Connect with us
Pakote Ahi

Lautem

Japaun Konstrui Postu Saúde Ida iha Souro

Published

on

Hatutan.com, (28 Jullu 2022), Díli—Governu Japaun liu hosi ninia Embaixada iha Timor-Leste, konstrui  Postu Saúde ida iha Suku Souro, Postu Adiministrativu Lospalos vila, Munisípiu Lautém.

Governu Japaun Konstrui Postu Saúde ida iha Suku Souro, Postu Adiministrativu Lospalos vila, Munisípiu Lautém no inaugural ona iha Kinta, (28/07/2022). Foto/Média MS.

Ministra Saúde, Odete Maria Freitas Belo ho Embaixadór Japaun iha Timor-Leste Kinefuchi Masami ofisialmente Inaugura ona Postu Saúde ne’e no oferese on aba komunidade atu bele asesu saúde besik liu tán.

Lee Mós: 2002-2022 CFP-MS Rekruta Profisionál Saúde 5.525

Odete Belo agradese ba Governu no povu Japonés liuhosi Embaixadór Japaun ne’ebé apoia Ministériu Saúde hodi harii tán Postu Saúde iha Suku ne’e.

Advertisement

“Ha’u hato’o agradese barak ba ita-nia parseiru Governu Japaun ne’ebé ho inisiativa tomak halo konstrusaun la’ós iha Lospalos de’it, maibé iha mós munisípiu sira seluk, inklui ekipamentu médiku, iha kapasitasaun liuliu bainhita TL enfrenta pandemia Covid-19 hetan mós apoiu lubuk ida hanesan vasina nomós konsumáveis hanesan máskara, hand sanitizer, husi Embaixada Japaun,” Hatutan.com sita deklarasaun Odete Bele iha komunikadu.

Nia dehan, polítika Ministériu Saúde hakarak atu harii Postu Saúde ida-idak iha Suku ida-idak, signifika iha Suku 400-resin presiza hotu Postu Saúde.

Lospalos iha Suku 34 no agora iha ona Postu Saúde neen, signifika sei presiza tán postu saúde 20-resin atu harii tán iha suku sira ne’ebé seidauk hetan.

“Parabéns ba ita-boot sira ne’ebé hetan edifísiu ida ba postu saúde iha aldeia hitu ho nia populasaun 4.000-resin, signifika ita-nia inan aman sira, ferik katuas sira la presiza la’o dook bá to’o iha Lospalos vila atu hetan asisténsia maibé fatin ida-ne’e bele dada besik mai to’o iha ne’e,” nia hateten.

Postu saúde no sentru saúde ne’ebé harii ho objetivu atu redús númeru mortalidade no redús númeru moras iha Timor-Leste tuir polítika estratejika Ministériu Saúde, tanba ne’e hakbesik-an bá fasilidade saúde ne’ebé iha hodi simu informasaun kona-bá prevensaun no promosaun nian.

Advertisement

Jornalista: Rogério Pereira Cárceres

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Lautem

Sentru Saúde Iliomar Presiza Tebes Rekursu Umanu

Published

on

Hatutan.com (5 Dezembru 2023), Lautém—Sentru Saúde iha Postu Administrativu Iliomar, Munisípiu Lautém presiza tebes rekursu umanu hodi bele funsiona ho di’ak.

(more…)

Kontinua Le'e

Lautem

Programa Integradu Saúde To’o Ona Lautém

Published

on

Hatutan.com, (04 Dezembru 2023), Lautem—Programa Integradu Saúde hosi Ministériu Saúde (MS) ne’eb’e ho nia konteúdu atu halo akvokasia no lori informasaun kle’an bá komunidade iha baze hodi prevene moras da’et, la hada’et, tuberkoluze, dengue no mos moras sira seluk, to’o ona munisípiu Lautém.

(more…)

Kontinua Le'e

Lautem

Rede Telekomunikasaun ho Bee-Moos Sai Beibeik Preokupasaun Turista Sira bá Illa Jaco

Published

on

Hatutan.com (06 Outubru 2023), Lospalos-Turista sira; lokál no estranjeiru, preokupa tebes kona-bá rede telekomunikasaun ho asesu bee-moos ne’ebé difisil tebetebes iha fatin turizmu Illa Jaco, Postu Administrativu Tutuala, Munisípiu Lautem.

(more…)

Kontinua Le'e

Trending