝗻𝘀𝗲𝗹𝗹𝘂 𝗠𝗶𝗻𝗶𝘀𝘁𝗿𝘂𝘀.

Tamba ne’e, Sekretariadu Tékniku Fundu Covid-19 husu opiniaun jurídika ba Gabinete Apoiu Jurídiku, Ministériu Finansas molok prosesa pagamentu suplementu remuneratóriu liña-frente ba Jornalista sira.

Bazeia ba dispozisaun legál ne’ebé iha, Gabinete Apoiu Jurídiku konklui katak, pagamentu subsídiu ba profisionál sira ne’ebé dezenvolve atividade jornalístika ne’ebé solisita husi Governu hodi fornese notísias kona-ba Vírus SARS-COV2 durante Estadu Emerjénsia bele de’it atribui bainhira iha Despaxu aprovasaun bá lista profisionál ne’ebé dezenvolve atividade jornalístika husi MAPKOMS ho baze ba informasaun ne’ebé fornese husi Sala Situasaun Sentru Integradu Jestaun Krize ka husi Diresaun Nasionál ba Diseminasaun Informasaun MAPKOMS nian, konforme númeru 3 artigu 2, Dekretu-Lei númeru  1/2022, 5 fulan-Janeiru.

Altura ne’ebá 𝗦𝗲𝗸𝗿𝗲𝘁𝗮𝗿𝗶𝗮𝗱𝘂 𝗧𝗲́𝗸𝗻𝗶𝗸𝘂 𝗙𝘂𝗻𝗱𝘂 𝗖𝗼𝘃𝗶𝗱-𝟭𝟵, 𝗵𝗮𝗿𝘂𝗸𝗮 𝗼𝗻𝗮 𝗞𝗮𝗿𝘁𝗮 𝗯á 𝗠𝗶𝗻𝗶𝘀𝘁𝗿𝘂 𝗯𝗮 𝗔𝘀𝘂𝗻𝘁𝘂𝘀 𝗣𝗮𝗿𝗹𝗮𝗺𝗲𝗻𝘁𝗮𝗿𝗲𝘀 𝗻𝗼 𝗞𝗼𝗺𝘂𝗻𝗶𝗸𝗮𝘀𝗮𝘂𝗻 𝗦𝗼𝘀𝗶𝗮́𝗹, 𝗮𝘁𝘂 𝗳𝗼𝗿𝗻𝗲𝘀𝗲 𝗗𝗲𝘀𝗽𝗮xu 𝗮𝗽𝗿𝗼𝘃𝗮𝘀𝗮𝘂𝗻 𝗻𝘂’u𝗱á𝗿 𝗹𝗶𝘀𝘁𝗮 𝗱𝗲𝗳𝗶𝗻𝗶𝘁𝗶𝘃𝗮, 𝗵𝗼 𝗿𝗲𝘀𝗽𝗲𝗶𝘁𝘂 𝗯á 𝗻𝗼𝗿𝗺𝗮 𝗻𝗲’𝗲𝗯𝗲é 𝗿𝗲𝗴𝘂𝗹𝗮 𝗶𝗵𝗮 𝗻úmeru  𝟯 𝗮𝗿𝘁𝗶𝗴𝘂 𝟮, 𝗗𝗲𝗸𝗿𝗲𝘁𝘂-𝗟𝗲𝗶 𝗻.𝗼 𝟭/𝟮𝟬𝟮𝟮, 𝟱 fulan-J𝗮𝗻𝗲𝗶𝗿𝘂, 𝗻𝘂𝗻𝗲’𝗲 𝗯𝗲𝗹𝗲 𝗳𝗮𝘀𝗶𝗹𝗶𝘁𝗮 𝗽𝗿𝗼𝘀𝗲𝘀𝘂 𝗽𝗮𝗴𝗮𝗺𝗲𝗻𝘁𝘂 𝗵𝗼 𝗹𝗮𝗶𝗹𝗮𝗶𝘀.

Jornalista: Elio dos Santos da Costa