Connect with us
Pakote Ahi

Justisa & Krime

Kazu Emília Pires, TDD Husu Defeza Konfirma Hikas ho Sasin Sira

Published

on

Hatutan.com, (19 Setembru 2022), Díli—Tribunál Distritál Díli (TDD), kontinua hala’o julgamentu bá kazu Eis Ministra Finansas (MF), Emília Pires no Eis Vise-Ministra Saúde (MS), Madalena Hanjam, ligadu ho kazu sosa kama ba pasiente iha Hospitál Nasionál Guido Valadáres (HNGV) iha 2016.

Eis-Ministra Finansas, Emilia Pires. Foto/Espesiál

Iha sala julgamentu iha Segunda 19 Setembru 2022, liuhosi Juíz Koletiva fó prazu tempu loron rua tanba arguida na’in-rua nia Defeza sira, atu re-konfirma ka arrola fali ho deklasaun sasin sira nian, ne’ebé mak antes ne’e fó sasin bá arguida na’in-rua ninia kazu, iha prosesu julgamentu.

Lee Mós: Rejulgamentu, Tribunál Fó Tempu Loron Lima ba Advogadu Aprezenta Paradeiru Emília Pires

“Juíz sira fó loron-rua bá parte Defeza atu halo konfirmasaun auto ka arrolla fila-fali deklarasaun sasin sira nian ne’ebé mak antes ne’e fó sasin ba arguida na’in-rua iha prosesu julgamentu, nune’e defeza hosi arguida na’in-rua ne’e bele haree fila-fali deklarasaun sasin sira ne’ebé mak importante balun,” Advogadu Privadu, José Guterres hateten hafoin julgamentu iha TDD, Segunda, (19/09/2022).

Advertisement

TDD husu Defeza konfirma hikas nune’e bele informa ba fila-fali ba Tribunál dalaruma iha deklarasaun balun importante ba prosesu ne’e, nune’e tribunál bele deside leitura akordaun ba arguida na’in-rua nia kazu.

Molok ne’e, iha sala julgamentu laran, Prokuradór Rogério Viégas husu bá Tribunál atu notifika arguida Emilia Pires, lokaliza ninia paradeiru nune’e bele lori nia tuir julgamentu iha TDD.

Razaun Prokuradór husu atu halo notifikasaun ba arguida ne’e, tanba tuir prosesuál sira julgamentu nian katak, Tribunál labele rona de’it hosi parte ida nia deklarasaun relasiona ho kazu kríme ne’ebé arguida sira komete.

Entaun, Tribunál tenke rona hosi parte rua. Maibé, infelizmente to’o oras-ne’e Tribunál seidauk bele fiksa no identifika paradeiru hosi arguida Emilia Pires.

Ministeriu Públiku (MP) husu Tribunál atu fiksa editál ba arguida tuir kódigu prosesu penál artigu 257.

Advertisement

Bainhira arguida la marka presenza iha Tribunál hodi tuir julgamentu  iha tempu tuir-mai, bele reprezenta hosi nia defeza bele tuir prosesu julgametu.

Molok ne’e, arguida na’in-rua ninia Defeza José Guterres husu ba MP atu halo notifikasaun bá arguida Emília Pires, tenke notifika ba pessoál.

Maibé bainhira notifikasaun pessoál mak la iha ona, bele notifika editál tuir artigu 257, iha kódigu prosesu penál nune’e, parte defeza bele reprezenta nia arguida, hodi tuir julgamentu no mós bele aselera ka halais liután prosesu julgamentu bá kazu ne’e.

Hafoin Juíz Prosesu José Maria, Francisca Cabral, rona tiha hosi parte MP ho arguida sira nia Defeza, Tribunál deside hodi notifika arguida Emilia Pires ho editál tuir kódigu prosesu penál artigu 257.

Bianhira iha oráriu julgamentu sira tuir-mai, arguida Emília Pires la marka nafatin presenza iha julgamentu, parte Defeza mak sei reprezenta arguida hodi hakat ba julgamentu.

Advertisement

Iha artigu 257 hosi lei kódigu prosesu penál esplika pontu importante tolu. Dahuluk, bainhira arguida halo tiha Termu Indentidade Rezidénsia (TIR), TDD labele halo ona notifikasaun pessoál ba arguida, kona-bá despaixu ne’ebé markadu iha loron bá julgamentu nian, no detensaun atu lori arguida bá tuir audiénsia, maibé tenke taka editál iha morada ne’ebé nia hatudu iha TIR hodi notifika Emília Pires.

Daruak, notifikasaun editál ne’e tenke halo loron rua-nulu, antes data foun ba julgamentu no aviza katak nia la mai karik, julgamentu sei halo hanesan nia iha ne’ebá no nia defensór mak sei reprezenta nia iha julgamentu bá buat hotu. Iha datoluk nian, notifikasaun editál ne’e, la impede atu hasai mandadu ba detensaun ka kapturasaun.

MP akuza arguida na’in-rua ho kríme Partesipasaun Ekonómika no Negósiu ne’ebé mak prevístu iha artigu 299  no Administração da Noza, hosi Lei Kódigu Penál Timor-Leste, liga ho Sosa Kama  bá pasiente sira iha HNGV, durante governasaun anterior.

Nune’e ho krime sira ne’ebé mak iha, deskonfia arguida sira hamosu Prejuízu bá estadu, ho montante orsamentu millaun $1.

Hafoin rona tiha parte balun, TDD liuhosi Juiz Koletiva, José Maria, Fransisca Cabral, Maria Solana, adi’a julgamentu ba tempu seluk, maibé la determina fali data ne’ebé fiksu, atu bainhira mak bele hahú fali julgamentu bá arguida sira nia kazu.

Advertisement

Audiénsia julgamentu ne’e prezide hosi Juiz koletiva, José Maria, Fransisca Cabral, Maria Solana no  Ministeriu Públiku (MP), reprezenta hosi Prokuradór Rogério Viégas, ho Lídia Soares no Arguida na’in-rua hetan asisténsia legál hosi Advogadu Privadu José Gurerres ho Soraia Marques.

Lee Mós: MP Husu Tribunál Notifika Eis-Ministra Finansa Emilia Pires

Jornalista: Rogério Pereira Cárceres

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

Kazu Taa iha Bebora, Tribunál Aplika Aprezentasaun Periódika Bá Arguido Na’in-rua

Published

on

Hatutan.com, (25 Fevereiru 2024), Díli -Tribunál Judisiál Primeira Instánsia Díli (TJPID), Domingu (25/02/2024), halo primeiru interrogatóriu bá arguido na’in-rua ho inisiál J no HM ne’ebé halo tentativa omisídiu hodi uza samurai taa sidadaun ida iha karreta Grand-Max laran iha área Bebora, Díli.

(more…)

Kontinua Le'e

Justisa & Krime

Kazu Farmásia Moris Foun, Tribunál Aplika Medida Koasaun 4 bá Arguido Sira no Husu Polísia Fó Fila Ai-moruk Item 150

Published

on

Hatutan.com, (24 Fevereiru 2024), Díli -Tribunál Judisiál Primeira Instánsia Dili (TJPID) liuhosi primeira interrogatóriu, Sábadu (24/02/2024), aplika medida koasaun haat (4) bá arguido na’in-tolu (3) nu’udár jerente bá Farmásia Moris Foun relasiona ho kazu hatama ai-moruk ilegál ho item 150.

(more…)

Kontinua Le'e

Justisa & Krime

Hatama Ai-moruk Ilegál Fó Prejuizu bá Estadu

Published

on

Hatutan.com, (23 Fevereiru 2024), Díli– Membru Parlamentu Nasionál hosi  Bankada CNRT, Patrocínio dos Reis Fernandes, husu bá autoridade polisiál, Ministériu Públiku no Tribunál atu prosesa kazu hatama ai-moruk ilegál tanba  fó prejuizu bá Estadu.

(more…)

Kontinua Le'e

Trending