Connect with us
Pakote Ahi

Justisa & Krime

IFJ Husu Retira Keixa “Denuncia Caluniosa”, MAPKOMS Dehan Husik Órgaun Ida-idak Hala’o Nia Servisu

Published

2 years ago

on

Hatutan.com, (01 Juñu 2022), Díli—Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo, la aseita ho rekomendasaun no ezijénsia sira hosi Internasionál For Journalist (IFJ), ne’ebé husu atu retira ninia keixa “Denuncia Caluniosa” hasoru Jornalista Hatutan.com hosi Ministériu Públiku (MP).

Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo.

“Ha’u dehan tiha ona, husik bá órgaun ida-idak hala’o nia servisu. Ne’ebé lalika saida,” Francisco Martins da Costa Pereira Jerónimo hateten ba Hatutan.com, hafoin sorumutu ordináriu iha Ministériu Finansa (MF), Ai-tarak laran, Kuarta (01/06/2022).

Lee Mós:IFJ Ezije MAPKOMS Dada-Hikas Keixa Hasoru Jornalista Francisco Belo Simões

MAPKOMS mós lakohi fó komentáriu kona-bá, esénsia loloos kona-bá keixa “Denuncia Caluniosa” ne’ebé mak antes ne’e nia hato’o ba MP.

Advertisement

Jornalista nu’udár mós Xefe Redasaun Hatutan.com, Francisco Belo Simões da Costa, iha Segunda (23/05/2022), presta ona deklarasaun iha  Ministériu Públiku (MP)  ka Prokuradoria Distritál Díli, kona-bá keixa balun ne’ebé hatama hosi Francisco Martins da Costa Pereira Jerónimo, atuál Ministru Asuntu Parlamentár no Komunikasaun Sosiál (MAPKOMS).

Kona-bá ne’e iha 30 Maiu 2022, Federasaun Internasionál bá Jornalista sira (IFJ, sigla Inglés) hamutuk ho nia aliadu Timor Leste Press Union (TLPU) ezije bá Ministru Asuntu Parlamentár no Komunukasaun Sosiál (MAPKOMS), Francisco Martins da Costa Pereira Jerónimo, atu imediatamente dada-hikas keixa “Denúcia Caluniosa” hasoru jornalista no Xefe Redasaun mídia online Hatutan.com, Francisco Belo Simões da Costa.

Liu husi komunikadu imprensa ne’ebé Hatutan.com asesu husi sítiu ofisiál IFJ nian relata katak MAPKOMS Francisco Martins da Costa Pereira Jerónimo, submete ona keixa bá Ministériu Públiku (MP) kona-bá akuzasaun “Denúncia Caluniosa” iha Kódigu Penal Timor-Leste nian relasiona ho publikasaun notísia Hatutan.com nian bá kazu projetu instalasaun Set-top Box/dexodificador Rádiu Televizaun Timor Leste, Empreza Públiku (RTTL,E.P).

Lee Mós:MAPKOMS Halo Keixa “Denúncia caluniosa” Hasoru Xefe Redasaun Hatutan.com

Jornalista: Rogério Pereira Cárceres

Advertisement

Tópiku Relasionadu
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

Xanana Enkoraza PCIC Servisu Onestu no Profisionál, Koopera ho PNTL-SNI

Published

4 days ago

on

14/05/2024

By

Hatutan.com, (14 Maiu 2024), Díli— Primeiru-Ministru (PM), Kay Rala Xanana Gusmão husu bá instituisaun Polísia Sientífika Investigasaun Kriminál (PCIC, sigla portugés) atu servisu ho onestu no profisionál.

(more…)

Kontinua Le'e

Justisa & Krime

Reforma Estrutura Lei Ne’ebé La Kompativel Bá PCIC no Iha Ona Relatóriu Reforma Justisa

Published

4 days ago

on

14/05/2024

By

Hatutan.com, (14 Maiu 2024), Díli-Iha serimónia pose bá membru IX Governu Konstitusionál nian, Sábadu 01 fulan-Jullu 2023, Primeiru Ministru, Kay Rala Xanana Gusmão  deklara no kompromete halo re-estruturasaun bá Polísia Sientífika Investigasaun Kriminál (PCIC,sigla portugés) tanba la hatudu liu integridade no profisionalizmu.

(more…)

Kontinua Le'e

Justisa & Krime

Candice Teves Husu Estadu TL Salva Nia Kaben Fujitivu Arnolf Teves

Published

6 days ago

on

12/05/2024

By

Hatutan.com, (12 Maiu 2024), Díli—Candice Teves husu Estadu Timor-Leste (TL) atu salva nia kaben Fujitivu Arnolf Teves Jr hodi aseita no aprova pedidu aziliu politiku ne’ebé fujitivu ne’e husu.

(more…)

Kontinua Le'e
Advertisement

Trending