Connect with us

Lautem

MAP Oferese Ai-oan ba Agrikultór iha Lautém

Published

on

Hatutan.com, (26 Abríl 2022), Díli—Ministériu Agríkultura no Peskas (MAP) liu hosi Diresaun Nasionál Agrikultura no Hortikultura (DNAH) oferese no kuda ai-oan (frutikultura) hanesan tanjeriña, rambutan, derok no has ba grupu agrikultór iha suku Lore 1.

Grupu agrikultór sira iha Suku Lore 1 kuda ai-oan ne’ebé oferese hosi MAP. Foto/MAP.

Objetivu hosi programa kuda ai-oan ne’e atu hadi’a no konserva reflorestasaun iha suku Lore ho inisiativa mai hosi agrikultór sira iha suku ne’e.

Lee Mós: 2022, MAP Hadi’a Irrigasaun Sanulu

Diretór Nasionál Agríkultura no Hortikultura Lúcio Romeu Ribeiro esplika, atividade kuda ai-oan ne’e tanba inisiativa hosi agrikultór sira liu-liu veteranu no joven sira ne’ebé iha interese makas atu envolve an iha grupu hodi dezenvolve área agrikultura nian liu-liu Hortikultura.

“Ita mós iha planu atu distribui mós fini modo ba grupu sira ne’ebé hakarak, tanba ohin ami observa direta be’e iha ne’ebá nia volume bot teb-tebes atu bele dezenvolve mós hortikultura. Iha ne’e ai-farina tahan barak, maibe modo seluk laiha. Entaun ita esforsu liu hosi tékniku protesaun das plantas no hortikultura atu bele fornese tán fini modo hodi  bele dezenvolve iha ne’e no sira bele konsumu no karik barak, sira bele lori ba iha merkadu Lautém,” Hatutan.com sita deklarasaun Lúcio Romeu Ribeiro iha komunikadu.

Agora daudaun prioridade ba iha Loré, maibé iha territóriu tomak bainhira sira presiza liu-liu ba grupu sira, tanba programa ne’e sei ba to’o iha baze atu bele hakbesik an ba grupu sira nune’e labele depende ba Dili.

Nune’e mós Xefe suku Lore, Abílio Amaral kontenti tebes, tanba programa ne’e ajuda tebes komunidade liu-liu agrikulturór sira, nune’e bele aproveita oportunidade ida-ne’e atu bele kuda ai-horis ka ai-oan ne’ebé mak Ministériu oferese ona.

Husu ba grupu grikultór sira atu kuda ai-horis ne’ebé mak iha nune’e iha futuru bele fó benefisiu ba komunidade iha suku Lore postu administrativu De-Lore.

Tékniku Seniór hosi DNAH, Lorenço Martins esplika, ai-fuan sira ne’ebé lori mai ne’e iha variedade haat hanesan has, rambutan, derok ho sabraka.

Iha lista ne’ebé iha, rambutan iha 800 pes, has iha 120 pes, maibé restu sei lori mai tán hanesan derok iha 350 pes no sabaraka iha 400 pes.

Ai-horis hirak ne’e fahe ba membru grupu Haburas Agrikultura sira no grupu ida sei hetan 20 pessoas ba membru ne’ebé kuda ai oan sira ne’ebé fahe hosi xefe grupu ba membru hotu-hotu atu bele hetan hodi kuda iha to’os .

Grupu Haburas Agrikultura harii iha tinan 2020 ho totál membru 20 kompostu hosi feto na’in-10 no mane na’in-10.

Grupu ne’e inisiu harii iha probelma barak ne’ebé sira enfrenta tanba la iha formasaun ruma kona-bá oinsa kuda ai-oan, maibé tuir mai sira komesa iha kooperasaun di’ak ho estensionista sira iha suku no grupu ne’e hamrik metin to’o agora.

Iha tinan 2020 MAP suporta ona sasan ba grupu ne’e hanesan paralon, fatin tau be’e  ka profil tolu no hetan mós apoiu fini modo no mós agora iha tan ai-oan ho totál 1.800, kompostu husi rambutan, derok, tanjeriña ho has.

Jornalista: Rogério Pereira Cárceres

Kontinua Le'e
Hakarak Hato'o Komentariu?

Husik Hela Komentariu

Your email address will not be published.

Lautem

Xanana Deklara Ramos-Horta Povu Nia Kandidatu Atu Defende Soberania Estadu

Published

on

Hatutan.com,  (10 Abríl 2022), Lautem- Prezidente partidu  Kongresu Nasionál Rekonstrusaun Timoroan (CNRT, sigla portugés), Kay Rala Xanana Gusmão, Domingu (10/04/2022), iha antigu Kampu Futebol 745, Lospalos, Lautem,  deklara katak José Manuel Ramos-Horta, maka povu nia kandidatu no povu mak sei fo lejitimidade liu husi eleisaun prezidensiál, 19 Abríl ne’e, atu ukun no defende hikas soberania Estadu no hatuur Konstituisaun tuir nia fatin.

(more…)

Kontinua Le'e

Lautem

Lú Olo Promete Dezenvolvimentu Integradu ba Povu

Published

on

Hatutan.com, (09 Abríl 2022), Lautem-Kandidatu Prezidente Repúblika (PR) 2022-2027 ho númeru sorteiu rua (2), Francisco Guterres “Lú Olo”, promete ba povu Lautem katak bainhira eleitu ba Prezidente Repúblika mandatu daruak nian, nia sei halo dezenvolvimentu ida integradu ba Timor-Leste.

(more…)

Kontinua Le'e

Lautem

Aldeia 10 iha Lautem Seidauk Asesu Eletrisidade

Published

on

Hatutan.com, (09 Abríl 2022), Lautem-Aldeia 10 iha Munisípiu Lautem to’o oras ne’e seidauk asesu ba eletrisidade.

(more…)

Kontinua Le'e

Trending