Connect with us
Pakote Ahi

Polítika

Ramos-Horta Espera TL Manán Iha Eleisaun ba Membru Konsellu Direitus Umanus Nasaun Unidas

Published

on

Hatutan.com, (26 Jullu 2022), Díli—Prezidente Republika (PR), José Ramos-Horta iha esperansa katak, Timor-Leste sei manán iha eleisaun ba membru Konsellu Direitus Umanus Nasaun Unidas nian ba períodu 2024-2026.

Prezidente Repúblika, José Ramos-Horta hamutuk ho Membru Governu hala’o lansamentu ba kandidatura Timor Leste nian atu sai membru Konsellu Direitus Umanus Nasaun Unidas nian, ne’ebé hala’o iha Ministériu Negósiu Estranjeiru no Kooperasaun (MNEK) Praia dos Coqueiros, Díli, Tersa (26/07/2022).

Konsiderasaun ne’e Xefe Estadu hato’o bainhira partisipa lansamentu kandidatura Timor Leste nian atu sai membru Konsellu Direitus Umanus Nasaun Unidas nian, ne’ebé hala’o iha Ministériu Negósiu Estranjeiru no Kooperasaun (MNEK) Praia dos Coqueiros, Díli, Tersa (26/07/2022).

Lee Mós: TL Nasaun Da-Limak Iha Mundu Ne’ebé Promove Liu Tán Igualdade Jéneru

“Ha’u hein katak, Timor Leste sei manán iha eleisaun atu sai membru Konsellu Direitus Umanus UN nian, tuir prioridade sira ne’ebé hatuur ona hodi defende Direitus Umanus no dignidade pessoa Umana,” José Ramos-Horta hateten.

Advertisement

Xefe Estadu konsidera Eventu lansamentu ida-ne’e nu’udár momentu kmanek ba Timor Leste no eventu sira nune’e nia partisipa beibeik ona iha kampaña sira kona-bá eleisaun ba Konsellu Direitus Humanus Nasaun Unidas nian.

Ho prezensa Embaixadór nasaun lubuk ida iha Timor Leste no reprezentate UN sei bele sai testemuña real kona-bá Timor Leste nia luta ba defende Direitus Umanus tuir prioridade sira ne’ebé sai alvu ba Direitu Umanus universál.

Ho kandidatura Timor Leste nian ba Membru Konsellu Direitu Umanus bele manán tán esperiénsia ruma hodi haforsa luta Timor Leste nian ba defende no promove Direitus Umanus.

Maski hanesan nasaun kiik, Timor Leste hatudu vontade atu servisu maka’as ba Direitus Umanus hodi promove dignidade sidadaun sira nian.

“Ha’u agradese ba imi hotu nia apoiu atu Timor Leste bele partisipa iha eleisaun hodi sai Membru Konsellu Direitus Humanus universál,” nia agradese.

Advertisement

Tuir regra, nasaun hotu ne’ebé atu sai membru konsellu direitu umanus Nasaun Unidas nian sei liu hosi eleisaun jerál ne’ebé hala’o iha Jenebra no Timor Leste sei tama iha membru foun konsellu direitus umanus bainhira iha eleisaun jerál konsellu nian iha 2022 hetan aprovasaun hosi nasaun membru sira.

Iha fatin haensan MNEK, Adaljiza Magno hateten, Timor Leste hahú halo kampaña dezde tinan kotuk maibé foin halo lansamentu, tanba tenke liu prosesu lobi no tenke assegura mós Timor Leste nia votu hosi nasaun barak, ne’e duni foin halo lansamentu tanba eleisaun sei halo iha Outubru tinan oin.

“Ida-ne’e ajuda Timor Leste bele vizible liu no mós hatudu Timor Leste ninia kapasidade atu kontribui ba rezolve asuntu internasionál,” nia hateten.

Timor Leste komesa uluk ho Komisaun Diretus Umanus, bainhira iha kapasidade liután bele alarga ba Komisaun sira seluk iha Nasaun Unidas.

Pontu importante sira ne’ebé Timor Leste sei halo maka, sei defende direitus umanus,  tanba Timor Leste hakarak kontribui buat ne’ebé diferente iha Konsellu Diretus Umanus.

Advertisement

Nia fó ezemplu, iha pasadu Timor Leste iha esperiénsia rekonsiliasaun, depois post konflitu TL rezolve nia problema rasik ho pás no estabilidade, depois hotu tiha oinsa Timor Leste hatudu ezemplu ida atu ratifika konvensaun Diretus Umanus nian, depois halo lei hotu-hotu  hosi Konstituisaun tantu lei sira seluk no konsagra hotu valor Diretus Umanus nian, liuliu iha Timor index ba liberdade imprensa ne’e di’ak liu iha ASEAN.

“Normalmente Embaixadór Timor Leste nian iha Zenebra mak sei reprezenta, tanba Komisaun Diretus Umanus ne’e iha Zenebra. Ita sai membership ne’e tinan rua de’it, se ita hakarak bele re-kandidata aan, Ita la re-kandidata an entaun hotu ona,” Adaljiza esplika.

Jornalista: Vito Salvadór

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

Ramos-Horta Simu Konvite Nu’udár Padriñu Partidu KHUNTO

Published

on

Hatutan.com, (20 Abríl 2024), Díli- Prezidente Repúblika (PR), José Ramos-Horta, simu konvite hosi partidu Kmanek Haburas Unidade Nasionál Timoroan (KHUNTO) hodi sai padriñu ka patronu bá partidu ne’ebé lidera hosi Konselleiru Supremu José dos Santos Naimori Bucar ho Armanda Berta dos Santos hanesan prezidente.

(more…)

Kontinua Le'e

Polítika

PN-MNEK Diskute Lei Protokolu Estadu

Published

on

Hatutan.com, (18 Abríl 2024), Díli—Parlamentu Nasionál (PN), liuhosi Komisaun B ne’ebé trata asuntu Negósiu Estrajeiru Defeza no Seguransa halo audiénsia ho Ministeriru Negósiu Estranjeiru no Kooperasaun (MNEK), hodi halo diskusaun bá Projetu Lei Númeuru 7/VI (1°) Protokulu Estadu.

(more…)

Kontinua Le'e

Polítika

Xefe Estadu Kontente Tribunál Rekursu Absolve “Kalohan” Hosi Pena Efetivu Tinan Lima

Published

on

Hatutan.com, (18 Abríl 2024), Díli—Prezidente Repúblika (PR), José Ramos-Horta kontente no parabeniza Tribunál Rekursu (TR) ne’ebé liberta António da Conceição “Kalohan” hosi pena prizaun efetivu tinan lima ne’ebé fó hosi Tribunál Judisiál Primeira Instánsia Díli (TJPID).

(more…)

Kontinua Le'e
Advertisement

Trending