Connect with us
Pakote Ahi

Justisa & Krime

Omesídiu iha Lahane, Arguidu Konfesa Totalmente Tiru Uza Pistola

Published

on

Hatutan.com, (10 Maiu 2022), Díli—Tribunál Distritál Díli (TDD) iha Tersa 10 fulan ne’e hala’o primeiru julgamentu ba krime omesídiu agravadu ho númeru kriminál 0173/21.PCCC ne’ebé deskonfia involve membru Polísia Nasionál Timor-Leste (PNTL), arguidu Mariano de Jesus ne’ebé utiliza pistola hodi hamate Mateus de Deus, Camilo da Conceição de Deus no hakanek lezadu Januário Pereira, iha Lahane Orientál iha 2021.

Iha audiénsia julgamentu ne’ebé prezide hosi juiz kolektivu Ana Paula Fonseca, arguidu konfesa totalmente katak nia utiliza duni pistola ne’ebé PNTL atribui ba nia hodi tiru no hamate vitima Mateus de Deus, Camilo da Conceição de Deus no hakanek lezadu Januário Pereira.

Relasiona ho arguidu nia deklarasaun ne’ebé konfesa totalmente katak akuzasaun loos hotu, maka Tribunál deside la presiza rona tán sasin sira.

Advertisement

Nune’e, Tribunál adi’a hikas julgamentu ba loron seluk hodi tama ba alegasaun hosi Ministériu Públiku (MP) ne’ebé reprezenta hosi Prokuradór Jacinto Babo inklui alegasaun hosi advogadu privadu ne’ebé reprezenta hosi Câncio Freitas.

Antes ne’e, tuir akuzasaun hosi MP katak, arguidu servisu nu’udár Polísia Nasionál Timor-Leste (PNTL), kolokadu iha Komandu Polísia Munisipiu Díli, nomeadamente iha Eskuadra Na’in-Feto, no relativa ho servisu ne’e PNTL atribui Pistola ida ho marka Glock 19, númeru serial FHX 093.

Maibé, iha loron 05 fulan Juñu tinan-2021 haleu tuku 02:00 madrugada, arguidu ba iha vítima Mateus de Deus ho Camilo da Conceição de Deus nia uma ne’ebé lokaliza iha aldeia Ainitas Hun, suku Lahane Orientál, Postu Administrativu Vera Cruz, hodi bolu vítima Camilo de Deus nia naran ho lian makás, tanba ne’e vítima Camilo de Deus hamutuk Equilides de Jesus sai hosi uma laran hodi ba hasoru arguidu.

Bainhira vítima Camilo de Deus ho Equilides de Jesus sai hosi uma laran, arguidu hateten ba vítima Camilo de Deus katak “ita bo’ot ba sa’e karreta, maibé vitima Camilio de Deus responde “ha’u la ba!! tanba ó hatais sivíl hela no kuandu ó la uza farda PNTL ha’u sei la ba sa’e karreta.

Arguidu kontinua obriga vítima Camilo hodi ba sa’e karreta, maibé vítima lakohi, nune’e arguidu konsege dudu vítima Camilo de Deus nia hirus matan no vítima Camilo mós halo reazen hodi dudu hasoru arguido.

Advertisement

Ho situasaun ne’e, halo arguidu nervozu no losu pistola iha kanotak hodi direta tiru ba vítima Camilo de Deus nia kabun parte loos hodi halo vítima monu kedan iha fatin.

Rona kilat tarutu, vítima Mateus de Deus halai sai ba liur hodi hakilar arguidu dehan Mariano, maibé arguidu kontinua halo reazen hodi tiru kona iha vítima Mateus de Deus nia hirus matan halo vitima monu ba rai.

Situasaun ne’e, akontese mós ba lezadu Januário Pereira, kuandu rona kilat tarutu lezadu sai kedan hosi uma laran ba liur no momentu ne’ebá lezadu haree vítima Mateus de Deus monu hela iha rai ho ran nakonu no arguidu kaer hela Pistola iha liman halo lezadu tauk no tenta hodi halai tama fali ba uma laran, maibé arguidu tiru lezadu hosi kotuk no kilat musan kona iha lezadu nia ain parte karuk halo lezadu monu hela iha odamatan oin.

Bainhira vitima Camilio de Deus, Mateus de Deus monu ba rai ho ran ne’ebé nakonu inklui lezadu Januário Pereira, arguidu halai sees kedan hosi fatin akontesimentu.

Hosi akontesimentu ne’e rezulta Camilio de Deus, Mateus de Deus mate fatin no lezadu Januario Pereira kanek todan.

Advertisement

Tuir relatóriu teste balistika ba Pistola Glock 19 ho númeru serial FHX 093, ne’ebé mak fó sai hosi Laboratóriu Polísia Sientifika (LPC) hatudu katak, pistola musan sira halo mate vitima Mateus de Deus ho Camilo de Deus no halo kanek lezadu Januario Pereira ne’e mai hosi Pistola ho maraka Glock 19 ho númeru serial FHX O93 ne’ebé tiru sai hosi arguido.

Tanba ne’e, MP akuza arguidu ba pratika krime omesídiu agravadu dala rua no tentativa omesídiu ne’ebé previstu iha artigu 138 hosi kódigu penál TL.

Jornalista: Carmelita Isaac

Advertisement

Justisa & Krime

Ministra Edukasaun Fó Kompeténsia bá SEESETV Domingos Lemos Lopes Akompaña Kazu Ró ESTV Peska Ataúro

Published

on

Hatutan.com (29 Setembru 2023), Díli—Ministra Edukasaun (ME), Dulce de Jesus Soares entrega kompeténsia tomak bá Sekretáriu Estadu Ensinu Sekundáriu no Eskola Téknika Vokasionál (SEESETV), Domingos Lemos Lopes, atu akompaña prosesu tomak hosi kazu ró ida ne’ebé sosa hosi Ministériu Edukasaun Juventude no Desportu (MEJD) iha tinan 2016 ho folin $142.000 bá Eskola Tékniku Vokasionál (ESTV) Peska Ataúro, maibé ró ne’e estudante sira utiliza dala-rua de’it hodi halo pratika to’o agora aat no sai ferrujen de’it iha tasi-laran.

(more…)

Kontinua Le'e

Justisa & Krime

CAC Submete Kazu Ró Ambulánsia bá MP iha 2015 To’o Agora Laiha Informasaun

Published

on

Hatutan.com, (29 Setembru 2023), Díli–Komisaun Anti Korrupsaun (CAC, sigla portugés)  submete tiha prosesu kriminál  hotu kona-bá kazu Ró Ambulánsia Ministériu Saúde (MS) nian bá Ministériu Públiku (MP) iha loron 03 fulan-Dezembru tinan 2015, maibé to’o agora laiha informasaun.

(more…)

Kontinua Le'e

Justisa & Krime

Rezolve Pasaporte, Ministru Amándio Promete Fim Setembru Maibé Xanana dehan La Fásil

Published

on

Hatutan.com, (28 Setembru 2023), Díli—IX Governu Konstitusionál esforsu hela atu rezolve problema kaderneta pasaporte ne’ebé VIII Governu husik hela, iha ne’ebé Ministru Justisa (MJ) Amándio Amandio de Sá Benevídes promete dala barak hodi fó garantia katak, iha fim fulan Setembru tinan ne’e sei rezolve, infelizmente ohin Primeiru Ministru (PM), Kay Rala Xanana Gusmão deklara katak, bá kestaun ne’e la fásil tanba kaderneta ne’e la’ós imprime iha rai laran.

(more…)

Kontinua Le'e

Trending