Connect with us
Pakote Ahi

Internasionál

Hametin Rekonsiliasaun, Ramos-Horta Delega Longuinhos Monteiro Hasoru Eurico Guterres

Published

on

Hatutan.com, (28 Outubru 2022), Kupaun—Prezidente Repúblika (PR), José Ramos-Horta, delega antigu Komisáriu Polísia Nasionál Timor Leste (PNTL), Longuinhos Monteiro, hasoru malu ho Eurico Guterres iha Kupaun, Timor Osidentál, Sesta (28/10/2022).

Lee Mós : Dokumentu Fraternidade Umana Lori Horta Hasuru Lopes da Cruz ho Eurico Guterres

Eurico Guterres tara tais bá Longuinhos Monteiro bainhira hasoru malu iha Kupaun, Timor Osidentál, Sesta (28/10/2022). Foto/victorynews.id

Sorumutuk ne’e nu’udár jestu ida atu hametin liután rekonsiliasaun ho Indonézia liuhosi hasoru malu ho lider sira pro-autonomia iha Timor Osidentál.

Sita hosi INewsBelu.Id  katak delegasaun Timor-Leste nian ne’ebé lidera hosi antigu Prokuradór Jerál Repúblika (PGR, sigla portugés), Longuinhos Monteiro, lori mensajen Prezidente Repúblika, José Ramos-Horta ho esperansa hametin rekonsiliasaun no reafirma fali relasaun amizade ne’ebé harii nanis tiha ona hafoin Timor-Leste restaura nia ukun rasik an iha tinan 23 liubá.

Advertisement

“Prezidente Repúblika Timor-Leste, José Ramos-Horta hato’o hela mensajen  rekonsiliasaun atu restaura hikas relasaun amizade entre Timor-Leste ho Indonézia,” Longuinhos Monteiro hateten.

Tuir Longuinhos Monteiro, sorumutuk ne’e mós nu’udár parte ida hosi vizita Prezidente Repúblika, José Ramos-Horta nian bá Kupaun, foin lalais ne’e.

Biban ne’e, Eurico Guterres hateten, sira-nia parte ho kontente simu Prezidente Repúblika Timor-Leste, José Ramos-Horta nia hakarak atu iha rekonsiliasaun hosi fuan ba fuan entre Timoroan sira iha Timor-Leste no iha Timor Osidentál.

“Istória pasadu la’ós atu haluha, maibé mós la’ós sai razaun atu impede Estadu no povu Indonézia ho Timor-Leste nia relasaun amizade,” Eurico Guterres afirma.

Lee Mós : Eurico Guterres ho Nia Grupu Prontu Kontribui bá Konseitu Fraternidade Umana

Advertisement

Jornalista : Vito Salvador

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Internasionál

Tinan 25 WFP, Hosi Apoiu Umanitáriu bá Dezenvolvimentu Sustentável iha TL

Published

on

Hatutan.com, (18 Jullu 2024), Díli—Programa Ai-han Mundiál ka World Food Programme (WFP) kompleta tinan 25 bá nia prezensa iha Timor-Leste (TL) no mós halo inaugurasaun eskritóriu nasionál foun iha resintu Pateo, Colmera, Dili, kuarta (17/07/2024).

(more…)

Kontinua Le'e

Internasionál

Ramos-Horta Felisita Primeiru-Ministru Reinu Unidu Keir Starmer

Published

on

Hatutan.com, (16 Jullu 2024), Díli—Prezidente Repúblika (PR), José Ramos-Horta felisita no hato’o parabéns bá Primeiru-Ministru eleitu Reinu Unidu, Keir Starmer.

(more…)

Kontinua Le'e

Internasionál

MNEK ho Sekretáriu Ezekutivu CPLP Diskute Preparasaun bá Reuniaun Konsellu Ministru CPLP

Published

on

Hatutan.com, (13 Jullu 2024), Díli- Ministru Negósiu Estranjeiru no Kooperasaun (MNEK), Bendito dos Santos Freitas, Sesta (12/07/2024), hala’o enkontru kortezia ida ho Sekretáriu Ezekutivu Comunidos dos Países da Língua Portuguesa (CPLP), Zacarias Albano da Costa, hodi ko’alia kona-bá preparasaun ba enkontru anuál Konsellu Ministru CPLP ne’ebé sei hala’o iha loron 19 fulan-Jullu, tinan ne’e, iha São Tomé e Principe.

(more…)

Kontinua Le'e
Advertisement

Trending