Connect with us

Defeza & Seguransa

Servisu Sekreta Hetan Ona Laptop-Motór Ne’ebé Ema Na’ok Iha Konventu Madre SPC

Published

on

Hatutan.com, (10 Agostu 2022), Díli— Hafoin kaptura suspeitu inisiál FdF alias TK idade 24, hosi Suku Caibada, Postu Baucau, na’ok sasan iha kapital Díli, ekipa koordenada hosi Servisu Informasaun Polisia (SIP) Nasionál, Unidade Falintil (UF) no Servisu Nasionál Intelijénsia(SNI), rekolla tán evidénsia balun ligadu ba kazu na’ok iha Munisípiu Díli.

Iha prosesu identifikasaun suspeitu FdF deklara durante ne’e nia naok sasan iha kapitál Díli mak hanesan iha Ele

Suspeitu ho inisiál FdF alias TK idade 24, hosi Suku Caibada, Postu Baucau, na’ok sasan iha kapital Díli, Kuarta (10/08/2022). Foto/PNTL.

mloy fa’an modo fatin iha tuku 05:00 dader na’ok motór Mio Beat ida.

Lee Mós: Sai Hosi Prizaun, Joven FdF Na’ok Tán Motór 14 Iha Díli Laran

Advertisement

Iha loja fa’an kulsaun ka springbed parte Elemloy na’ok motór Mio Beat ida, na’ok motór Mio Beat ida para iha loja Xina nian Ai-mutin, na’ok Motór Beat ida, Iha Hudi Laran Radio Falintil oin, na’ok Mio Beat ida, Iha rotunda Bairru-Pité na’ok motór Mio Beat ida, iha Banco BNCTL Mandarin nia oin na’ok laptop.

Iha Bairru Central sede CNRT nia sorin na’ok motór Beat ho Telefone ida, iha Kampo Demokrasia Xanana Sport Centre nia oin na’ok motór Revo fit ida.

“Iha konventu madre SPC Culuhun na’ok Motór Mio M3 yamaha iha tuku 05:00 dader otl, Iha Taibese Hali Laran suspeitu na’ok Laptop ida iha karreta Grand Max nia laran, iha Palásiu Governu oin suspeitu na’ok motór Mio Beat kor mutin ida, iha Liceu UNTL sorin na’ok motór Mio Beat ida maibé motór refere polisia tránzitu Díli prende tiha ona bainhira suspeitu kondus tama iha checkpoint no nia na’in la ba foti,” Hatutan.com sita komunikadu.

Ho deklarasaun hirak ne’e Ekipa Konjunta liderea hosi SIPN lori suspeitu FdF ba kedan fatin ne’ebé mak suspeitu rai sasan sira na’ok hanesan motorizada no laptop iha área Tasi-Tolu iha sindikatu feto ida ho naran inisial ES nia uma.

Ekipa ba to’o iha fatin hodi foti evidénsia Motór -neen, mak hanesan Mio Beat hat-haat, Supra X -ida, Revo Fit -ida, laptop -rua marka Dell-ida, laptop kor metan marka Lenovo-ida, motosera tesi dut’ut-ida, no-mós telefone marka Oppo A1k-ida, Bisikleta-ida, no kontinua ba iha Munisipiu Liquica foti telefone marka Oppo-ida, laptop Asus-ida no bisikleta-ida inklui ema ne’ebé sosa motór na’in-tolu lori mai iha edifisiu SIPN.

Advertisement

Sindikatu ES iha nia deklarasaun konfesa katak nia fofoun troka de’it motór ho motór aumenta osan $30 no laptop marka Lenovo-ida ho osan $85 hafoin kontinua sosa tán motór haat ho folin baratu de’it menus hosi $300 no motór hirak ne’e ES haruka fali suspeitu seluk ida tán ho naran JR alias “blender” ba fa’an fali ho presu variedade hahú hosi $150 no $300.

Iha lorokraik tuku 3:20, ekipa konjunta mós arranka ba iha Munisipiu Aileu hodi rekolla motór na’ok no ekipa servisu konsege hetan tán motorizada-rua inklui motór ne’ebé lakon iha moru laran konventu madre Culuhun nian ne’ebé suspeitu JR fa’an ona ba AL ho folin $820 iha Suku Asubilitoho, Postu Liquidoe, Munisipiu Aileu.

Kompradór AL deklara, razaun sosa tanba surat kompletu no folin baratu entaun nia mós desidi hodi sosa motór refere, maibé nia la hatene katak motór ne’e rezultadu hosi na’ok.

Agora daudaun iha tuku 5 lorokraik ne’e, evidénsia sira ne’ebé rekolla Ekipa Konjunta halo ona auto entrega ba Servisu Investigasaun Kriminál Nasionál (SIKN), hodi kontinua halo prosesu investigasaun.

Jornalista: Rogério Pereira Cárceres

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published.

Defeza & Seguransa

PNTL Buka-tuir Ema Deskoñesidu Tiru Karau Iha Natarbora

Published

on

Hatutan.com, (26 Setembru 2022), Díli—Komandante Jerál Polísia Nasionál Timor-Leste (PNTL), Komisáriu Polísia Faustino da Costa, orienta no koloka ona ekipa servisu intelijénsia PNTL nian, hodi buka-tuir ema deskoñesidu ne’ebé ho ‘kilat-boot’ tiru subar animal komunidade nian iha aldeia Fehuriin, Suku Uma-Boco, Postu Administrativu Natarbora, Munisipiu Manatuto.

(more…)

Kontinua Le'e

Defeza & Seguransa

Komandu PNTL Introdús Sistema Dijitál Jestaun Asidente bá Komandante Munisipál Sira

Published

on

Hatutan.com, (26 Setembru 2022), Díli—Komandu Polísia Nasionál Timor-Leste (PNTL), liuhosi departamentu Informasaun Komunikasaun no Teknolojia (ICT-Sigla Inglés), organiza workshop ida, hodi introdús sistema dijitalizasaun ka online, kona-bá Jestaun insidente ho asidente tráfegu, bá komandante sira hosi munisipiu 12 inklui Rejiaun Administrativa Espesiál Oecusse Ambeno (RAEOA), iha Sentru Formasaun Polisia (CFP-Sigla Português) Comoro, Díli, Segunda (26/09/2022).

(more…)

Kontinua Le'e

Defeza & Seguransa

Viola Kompromisu, PNTL Detein Membru PSHT Na’in-26

Published

on

Hatutan.com, (24 Setembru 2022), Díli-Polisia Nasionál Timor-Leste (PNTL), liuhosi Komandu Munisípiu Díli, Sesta kalan (23/09/2022), detein membru arte-marsiál hosi Persaudaraan Setia Hati Terate (PSHT) na’in-26 iha área Becora nian tanba perturba ka  viola kompromisu (regra) kona-bá utilizasaun atributu arte-marsiál ho arte-rirtuál iha fatin públiku.

(more…)

Kontinua Le'e

Trending