Connect with us
Pakote Ahi

Nasionál

Prezensa Hatutan.com Marka Diferensa ho Karákter Reportájen Investigativu

Published

on

Hatutan.com, (12 Outubru 2022), Díli—Prezidente Conselho Imprensa (CI), Virgílio da Silva Guterres, observa notísia no informasaun sira ne’ebé durante publika hosi média online Hatutan.com, marka diferensa no hatudu duni nia karákter investigativu.

Ekipa redasaun no multimédia Hatutan.com hasai foto hamutuk ho Prezidente Repúblika, José Ramos-Horta iha serimónia aniversáriu Hatutan.com ba dala ida no iha ámbitu asina akordu asina Memorandum of Understanding (MoU) ho Telkomcel kona-bá uza Sim Card Telkomcel ho pulsa zero bele asesu notísia iha portál Hatutan.com, iha Suai Room, Timor Plaza, Kuarta (12/10/2022). Foto Hatutan.com/Elio dos Santos da Costa.

Prezidente CI hateten liu hosi diskursu durante serimónia aniversáriu Hatutan.com nian ba dala ida no iha ámbitu asina akordu asina Memorandum of Understanding (MoU) ho Telkomcel kona-bá uza sim card Telkomcel ho pulsa zero bele asesu notísia iha portál Hatutan.com, iha Suai Room, Timor Plaza, Kuarta (12/10/2022).

Lee Mós: Deskonfia, MAPKOMS Nu’udar Prezidente FFTL Fó Projetu iha RTTL,E.P Ba Sekretaria FFTL

“Hatutan.com moris hanesan tinan ida, maibé hatudu ona ninia prezensa, hatudu ona ninia diferensa, iha komunidade média Timor-Leste. Iha lian Indonézia dehan, berani tampil beda. Hatutan.com hatudu iha reportajen investigativu no mós korresponde duni ho títulu,” Virgílio Guterres, hateten.

Advertisement

CI haksolok dezde inísiu kedan bainhira média Hatutan.com mósu no ohin mós haksolok liu tán, tanba tempu ne’e lais tebtebes halo ona tinan ida.

“Lori Conselho Imprensa nia naran, hakarak hato’o parabéns bá Hatutan,com bá ekipa komersiál ho editoriál,” Prezidente CI ne’e parabeniza.

Bá CI buat ne’ebé importante maka armonizasaun entre ekipa komersiál ho ekipa editórial, bele servisu hamutuk nune’e nafatin. Maibé ekipa komersiál labele halo intervensaun ba ekipa editoriál ninia desizaun atu halo kobertura.

Iha média, ema halo komparasaun parte komersiál ho editoriál ne’e hanesan relasaun feen ho la’en. Ida haree bá ekonomia ninian, ida haree bá atividade sira públiku nian tanba iha públiku, editoriál tenke fásil liu iha oin, nune’e serví ho didi’ak.

Tinan ida, termu biolójikamente ema dehan Hatutan.com sei bebé. Maibé, Virgílio dehan di’ak liu iha Timor lalika halo biolojia bá buat hotu-hotu. Iha lei inan ho lei oan mós nune’e. Tanba ne’e labele tradúz buat hotu-hotu biolojia. Dala-ruma bele halai bá istória klásika ninian ka mitu sira.

Advertisement

Virgílio haktuir, iha loron Kuarta (04/10/2022), bainhira akontesimentu apreensaun osan $130.000 iha Aeroportu Internasionál Nicolau Lobato, maski Hatutan.com halo publikasaun tarde maibé publika duni.

“Ida-ne’e mak CI nota katak maski maun Raul Lemos ho mana Krisdayanti dala-ruma politikamente afiliadu liu, maibé ita haree kór iha Hatutan.com ne’e, laiha kór partidu no iha de’it mak kór jornalizmu, kór independénsia bá Timor,” Virgílio Guterres, subliña.

CI husu atu média Hatutan.com mantein armonia entre ekipa rua ne’e, komersiál buka osan, parseria ho telkomcel di’ak liu tán, maibé husik fó soberania tomak bá Xefe Redasaun atu bele lidera ninia ekipa editoriál, nune’e bele serví públiku ho informasaun ne’ebé kualidade, informasaun ida ne’ebé mak bazeia bá faktus ho dadus.

“Jornalizmu ita la ko’alia opininiaun, ita la ko’alia sujestaun, ne’e ema dehan super. Entaun, ho sentimentu ne’e hotu, ita ko’alia faktus no dadus. Tanba ida-ne’e maka jornalista sira tenke domina kata sambung, ka ho lian Portugés dehan conjunção, nune’e liga faktus ka la’e,” nia esplika.

CI husu bá redasaun Hatutan.com atu respeita direitu públiku, direitu bá resposta ho direitu retifikasaun.

Advertisement

Bainhira iha notísia ruma, kuandu públiku ka leitór sira deskorda hodi hato’o direitu resposta, respeita no média tenke hatun.

“Tanba akontese katak iha média barak, iha direitu de resposta hosi públiku, maibé ignora lakohi publika, liu-liu kuandu direitu de resposta ne’e ninia konteúdu krítiku, hasoru média. Entaun, CI hanesan órgaun, entidade ne’ebé mak ezije atu tau-matan bá konduta média, nomós jornalista sira nian hakarak média hotu-hotu no  Hatutan.com respeita direitu públiku bá direitu de resposta, direitu de retifikasaun,” Virgílio Guterres husu.

Ikus liu  CI hato’o parabéns bá Hatutan.com no hein katak, tinan ida-ne’e, aumenta liu tán korajen atu kontinua sukat públiku TL ninia espetativa, esperansa atu hetan informasaun, Bahasa Indonézia karik dehan, sai sasukat bá koñesimentu hotu-hotu iha TL, liu-liu atu kontribui bá konstrui sosiedade ida ne’ebé mak demokrátiku no nakonu ho diversidade iha TL.

HATUTAN.com nu’udár meiu komunikasaun sosiál ho karáter multimedia ho plataforma online ne’ebé mai hosi órgaun komunikasaun sosiál RAYA MEDIA & ENTERTAINMENT, Unipessoal, Lda. Sede : Rua. Av. de Portugal, Nú 74, Díli, Timor-Leste

Objetivu prinsipál estabelesimentu HATUTAN.com atu sai fonte informasaun ida ba povu Timor-Leste ne’ebé iha kbiit elabora produtu informasaun no notísia-sira hodi fasilita públiku hetan informasaun ho kredivel iha eskalaun nasionál, rejionál no internasionál.

Advertisement

HATUTAN.com nu’udár mós meiu komunikasaun sosiál fins lukrativu no fornese informasaun kredivel ho loos no momoos atu hakonu direitu públiku ba informasaun no fundamenta tuir artigu 40no 41Konstituisaun Repúblika Demokrátika Timor-Leste nian, kona-ba liberdade espresaun no liberdade imprensa.

HATUTAN.com nu’udár meiu komunikasaun sosiál ne’ebé eziste iha Timor-Leste ho karákter multimedia ne’ebé bele mós sai sentru opiniaun públiku, forum diskusaun públiku no mós sentru edukasaun-formasaun peskiza no dezenvolvimentu komunikasaun aplikada.

Hatutan hosi obrigasaun Lei Komunikasaun Sosiál nú: 5/2014 iha artigu 32 (Estatutu Editoriál), HATUTAN.com liuhosi nia ekipa redasaun ne’ebé lidera hosi Xefe Redasaun prodús Estatutu Editoriál ida-ne’e hodi define loloos HATUTAN.com nia orientasaun, ritmu servisu no nia objetivu sira;

  1. HATUTAN.com, Mídia online ho plataforma multimedia ne’ebé atualiza notísia liuhosi enderesu sítiu www.hatutan.com ho radio.hatutan.com ho karater independente no imparsiál; kumpre ba padraun universal jornalistiku no respeita ba Kódigu Étika Jornalistiku ho lejizlasaun sira ne’ebé vigora ha Timor-Leste;
  2. HATUTAN.com, órgaun komunikasaun sosiál ida ne’ebé independente hosi podér polítiku no podér ekonómiku;
  3. HATUTAN.com, dezenvolve nia atividade editoriál ho liberdade no ho karater jornalizmu ida ne’ebé iha kualidade ho aposta ba reportajen kle’an (In-depth reporting), reportajen investigativu (investigative reporting) no citizen journalism;
  4. HATUTAN.com, fó valór ba povu nia-lian no sai lian ba lian-laek sira hodi hatutan no promove jornalizmu inkluzivu iha Timor-Leste;
  5. HATUTAN.com,hala’o nia atividade jornalizmu nian asume mós devér atu promove Governasaun di’ak (boa Governasaun), kontrolu sosiál, edukativu, divertimentu no promove valor sósiu kulturál povu Timor-Leste nian hodi hametin sosiedade ida ne’ebé justa, livre no responsabilidade; 
  6. HATUTAN.com, respeita ba sidadaun sira-nia naran di’ak, onra no imajen di’ak;
  7. HATUTAN.com, halo definisaun momoos entre artigu opiniaun ho produtu jornalistiku; no rejeita forma sensura ka limitasaun oioin hasoru liberdade imprensa ka liberdade informasaun;
  8. HATUTAN.com, rejeita forma diskriminasaun oioin ho baze iha rasa, ideolojia, opsaun polítika, orientasaun seksuál, relijiaun ka fiar;

Jornalista: Rogério Pereira Cárceres

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

JSMP Ezije Altera Artigu 1475 Kodigu Sivíl Tanba Halo Diskriminasaun Relijioza

Published

on

Hatutan.com, (29 Fevereiru 2024), Díli– Programa Monitorizasaun Sistema Judisiáriu (JSMP, sigla Ingles) kontinua halo advokasia bá alterasaun artigu 1475 Kódigu Sivíl tanba konsidera hamosu diskriminasaun bá relijioza sira ne’ebé la’ós Katólika.

(more…)

Kontinua Le'e

Nasionál

Governu Aloka Millaun $12 bá Komisaun Altu Nivel Institusionál bá Vizita Papa Francisco

Published

on

Hatutan.com, (28 Fevereiru 2024), Díli- Governu liuhosi reuniaun Konsellu Ministru, Kuarta (28/02/2024),  delibera atu autoriza despeza to’o millaun $12 hosi fundu kontinjénsia bá Komisaun Altu Nivel Institusionál bá vizita Sua Santidade Papa Francisco.

(more…)

Kontinua Le'e

Nasionál

SEKOMS Halo Plájiu, Hamoe Instituisaun Estadu

Published

on

Hatutan.com, (28 Fevereiru 2024), Díli–Asia Justice and Right (AJAR)  konsidera atitude  plájiu  Sekretária Estadu Komunikasaun Sosiál (SEKOMS) hodi kopia konteúdu livru planu estratéjiku Konsellu Imprensa  (CI, sigla portugés) Timor-Leste  2022-2026 nu’udár aktu krime plagiatu no hamoe instituisaun Estadu.

(more…)

Kontinua Le'e
Advertisement

Trending