Connect with us
Pakote Ahi

Manatuto

Retífika Ilegalidade PN no Forma Governu Foun, Sai Materia Kampaña Horta iha Laclubar

Published

on

Hatutan.com, (05 Marsu 2022), Manatuto-Mini kampaña kandidatu Prezidente Repúblika  2022-2027, José Ramos Horta, iha Postu Administrativu Laclubar, Munisípiu Manatuto, Sábadu (05/03/2022), kontinua afirma, atu retífika ilegalidade iha Parlamentu Nasionál no haree oinsá forma Governu foun.

Notísia iha Relasaun: CNRT Lautém Kompromete Fó Votu 8,200 Ba Ramos Horta

“Se ha’u hetan fiar husi povu hodi assume knar hanesan Xefe Estadu 2022-2027, ha’u sei buka hakuak partidu sira hotu, sosiedade tomak halo diálogu. Maibé, hahú diálogu ne’e, oinsá retífika problema ne’ebé prezidente maka kria, retífika ilegalidade iha parlamentu, ita haree oinsa forma Governu foun,” kandidatu Prezidente Repúblika ho numeru sorteiu 14 ne’e hateten perante mini kampañe polítika iha Postu Administrativu Laclubar, Munisipiu Manatuto.

Advertisement

Horta dehan, atu forma governu foun ida, iha solusan rua; ida maka halo diálogu ho partidu polítiku sira ne’ebé asentu iha parlamentu nasionál no dalan ida seluk, maka disolve PN hodi forma fali governu foun.

“Governu foun bele forma liuhosi diálogu iha parlamentu ka eleisaun antesipadu, halo eleisaun foun. Laiha dalan seluk,” Horta afirma tan.

Horta konsidera, eleisaun hanesan buat ida ba importante ba povu tomak, bainhira  hakarak rai ida-ne’e moris nafatin iha demokrasia.

“Tuu loloos, ha’u laiha inimigu, ba ha’u, partidu hotu-hotu ha’u hakuak. Partidu bele di’ak, bainhira ema lidera ne’e di’ak. Ita labele hateten de’it, instituisaun ida ne’e importante tebe-tebes. Mas sé mak halo instuisaun ne’e, ema mak halo. Igreja mós ema mak halo, hahú hosi Amu Papa to’o Sarani sira. Baze sosiedade nasaun, ema, ema, ema. Polítika ita halo, tenke sempre hanoin ema. Hahú hanoin sira be ki’ik liu, fraku liu, to’o boot sira. Ne’e maka ha’u nia filozófia ba prezidente ba governasaun,” Horta hateten tán.

Horta husu Vota ba Nia

Advertisement

Postu Administrativu Laclubar, nudár rai moris fatin Ramos Horta nian. Nune’e, nia husu ba nia maun-alin no inan-feitn sira hotu iha Laclubar atu vota nia nia hanesan kandidatu Prezidente Repúblika ho numéru sorteiu 14 iha eleisaun prezidensial, 19 Marsu ne’e.

“Laclubar, keta haluha, ha’u boot iha Laclubar, Soibada. Tinan hitu  iha Soibada, han batar daan loro-loron, ai-fariña. Iha Barique, iha Natarbora. Uluk sa’e-kuda hosi Barique to’o Manatuto, kalan-ida, loron-rua, tauk loos. Tanba sá? Ami nia maun António hateten, kuidadu durhui,” Horta hanoin hikas.

Durante atividade mini kampaña iha Postu Administrativu Laclubar, hetan observasaun hosi ofisiál monitorizasaun ba eleisaun, Comissăo Nacional de Eleições (CNE), no asegura hosi PNTL Munisípiu Manatuto.

Jornalista: Rogério Cárceres

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Manatuto

Komunidade Natarbora Prontu Oferese Rai Harii Sentru Dezenvolvimentu Integradu bá Petróleu

Published

on

Hatutan.com, (13 Favereiru 2024), Manatuto-Komunidade sira iha Suku Aubeon, Postu Administrativu Barique/Natarbora, Munisípiu Manatuto, prontu oferese sira-nia rai bá Governu liuhosi Ministériu Petróleu no Rekursus Minerais (MPRM) atu harii sentru dezenvolvimentu integradu bá petrólu nian.

(more…)

Kontinua Le'e

Manatuto

Governu Sei Harii Uma Dignu 50 bá Komunidade Aubeon ho Orsamentu kada Uma $40,000.00

Published

on

Hatutan, (12 Fevereiru 2024), Manatuto – Vise-Primeiru Ministru no Ministru Koordenadór Asuntu Sosiál ho Ministru Dezenvolvimentu Rural no Abitasaun Komunitáriu, Mariano Assanami Sabino, kompromete harii uma dignu unidade 50 bá komunidade Suku Aubeon, Postu Administrativu Barieque, Munisípiu Manatuto.

(more…)

Kontinua Le'e

Manatuto

Filomeno Cárceres Manán Maioria Absoluta Iha Suku Lakumesak

Published

on

Hatutan.com, (29 Outubru 2023), Lacló—Kandidatu númeru sorteiu 03, iha eleisaun órgaun suku tinan ne’e nian, Filomeno Rodriguês Pereira Cárceres, manán ho votu maioria absoluta iha Suku Lakumesak, Postu Administrativu Lacló, Munisipiu Manatuto.

(more…)

Kontinua Le'e
Advertisement

Trending