Connect with us
Pakote Ahi

Nasionál

Presiza Hadi’a Kualidade Konteúdu Jornalístiku, Maski Índise Liberdade Imprensa Di’ak Liu

Published

on

Hatutan.com, (05 Maiu 2022), Díli—Prezidente Conselho Imprensa (CI), Vigílio Guteres orgullu ho índise liberdade Imprensa Timor Leste di’ak liu iha Sudeste Aziátiku, ne’ebé hatudu pasu pozitivu iha prosesu konstrusaun Estadu bazeia ba demokrasia ho prinsípiu liberdade no lori kréditu di’ak ba mundu.

Tinan ida ne’e hatudu kréditu iha mundu internasionál tanba haksoit ida ne’ebé espektakulár muda hosi 71 mai kedan 17, ne’e hatudu Timor-Leste ninia Liberdade imprensa di’ak liu Austrália nian no nasaun dezenvolvidu sira.

Lee Mós: Índise Liberdade Imprensa, TL Sa’e ba 17 no Di’ak Liu iha Sudeste Aziátiku

Advertisement

“CI hakarak fó parabens ba parte hotu-hotu, orgaun komunikasaun sosiál, jornalista sira, governu no Estadu ne’ebé hamosu lei liuliu kona-bá garantia legal sira iha Konstituisaun Repúblika Demokrátika Timor Leste nian artigu 40 no 41, garante liberdade imprensa no liberdade espresaun. Maski iha kódigu penál sei iha artigu balun ne’ebé ko’alia kona-bá denunsia kalunioza, iha tempu balun bele ameasa jornalista hanesan uluk jornalista Timor Post Raimundos Oki hetan ona ida ne’e, maibé sira sita katak ho prezensa Konsellu Imprensa nian iha disputa balun bele resolve,” Virgílio Guterres hateten iha Kintál-Boot, Kinta (05/05/2022).

CI haree katak, índise liberdade imprensa tinan ne’e, nu’udár haksoit espektakulár ida ne’ebé iha lista, maibé ida ne’e seidauk naton atu define kualidade konteúdu ne’ebé fó ba iha públiku.

“Jornalista no órgaun komunikasaun sosiál sira iha ona liberdade maibé imprensa ne’e mak presiza atu hadi’a, jornalista bele hakerek kona-bá saida de’it ho krítiku maibé buat ne’ebé presiza hadi’a maka kualidade konteudu,” Prezidente CI ne’e subliña.

Nia husu ba órgaun komunikasaun sosiál ho jornalista sira presiza halo reflesaun atu dehan informasaun sira ne’ebé durante ne’e fó ba públiku, ba leitór, ouvintes no haree na’in sira ne’e informasaun ne’ebé kualidade ka la’e.

Atu sukat kualidade ne’e, jornalista sira tenke hatene katak públiku uza informasaun ka notísia sira ne’ebé jornalista fó ne’e atu dezenvolve sira nia moris, atu hetan asesu ba fontes negósiu nian, agrikultura, edukasaun no kona-bá saúde no durante ne’e jornalista inklui órgaun komunikasaun sosiál sira hakonu duni públiku ho informasaun sira bazeia ba notisia ne’ebé iha ka la’e.

Advertisement

Ida-ne’e mak pergunta refletivu ne’ebé presiza haree no Conselho Imprensa mós tau atensaun ba buat ida ne’e.

“Iha planu estratéjiku foun, CI define katak kooperasaun ho asosiasaun jornalista sira atu konsentra iha formasaun intelektuál jornalista nian importante ho objetivu ida atu hadi’a kualidade jornalista nian,” nia hateten.

Nune’e mós Konsilleiru CI, Otelio Ote hateten, Timor-Leste kada tinan sempre hetan rezultadu pozitivu iha índise liberdade imprensa iha Sudeste Aziátiku no mós mundiál, hanesan jornalista Timoroan sente orgullu ho rezultadu ne’e tamba Timor-Leste nia nível nunka tun maibé kontinua sae.

Ba Timor-Leste dalaruma hakfodak ho rezultadu ne’e tanba karik la hatene nia kritéria loloos ne’e mak saida.

“Ba ha’u nia haree, tinan tolu ikus iha tempu COVID-19 laiha limitasaun ba jornalista no Governu halo tan osan front line ba jornalista atu bele halo kobertura. Signifika governu suporta no lakohi taka informasaun sira liga ho dadus COVID-19 no prestasaun di’ak liután maka iha eleisaun Prezidensiál ne’ebé ita foin liu média halo kobertura livre no laiha limitasaun, laiha jornalista ida mak hetan ameasa fíziku ka sai vítima durante prosesu eleisaun to’o validasaun rezultadu iha Tribunál Rekursu,” Ote hateten.

Advertisement

Nia dehan, redultadu índise ne’ebé iha, simu nu’udár orgullu ida maibé mós sai nu’udár reflesaun ba produtu jornalistiku sira.

“Signifika, ita iha parte ida ne’ebé. Ita nia prestasaun ne’e di’ak tanba ita nia kobertura sira krítiku ba situasaun polítika, sosiál no kontrolu ba governasaun di’ak ka tanba ita nia kobertura sira bai-bain de’it ka basta halo kobertura baibain,” Otélio Ote husu.

Lee Mós: Índise Liberdade Imprensa TL Di’ak Liu, Vida Jornalista Timoroan Susar Liu

Jornalista: Vito Salvadór

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Reinu Unidu Kompromete Apoiu TL Nia Dezenvolvimentu Ekonomia, Saúde no Nutrisaun

Published

on

Hatutan.com, (29 Setembru 2023), Díli- Ministra de Estado para o Indo-Pacífico do Reino Unido, Anne-Marie Trevelyan, hateten Reinu Unidu iha kompromisu boot atu apoiu Timor-Leste iha dezenvolvimentu ekonomia, saúde no nutrisaun.

(more…)

Kontinua Le'e

Nasionál

Xefe Suku-Aldeia Sei La Simu Osan Bainhira La Kontrola Komunidade Tesi Arbiru Kanu Bee-Moos

Published

on

Hatutan.com, (28 Setembru 2023), Díli—IX Governu Konstitusionál liu hosi Reuniaun Konsellu Ministru (KM) iha Kuarta (27/09) aprova rezolusaun ida atu Ministériu Obras Públika ho Ministériu Administrasaun Estatál (MAE) bolu administradór sira, Xefe Suku, Xefe Aldeia sira hodi ko’alia atu bele fó atensaun másimu ba komunidade sira labele tesi kanu no hasai bee arbiru hosi kanu sira.

(more…)

Kontinua Le'e

Nasionál

Governu Estabelese Koordenasaun Servisu Interministeriál Solusiona Jestaun no Fornesimentu Bee-Moos bá Povu

Published

on

Hatutan.com, (26 Setembru 2023), Díli- IX Governu Konstitusionál iha komprimisu boot atu hadia jestaun no konstrusaun bá sistema fornesimentu bee-moos hodi garante asesibilidade bá povu, inklui mós ba balada sira hotu.

(more…)

Kontinua Le'e

Trending