Connect with us

Manatuto

Santu António Modelu ba Sarani Sira Atu Sai Masin-Naroman Mundu Nian

Published

on

Hatutan.com, (13 Juñu 2022), Díli—Administradór Parokiál Igreja Santu António Manatuto, Padre Nelson da Costa Freitas konsidera Santu António hanesan modelu ba sarani sira iha mundu tomak, liuliu sarani Katólika iha Parókia ne’e atu sai masin no naroman mundu nian.

Administradór Parokiál Igreja Santu António Manatuto, Padre Nelson da Costa Freitas. Foto/Média PR.

Padre Nelson Freitas hateten iha omilia misa agradesimentu ba loron Padroiru Santo António nian ne’ebé selebra iha 13 fulan Juñu.

Lee Mós:Kardeál Nu’udár Prezente ba Povu no Sarani TL

Modelu ne’ebé presiza banati tuir iha pessoa Santu António nian hodi glorifika Maromak no lori ema seluk tuir Kristu maka tenke hatudu hahalok di’ak ba maun alin sira, iha moris lorloron nian.

“Sarani Manatuto tenke hakas an atu sai masin rai nian no naroman mundu nian. Signifika, fó moris atu glorifika no hahí Maromak hodi lori ema seluk tuir Jesus,” nia hateten iha Segunda (13/06/2022).

Padre Nelson mós fó-hanoin katak,iha vizita Santu Padre João Paulo II husu mós atu povu ka sarani Timoroan tomak tenke sai masin rai nian no naroman mundu nian.

Bainhira masin lakon nia sabor la serve ona atu ema uza, nune’e mós bainhira sarani ida nia vida lakon nia sabor no nia fiar rasik mós lakon nia sabor, nia la’ós ona ema Kristaun, la’ós ona sidadaun di’ak, liuliu lakon ona nia esénsia hanesan ema fiar na’in.

Ohin, iha misa Santa ne’e, Evanjelista Saun Mateus fó-hanoin atu halo moris sai sabór tuir Santu António ne’ebé ho nia matenek loke ema nia fuan no laran atu hateke ba dook, lori salvasaun ba klamar iha loron aban bairua nian.

Sarani Katóliku ne’ebé simu Sakramentu Baptizmu no Sakramentu sira seluk, signifika simu roman Espíritu Santu nian tanba ne’e roman ne’e tenke habelar, fó naroman no nabilan ba ema seluk labele hela iha ema nia an mesak.

Bibi-atan ne’e fó ezemplu katak, dala barak sarani sira halo sira nia moris hodi koko liu nakukun nian kompara ho “Iluminação”. Alende ne’e, moris iha mundu ohin loron halo ema foti an, loko an no ejize buat barak hodi haluhan nia dever rasik hanesan sarani di’ak, sidadaun di’ak.

Loloos hanesan sarani no sidadaun di’ak ema tenke iha korajen atu husu ba nia an saida mak nia halo ona no sei halo ba Kreda no nasaun.

Istória Badak

Misa agradesimentu ba loron Padroiru Parókia Santo António Manatuto ne’ebé selebra iha 13 fulan Juñu 2022. Foto/Média PR.

Santu António mai husi ran Liurai reinu España. Santu Antónoo moris iha Lisboa Portugzál iha tinan 1195, aman naran Don Martino Gumoes pertense exersitu liurai bo’ot Don Afonso no nia inan Dona Maria Tereza de Caveira ran liurai hosi Norte Portugal.

Santu António nia naran  sarani Fernando Martins, nia moris tinan tolu nolu resin neen (36). Bainhira sei kiik nia halo ema hotu orgullu tanba nia komportamentu di’ak tebes hodi hatudu nanis buat ne’ebé sei sai ikus mai.

Iha fulan Abril 1690, Franciscano sira liu hosi Frei Agustino da Sumpa Paskual no rei João de Val Cambra mai iha Manatuto, sira hahú haklaken Evanjellu no sarani mós  liurai Manatuto nia subriñu ida iha tinan 1815 no Liurai Manatuto Brigadeiru Don Mateus Soares simu knaar atu ukun.

Tuir istória, liurai Mateus mak simu estatua Santu António de Pádua ne’ebé mai hosi Laran-Tuka hosi ne’ebá mak mosu devosaun boot ba  “Amu Deus Koronel Santu António”.

Santu António sai Santu ida poderozu tanba nia Santu ida ne’ebé halo milagre 21 iha istória Uma-Kreda nian.

Estatua Santu António ne’ebé iha Parókia Manatuto, Don Jeraldo de Saun José Obte Bispo Malaka ne’ebé mai besik iha Timor mak haruka mai iha Manatuto.

Jornalista: Vito Salvadór

Kontinua Le'e
Hakarak Hato'o Komentariu?

Husik Hela Komentariu

Your email address will not be published.

Munisípiu

Ramos-Horta Transmite Populasaun Kribas Nia Susar Bá IGE Atu Konsidera

Published

on

Hatutan.com, (15 Juñu 2022), Díli-Prezidente Repúblika nu’udár mós Xefe Estadu presiza duni atu sai mós hanesan matan, tilun no ibun povu nian. Ho nune’e, Ramos-Horta, hala’o papel ka knar ida-ne’e hodi sai mós matan, tilun ho ibun bá povu sira hodi transmite povu nia halerik no susar bá órgaun kompetente Estadu nian atu bele tau konsiderasaun.

(more…)

Kontinua Le'e

Manatuto

Relijiaun no Kultura Lori Valor Turizmu Relijiozu Bá TL

Published

on

Hatutan.com, (13 Juñu 2022), Manatuto- Prezidente Repúblika (PR), José Manuel Ramos-Horta hateten, inkulturasaun iha selebrasaun festa padroeira parókia Santu António Manatuto iha nia sentidu relijiozu no kulturál ne’ebé hatudu valor husi turizmu relijiozu Timor-Leste nian.

(more…)

Kontinua Le'e

Manatuto

Irrigasaun iha Manatuto Kontinua Át Kauza Husi Kalamidade 04 Abríl 2021

Published

on

Hatutan.com, (13 Juñu 2022), Manatuto– Kondisaun infraestrutura públiku, hanesan estrada, ponte, eskola sira no fasilidade irrigasaun ne’ebé át iha área sira ne’ebé pertense bá Munisípiu Manatuto kauza husi kalamidade iha loron 04 fulan-Abríl 2021, kontinua seidauk hadi’a to’o ohin loron.

(more…)

Kontinua Le'e

Trending