Connect with us

Manatuto

Irrigasaun iha Manatuto Kontinua Át Kauza Husi Kalamidade 04 Abríl 2021

Published

on

Hatutan.com, (13 Juñu 2022), Manatuto– Kondisaun infraestrutura públiku, hanesan estrada, ponte, eskola sira no fasilidade irrigasaun ne’ebé át iha área sira ne’ebé pertense bá Munisípiu Manatuto kauza husi kalamidade iha loron 04 fulan-Abríl 2021, kontinua seidauk hadi’a to’o ohin loron.

Lee Mós : Estrada Sira Estragu iha 4 Abríl 2021 Foin iha Faze Verifikasaun Dadus

Moru Protesaun iha Mota Manatuto naksobu no fó ameasa bá komunidade bainhira tempu udan-boot. Foto/Dok.Hatutan.com

Administradór Munisípiu Manatuto, Bernardo Lopes bá jornalista sira iha Igreja Parókia St. António Manatuto, Segunda (13/06/2022), konfirma katak kalamidade 04 Abríl 2021 ne’ebé rezulta estragu bá fasilidade públiku, inklui komunidade balun nia uma át no balun lakon vida, to’o agora seidauk iha rekupera totalmente.   

Tuir avaliasaun no levantamentu ne’ebé Governu halo bá munisípiu 12 inklui Rejiaun Administrativu Espesiál Oé-Cusse Ambeno (RAEOA) hatudu katak dezastre naturál iha 04 Abríl liubá, minisípiu rua (2) maka afetadu liu maka Manatuto ho RAEOA.

Parte sira autoridade Munisípiu Manatuto nian halo ona esforsu tuir kbiit ne’ebé iha atu bele tulun emerjensiamente família afetadu sira, inklui buka rekupera kondisaun infraestrutura públiku balun ne’ebé át. Maibé totalente seidauk bele rekupera hotu kedas tanba limitasaun rekursu finanseira.

“Ami sei buka oportunidade atu transforma natar temporáriamente bá ortikultura nian hodi prienxe rai mamuk sira ne’e durante iha segunda époka ne’e,” Bernardo Lopes hateten.

Munisípiu Manatuto rasik iha irrigasaun hamutuk 12, inklui irrigasaun boot liu iha Munisípiu Manatuto no Timor ne’ebé hanaran irrigasaun Domin ne’ebé konstrui husi primeiru Governu Konstitusionál liu husi apoiu bilateral Governu ho parseiru sira husi JICA.

Irrigasaun Domin destruidu total inklui mós ho sira seluk kompostu husi irrigasaun sira iha postu Manatuto-Villa no Laclo ne’ebé bele fasilita bee bá natar ektare rihun resin, maibé oras ne’e destruidu total.

Komunidade sira seidauk bele halai natar tamba uainhira autoridade munisípiu halo esforsu hodi hatama bee bá natar tempu natar nia liu ona, maibé mós la falta oportunidade tamba sei bele transforma ba segunda époka katak bá fali area kultivu seluk hanesan ortikultura, pastajen no sira ne’e bele tulun bá iha pekuária nian.

“Ami esforsu hatama ona bee, maibé labele garantia tamba uainhira udan monu rai no mota-boot nia sei aat fila fali de’it,”  Nia subliña.

Administradór Munisípiu Manatuto, Bernardo Lopes. Foto/Hatutan.com

Nia hatutan kauza husi kalamidade públiku ne’e Postu Administrativu Laclubar hetan impaktu makas no kuaze estrada sira destruidu total halo asesibilidade bá Postu Laklubar to’o agora bele bá de’it Laclubar Villa, maibé ligasaun postu bá suku sira kontinua át.

 “Afetadu boot liu mak Postu administrativu Laclo no Laclubar inklui Manatuto Vila rasik,” Nia akresenta tan.

Autoridade Munisípiu Manatuto hateten, forsa material husi Institutu Jestaun Ekipamentu (IGE) atu fahe hotu bá Timor laran la to’o, mezmu  hanesan ne’e iha Díli de’it mós IGE labele responde no sira halo servisu etapa por etapa no oras ne’e sira halo de’it servisu iha sentru no ligasaun sira ne’ebé públiku no  enkuantu postu sira seidauk kobre tamba ne’e hanesan makaer ukun iha munisípiu ne’e nafatin esforsu ho kondisaun ne’ebé iha atu bele atende komunidade sira-nia preokupasaun.

Munisípiu Manatuto kompostu husi postu administrativu Manatuto Villa, Laclo, Laleia, Soibada, Laclubar no Barique. Iha suku hamutuk 31 no aldeia 113.

Jornalista: Vito Salvador

Kontinua Le'e
Hakarak Hato'o Komentariu?

Husik Hela Komentariu

Your email address will not be published.

Munisípiu

Ramos-Horta Transmite Populasaun Kribas Nia Susar Bá IGE Atu Konsidera

Published

on

Hatutan.com, (15 Juñu 2022), Díli-Prezidente Repúblika nu’udár mós Xefe Estadu presiza duni atu sai mós hanesan matan, tilun no ibun povu nian. Ho nune’e, Ramos-Horta, hala’o papel ka knar ida-ne’e hodi sai mós matan, tilun ho ibun bá povu sira hodi transmite povu nia halerik no susar bá órgaun kompetente Estadu nian atu bele tau konsiderasaun.

(more…)

Kontinua Le'e

Manatuto

Relijiaun no Kultura Lori Valor Turizmu Relijiozu Bá TL

Published

on

Hatutan.com, (13 Juñu 2022), Manatuto- Prezidente Repúblika (PR), José Manuel Ramos-Horta hateten, inkulturasaun iha selebrasaun festa padroeira parókia Santu António Manatuto iha nia sentidu relijiozu no kulturál ne’ebé hatudu valor husi turizmu relijiozu Timor-Leste nian.

(more…)

Kontinua Le'e

Manatuto

Santu António Modelu ba Sarani Sira Atu Sai Masin-Naroman Mundu Nian

Published

on

Hatutan.com, (13 Juñu 2022), Díli—Administradór Parokiál Igreja Santu António Manatuto, Padre Nelson da Costa Freitas konsidera Santu António hanesan modelu ba sarani sira iha mundu tomak, liuliu sarani Katólika iha Parókia ne’e atu sai masin no naroman mundu nian.

(more…)

Kontinua Le'e

Trending