Connect with us

Polítika

Ramos-Horta Husu Ajuda Hosi g7+ Atu Lori Fila Timoroan Sira iha Timor Osidentál

Published

on

Hatutan.com, (20 Juñu 2022), Díli— Prezidente Repúblika (PR), José Manuel Ramos-Horta husu ajuda hosi Organizasaun Internasionál g7+ hodi aselera rekonsiliasaun ho Indonézia atu bele lori fila timoroan sira ne’ebé oras-ne’e  sei iha hela Timor Osidentál.

Ramos-Horta vizita Kuartél Jerál g7+ Palásiu Governu Díli, Segunda (20/06/2022).

“Ha’u husu atu g7+ apoia no ajuda ha’u tau-matan ba rekonsiliasaun. Liuliu oinsá ajuda rezolve situasaun Timoroan lubuk ida ne’ebé sei iha Timor Osidentál. Barak haluha ona sira, maibé ha’u nunka haluha. Uluk iha primeiru mandatu la konsege rezolve no iha segundu mandatu hakarak rezolve ida-ne’e definitive, tanba barak hakarak fila maibé tanba sira iha problema ho justisa internasionál,” Ramos-Horta hateten iha edifísiu g7+ Palásiu Governu Díli, Segunda (20/06/2022).

Lee Mós: Papa Francisco Simpatia Boot atu Vizita TL iha 2022

José Ramos-Horta orgullu ho kredibilidade g7+ nian iha mundu internasionál hodi halo diálogu internasionál kona-bá konflitu, post konflitu no kona-bá dezenvolvimentu sustentável inklui kona-bá mudansa klimátika.

Xefe Estadu ho laran haksolok mai vizita kuartél g7+ iha Timor Leste ne’ebé eziste kleur ona no Timor Leste rasik mak fundadór, inisia hosi Kay Rala Xanana Gusmão no eis Ministra Finansas Emília Pires iha prosesu ida-ne’e.

g7+ ne’ebé reprezenta Estadu frázil iha Azia, Afrika Caribia manán kredibilidade nu’udár parseiru diálogu ho rai barak, Uniaun Europeia no país individu sira ho sistema Nasaun Unidas nian.

Ramos-Horta konsidera g7+ hanesan observadór iha Nasaun Unidas ho estatutu hanesan instituisaun multilaterál sira seluk no iha influensia bainhira sistema Nasaun Unidas sira hala’o diálogu internasionál kona-bá konflitu, post konflitu no kona-bá dezenvolvimentu sustentável ka kona-ba mudansa klimátika sempre rona pontu de vista g7+ nian.

“Ne’e hatudu katak, Xanana Gusmão nia vizaun atu halibur Estafu frázil sira ne’ebé iha esperiénsia komun atu defende ita nia ajenda komun ho parseiru internasionál sira no ne’e vizaun ida ne’ebé hatudu Xanana nia matenek,” José Ramos-Horta hateten.

Sekretariadu g7+ manán kredibildade ho governu Timor Leste rasik, Ministériu Negósiu Estranjeiru no Kooperasaun (MNEK), Ministériu Finansas (MF) ho sistema Nasaun Unidas tanba buat hotu ne’ebé g7+ halo tuir padraun internasionál liu hosi jestaun akontabilidade no tranparánsia.

Pandemia COVID-19 no krize funu iha Ukraina halo nasaun hotu iha mundu afeita no rai sira ne’ebé halibur hamutuk iha g7+ ne’ebé ki’ak, vulnerável hetan impaktu, nune’e rai boot sira membru permanente seguransa ONU nian iha responsabilidade ba seguransa koletiva globál no sira mak halo funu fali  depois impaktu boot ba labarik, feto no ki’ak sira tanba folin hahan sa’e, kombustível sa’e.

Ne’e akontese tanba boot sira la konsege rezolve problema fronteristu, problema teritoriál, jeopolítika no ambisaun no tanba ida-ne’e problema iha g7+ mós sei aumenta, problema instabilidade tanba hahan laiha no iha karik mós folin karun tebtebes halo ema sira ki’ak iha nasaun g7+ ne’e ki’ak liután no bele aumenta tán abut konflitu.

Nune’e mós Vise Sekretáriu Jerál g7+, Habib Mayar sei informa kona-bá progressu servisu g7+ nian no fahe informasaun kona-bá nasaun membru g7+ sira nian.

Habib Mayar sente orgullu no onradu ho prezensa Xefe Estadu, José Manuel Ramos-Horta iha Kuartél Jerál g7+ ne’e.

Vizita ne’e mós iha momentu ida importante atu hetan ideia no opiniaun hosi Prezidente nian relasiona ho situasaun krize jeopolítika ne’ebé akontese iha mundu agora.

“Vizita ne’e mós hanesan oportunidade hodi rona Xefe Estadu, kapasidade hanesan Enviada espesiál g7+, fahe hanoin estratéjiku hodi ajuda nasaun membru g7+ sira ne’ebé agora daudaun enfrenta hela konflitu, frazilidade no krize umanitária,” Hatutan.com sita deklarasaun Habib Mayar  iha komunikadu.

Tinan tolu liu ba, iha enkontru Ministeriál g7+ ba dala lima ne’ebé hala’o iha fulan Juñu 2019 iha Lisboa, grupo g7+ koletivamente nomeia ona José Ramos Horta nu’udár Enviada espesiál 97+ nian.

Enkontru ne’ebé partisipa hosi Ministru Planeamentu, Finansas no Pontu Fokais hosi nasaun membru 97+.

Jornalista: Vito Salvadór

Polítika

Xefe Estadu Enkoraza KFP Servisu ho Imparsiál

Published

on

Hatutan.com, (05 Jullu 2022), Díli—Prezidente Repúblika (PR) José Ramos-Horta husu ba Komisaun Funsaun Públika (KFP) atu servisu ho imparsialidade no neutralidade hodi hadook an hosi tentasaun liuliu monu iha partidarizasaun Funsaun Públika.

(more…)

Kontinua Le'e

Polítika

PN Aprova Proposta Rezolusaun Rua ba Ema ho Difisiénsia

Published

on

Hatutan.com, (05 Jullu 2022), Díli—Parlamentu Nasionál iha loron 04 fulan jullu tinan ne’e, aprova ona Proposta Rezolusaun númeru 16/V(4ª) – Ratifica para Adesao a Conveçao sobre os direitos das pessoas com deficiência no Proposta Rezolusaun númeru 17/V(4ª) – Ratifica para o Protocolo opcional à convenção sobre os direitos das pessoas com deficiência, ho votu a favor 41, kontra 0 no abstensaun 0.

(more…)

Kontinua Le'e

Polítika

KHUNTO Moris Atu Dignifika no Luta Bá Povu Nia Moris Di’ak

Published

on

Hatutan.com, (04 Jullu 2022), Díli- Prezidente Partidu Kmanek Haburas Unidade Nasional Timor Oan (KHUNTO), Armanda Berta dos Santos, hateten KHUNTO moris atu dignifika no luta bá povu nia moris di’ak.

(more…)

Kontinua Le'e

Trending