Connect with us
Pakote Ahi

Defeza & Seguransa

Ramos-Horta Husu Governu Tau Matan Espesiál Bá PNTL ho F-FDTL

Published

on

Hatutan.com, (12 Agostu 2022), Díli-  Prezidente Repúblika (PR), José Ramos-Horta husu bá Governu atu tau matan espesiál bá Polísia Nasionál Timor-Leste (PNTL) ho FALINTIL-Forsa Defeza Timor Leste (F-FDTL) atu instituisaun rua-ne’e bele halo mós atividade sosiál, sívika no desportiva barak liután iha komunidade.

Lee Mós : Taur Fó Orden Kansela Rekrutamentu Membru Foun PNTL

PR Ramos-Horta vizita Kuartél Jerál PNTL, Sesta (12/08/2022). Foto/Hatutan.com

Prezidente Repúblika (PR), José Ramos-Horta bainhira hala’o vizita bá Kuartél Jerál PNTL, Sesta (12/08/2022),  hateten kompara karik PNTL sira tinan lubuk ida bá kotuk no agora hatudu progresu barak tebe-tebes iha kualidade profisionalizmu iha seguransa, maski  ekipamentu la sufisiente.

Prezensa PR Ramos-Horta nian iha Kuartél Jerál PNTL simu hosu Vise Ministru Interiór António Armindo ho Komandante Jerál PNTL, Komisáriu  Faustino da Costa ho nia adjuntu no dirijente komandu PNTL nian balun tan.

Advertisement
Monta Publisidade

Ramos-Horta afirma Governu tenke tau matan liubá instituisaun PNTL ho FALINTIL-Forsa Defeza Timor Leste (F-FDTL) hodi fó orsamentu espesiál bá sira atu instituisaun rua ne’e bele halo mós atividade sosiál, sivika no desportiva barak liután.

 “Ho situasaun hakmatek ne’e forsa seguransa sira iha posibilidade ajuda komunidade sira, no fó biban bá sira ho meius tomak iha área enjeñaria ka ekipamentu seluk hodi ajuda komunidade sira bainhira ema ruma ka família balun presiza derrepente hadi’a uma ka eskola ruma ne’ebé anin sobu ka bele mós organiza atividade sosiál, kulturál ho populasaun sira ka mobiliza joven sira kuda ai,” José Ramos-Horta hateten.

PNTL no F-FDTL bele halo atividade sira ne’e atu tulun komunidade sira, tan ne’e governu haree took programa espesiál iha forsa rua ninia liman no di’ak liután se forsa rua ne’e koordena tanba F-FDTL iha unidade enjeñaria ida ne’ebé mezmu ki’ik maibé di’ak no PNTL rasik mós iha unidade enjeñaria mezmu ki’ik ho ekipamentu mínimu sira mós iha kada instituisaun iha unidade médiku hodi bele mós prestasaun servisu iha aldeia hodi fó tratamentu saúde bá komunidade.

Xefe Estadu hatutan iha instituisaun sira hanesan PNTL sempre iha problema, difisil iha instituisaun ho ema barak para bele kontrola buat hotu-hotu. Hanesan iha rai barak ne’ebé esperiénsia liu ho meius di’ak liu Timor-Leste nian, sira mós enfrenta problema grave kuantu mais Timor-Leste nian ne’ebé ho situasaun PNTL nian iha limitasaun oin-oi, maibé bele orgullu tanba iha balansu ne’ebé halo hodi mantein profisionalidade instituisionál.

Tenke Tau mós Importánsia Igualdade Jéneru

Advertisement
Monta Publisidade

PR Ramos-Horta vizita Kuartál Jerál PNTL. Foto/Hatutan.com

“Buat ida ne’ebé ha’u la gosta iha PNTL mak kuaze feto laiha iha lideransa no ha’u hatete ona katak ha’u hakarak haree la’ós feto aumenta númeru iha PNTL bá iha baze, maibé ha’u hakarak haree feto Komandante iha PNTL,” Ramos-Horta kestiona.

Nia subliña ida la’ós responsabilidade Komandante Jerál PNTL nian tanba kada Komandu Jerál ida nia mandatu tinan haat de’it portantu ho ida ne’e nia labele muda buat barak mais tinan 20 ona ema hotu hakarak haree aselera dezenvolvimentu no kapasitasaun feto ba Komandante.

Sei Laiha Intervensaun Polítika iha Instituisaun PNTL

Prezidente Repúblika (PR), José Ramos-Horta mós afirma sei laiha influensia no intervensaun polítika iha instituisaun Polísia Nasionál Timor Leste (PNTL) tamba lider hotu hatene prinsípiu no regra orgánika servisu seguransa nian.

Ramos-Horta hateten, PNTL nu’udár instituisaun ida ne’ebé independente labele iha presaun polítika, labele iha rekizitu polítika partidária atu nomeia ema iha PNTL atu sira bele iha vontade servisu profisionál tuir lei Timor-Leste nian no estatutu PNTL.

“Ha’u fiar katak laiha interferénsia polítika iha instituisaun PNTL nia laran,” José Ramos-Horta hateten.

Advertisement
Monta Publisidade

Xefe Estadu hatutan instituisaun  PNTL sira atualizadu tebe-tebes no sira nia sistema mós modernizadu iha Komandu no la’ós hanesan uluk no oras ne’e sira akompaña situasaun ka akontesimentu iha munisípiu sira no iha fronteira liu husi sistema elektronika.

Sei Haree Estatutu PNTL Molok Promulga

Xefe Estadu ne’e  hateten estatutu PNTL foin hetan aprovasaun iha Konsellu Ministru no nia parte seidauk simu. “Ha’u sei simu no haree lai no lee lai, ha’u la hatene bele promulga ka lae, no liu-liu ha’u sei haree iha ne’ebá iha referénsia ruma bá jeneder equality ka lae no se jender equality laiha ha’u sei haruka bá Governu mai PNTL atu haree hikas,” José Ramos-Horta subliña.

Jornalista: Vito Salvadór

 

Advertisement
Monta Publisidade

Kontinua Le'e
Advertisement
Monta Publisidade
Hakarak Hato'o Komentariu?

Husik Hela Komentariu

Your email address will not be published. Required fields are marked *

Defeza & Seguransa

Komissáriu Henrique da Costa-Pedro Belo Hakarak Hadi’a PNTL Ho Prioridade Lima

Published

on

Hatutan.com, (27 Marsu 2023), Díli—Polísia Nasionál Timor-Leste (PNTL), liuhosi Komandante Jerál foun Komisáriu Polísia Henrique da Costa hatuur prioridade lima (5) nu’udár kompromísu ida, hodi dezenvolve no mellora instituisaun seguransa ne’e hakat liután bá oin, iha sira-ninia mandatu 2023 to’o 2026.

(more…)

Kontinua Le'e

Defeza & Seguransa

PNTL Tenke Mantein Imparsialidade

Published

on

Hatutan.com, (27 Marsu 2023), Díli- Prezidente Repúblika (PR), José Ramos-Horta hateten institutusaun Polísia Nasionál Timor-Leste (PNTL) tenke garante segurasa ho diak no mantein imparsialidade hodi garante partisipasaun sidadaun sira nian iha dezenvolvimentu nasionál.

(more…)

Kontinua Le'e

Defeza & Seguransa

2023, Kada Membru F-FDTL Kaer Kilat Boot Ida

Published

on

Hatutan.com, (24 Marsu 2023), Díli—Tuir planu hosi Ministériu Defeza (MD) nian, iha tinan 2023 kada membru FALINTIL Forsa Defeza Timor Leste (F-FDTL) kaer kilat boot ida, tanba durante ne’e kilat boot ida ema na’in-rua to’o tolu mak kaer troka-malu.

(more…)

Kontinua Le'e
Advertisement Monta Publisidade

Trending