Connect with us
Pakote Ahi

Polítika

CFP Rejista Ona Funsionáriu Públiku 54.000

Published

on

Hatutan.com, (25 Jullu 2022), Díli—To’o oras-ne’e Comissão Funcão Pública (CFP) rejista ona funsionáriu públiku na’in 54.000.

Prezidente CFP, Faustino Cardoso Gomes hamutuk ho estrutura atualiza servisu no hato’o relatóriu tinan 2021 ba Primeiru Ministru (PM) Taur Matan Ruak, iha Rezidénsia Ofisíal Faról, Segunda (25/07/2022). Foto/Média PM.

Dadus ne’e Prezidente CFP Faustino Cardoso Gomes atualiza ona ba Primeiru Ministru (PM) Taur Matan Ruak iha Rezidénsia Ofisíal Faról, Segunda (25/07/2022).

Lee Mós: 2002-2022 CFP-MS Rekruta Profisionál Saúde 5.525

Dadus ne’e Parte estrutura CFP mós hatuur iha relatóriu tinan 2021 no husu tulun ba Xefe Governu atu haree hamutuk tanba tendénsia númeru funsionáriu públiku ne’ebé aumenta ba bebeik atinje ona, to’o rihun 54.

Advertisement

“Ami mai hodi halo atualizasaun ba situasaun Funsaun Públika ba Primeiru Ministru liu-liu ami hato’o ami nia relatáriu 2021, Segundu ami ko’alia kona-bá aumentu forsa de traballu iha Funsaun Públika, imi hatene dalabarak ami sempre hato’o katak oras ne’e ita nia numerú funsionariu aumenta ba bebeik no oras-ne’e porvolta 35.900, sei konta ho PNTL no F-FDTL, kazuais sira besik rihun 54, iha tendénsia aumenta ba bebeik,” Faustino Cardoso hateten.

CFP mós hato’o ba Primeiru-Ministru atu haree didiak situasaun ida-ne’e,  nune’e mós akonsella ba PM oinsá bele iha armonizasaun estrutura salariál, iha administasaun direta no indireta sira, nune’e asegura armonia no ekilibriu ne’ebé di’ak, dezempeñu ne’ebé efikaz, efisiente, iha Administrasaun Públika  nian.

Parte CFP mós atualiza kona-bá promosaun Funsionáriu Públiku ba tinan ida-ne’e nian, sei hahú iha loron 08  fulan-agostu tinan ne’e, iha funsionáriu 7.000 mak tuir atu ikus-mai ema atus 866 mak sei  promovidus ho ajustamentu salariál hahú hosi tinan oin fulan-janeiru.

Alende ne’e, atualiza ba Xefe Governu kona-bá kestaun serbisu inspetór ninian efikaz, serbisu oinsa halo kontrolu internu ne’e la’o di’ak hodi asegura boa Governasaun no komprimentu ba regra sira ne’ebé mak iha.

Atualiza mós kestaun importante sira atu haree kona-bá tutela administrativa hahú kedan hosi situasaun RAEOA ninian nomós administrasaun indireta sira.

Advertisement

CFP asegura ba PM kona-bá implementasaun politika boa Governasaun ninian iha ne’ebé CFP serbisu hamutuk ho Instituisaun sira seluk hanesan CAC, PDHJ, Inspetoria Jerál Estadu, haree kona-bá jestaun hamutuk ho património Estadu oinsa haree funsionáriu sira bele kumpri tuir rezolusaun Governu nian kona-bá estasionamentu karreta, oinsa evita uza individu karreta nian, oinsa kestaun kona-bá rezime kontratasaun atu nune’e Governu bele haree politika ida asegura sistema kontratasaun ida iha nível Funsaun Publiku nian, tanba to’o ohin loron Timor-Leste laiha iha sistema ida propiu ba ida ne’e, kona-ba rezime kontratasaun ne’ebé bele aplika hanesan ba hotu-hotu.

Atualizasaun ba kestaun rekrutamentu iha funsaun Públika nia laran, nune’e mós iha kestaun realokamentu pesoál sira bainhira hasoru politika re-estruturasaun hosi Ministériu ida aloka fali ba Komisaun Funsaun Públiku, depois Komisaun Funsaun Publiku re-aloka fali ba iha Instituisaun sira seluk, nune’e mós ba kargus dirijente sira iha Funsaun Públika  nian.

Kona-bá ne’e, Xefe Governu orienta no partilla polítika Governu nian reforma Administrasaun Públika  ninian atu oinsá mak iha Administrasaun Públika ida efisiente liu hodi suporta Dezenvolvimentu Rekursus Umanus, no suporta Dezenvolvimentu Ekonomia, suporta setór privadu, suporta rekursus naturais ne’ebé iha ho maneira amigável ba meiu ambiente.

Taur Matan Ruak ejize ba CFP tau atensaun makas, tau separasaun politika ho tékniku sira ne’e, labele interfere serbisu téknikus liuhosi kestaun polítika tenke fó valorizaun as ba tékniku no esperiénsia as iha téknika sira.

Relatóriu ne’e mós parte  Comissão Funcão Pública (CFP) antes ne’e submete ona ba órgaun soberania Parlamentu Nasionál (PN).

Advertisement

Jornalista: Rogério Pereira Cárceres

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

FRETILIN Propoin Kandidatu Komisáriu CAC Ida Tenke Retira

Published

on

Hatutan.com, (29 Setembru 2023), Díli- Bankada FRETILIN iha Parlamentu Nasionál propoin atu kandidatu komisáriu Komisaun Anti Korrupsaun (CAC, sigla portugés) ida ne’ebé la hetan apoiu retira hodi bele avansa bá eleisaun.

(more…)

Kontinua Le'e

Polítika

Lider Bankada PN Presiza Diskute no Aprová Lei Divizaun- Administrativu RAEOA-ZEESM ho Atauro

Published

on

Hatutan.com (29 Setembru 2023), Díli– Prezidente Parlamentu Nasionál (PN), Maria Fernanda Lay, Sesta (29/09/2023), konvoka reuniaun lider bankada Parlamentár sira hodi  diskute  pedidu urjénsia hosi IX Governu konstituionál atu aprova  Lei Divizaun- Administrativu bá Rejiaun Administrativu   Espesial Oé-Cusse-Ambeno (RAEOA), no bá Munisípiu Atauro tanbá liga ho Orsamentu Jerál Estadu (OJE) 2024.

(more…)

Kontinua Le'e

Polítika

$100.000 La Sufisiente bá Atividade Komisaun A

Published

on

Hatutan.com (27 Setembru 2023), Díli—Komisaun A Parlamentu Nasionál (PN) ne’ebé trata Asuntu Lejizlasaun no Justisa, ninia tetu fiskál iha Orsamentu Jerál Estadu (OJE) tinan 2024 ne’ebé alokadu ho montante $100.000 sei la sufisiente hodi responde atividade komisaun nian.

(more…)

Kontinua Le'e

Trending