Connect with us
Pakote Ahi

Justisa & Krime

Lugu Presta Deklarasaun iha CAC Hanesan Sasin bá Kazu Sira Iha RAEOA

Published

on

Hatutan.com, (11 Novembru 2022), Dili—Eis Prezidente Autoridade Rejiaun Administrativa Espesiál Oecusse Ambeno (RAEOA), José Luis Guterres, (Lugu) iha Sesta 11 novembru 2022, maizumenus tuku 10:06, to’o iha edifísiu Comissão Anti Corrupção (CAC), hodi presta ka hato’o nia deklarasaun hanesan sasin bá kazu sira iha Rejiaun Administrativa Espesiál Oecusse Ambeno (RAEOA).

Eis Prezidente Autoridade Rejiaun Administrativa Espesiál Oecusse Ambeno (RAEOA), José Luis Guterres, (Lugu) iha Sesta 11 novembru 2022, maizumenus tuku 10:06, to’o iha edifísiu Comissão Anti Corrupção (CAC), hodi presta ka hato’o nia deklarasaun hanesan sasin bá kazu sira iha Rejiaun Administrativa Espesiál Oecusse Ambeno (RAEOA). Foto/Rogério Pereira Cárceres.

Hafoin presta deklarasaun bá investigadór sira iha CAC, Lugu atualiza ba média katak, ninia prezensa iha CAC tanba simu konvokatóriu ida hosi CAC, atu sai testamuña ka sasin bá invesimentu projetu boot sira ne’ebé investe iha RAEOA.

Lee Mós: Alkatiri Konsidera Investigasaun Bá Ró Haksolok Aktu Persegisaun

“Ha’u hanesan Timoroan, ha’u simu konvokatóriu ida hosi CAC atu mai sai testamuñu bá atividades, projetus, buat sira ne’ebé mak iha rai Oecusse. Tanba uluk ha’u hanesan Prezidente Autoridade iha ne’ebá,” José Luis Guterres hateten.

Advertisement
Monta Publisidade

Hanesan sidadaun ida Lugu hakarak koopera ho justisa, tanba uluk mós nia bá ona fó deklarasaun iha autoridade judisiál sira no ohin loron nia mai dala-rua ona, atu bele koopera ho CAC.

La’ós ne’e de’it, hanesan sidadaun no veteranu ida bá luta libertasaun nasionál Lugu iha obrigasaun atu koopera, hakarak justisa ne’e tenke bá ema tomak, la’ós bá povu ki’ik.

“Ha’u mai ne’e atu koopera tanba ha’u fiar katak, buat ruma ne’ebé ami bele husik bá jerasaun agora no future maka sentidu justisa ne’e tenke bá ema tomak. Ha’u mai iha ne’e koopera no responde bá perguntas ne’ebé señores sira husu,” Lugu esplika.

Hatán kona-bá sai mós sasin bá kazu Ró Haksolok, Lugu dehan asuntu ida-ne’e ema hotu hatene kona-bá relatóriu hosi Tribunál das Contas nian ne’ebé mós sai tiha ona.

“Buat ne’e imi lee hotu ona, imi akompaña. Ne’ebé, ha’u dehan hanesan ne’e, ha’u mai responde bá projetus boot ne’ebé iha Oecusee no buat ne’ebé Oecusse halo,” Lugu hatan pergunta hosi jornalista.

Advertisement
Monta Publisidade

Hatán kona-bá nia pozisaun nu’udár testamuña, tanba nia mak hato’o keixa bá CAC, Lugu dehan la’ós nia mak halo keixa. Maibé, hanesan sidadaun normál nia rasik mós rona kona-bá kazu sira mak durante akontese iha RAEOA.

“Ha’u mós rona. Ha’u bá Oecusse, tenta lee tanba primeiru asuntu ke ha’u hanesan lider kuandu nomeia bá iha ne’ebá, kestaun Roo Haksolok tama tiha ona Tribunál de Coimbra. Empreza ne’e bankarota iha ne’ebá. Ne’ebé prosesu ne’e ha’u uluk deklara tiha ona bá iha imprénsa, ha’u bá fatin barak. Ne’ebé, ha’u laiha tán buat ida atu hateten bá ita-boot sira,” José Luis Guterres, subliña.

Observasaun Hatutan.com, dadeersan ne’e iha terrenu nota, Luis Guterres bá mesak, la hetan akompañamentu hosi pesoál ruma no to’o iha edifísiu CAC ho nia karreta privádu marka Prado, Xapa Matrikula 27.925 TLS.

Jornalista: Rogério Pereira Cárceres

Advertisement
Monta Publisidade
Kontinua Le'e
Advertisement
Monta Publisidade
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

Kazu Culau, FL Tama Prizaun Preventiva

Published

on

Hatutan.com, (22 Marsu 2023), Díli—Tribunál Justisa bá Primeiru Interrogatóriu Judisiál (TJPIJ) deside aplika medida koasaun Prizaun Preventiva bá arguidu ho inisial FA, tanba iha indísiu forte bá kazu krime ne’ebé akontese iha área Culau, Suku Becora, Postu Administrativu Cristo Rei, Dili, Domingu (19/03/2023).

(more…)

Kontinua Le'e

Justisa & Krime

Kazu Culau-Becora, Suspeitu Na’in-Ualu

Published

on

Hatutan.com, (21 Marsu 2023), Díli-Polísia Nasionál Timor-Leste (PNTL), Segunda (20/03/2023), hale’u tuku 21:12 Otl, kaptura no detein tán ona suspeitu na’in-ualu (8),  kompostu hosi mane  na’in-hitu (7) ho feto na’in-ida (1).

(more…)

Kontinua Le'e

Justisa & Krime

Ramos-Horta Husu Ministériu Públiku Hala’o Knar ho Independente

Published

on

Hatutan.com, (13 Marsu 2023), Díli- Prezidente Repúblika (PR), José Ramos-Horta husu atu Ministériu Públiku (MP) hala’o nia knar ho independente no tenke iha autonomia rasik hodi labele monu bá intervensaun polítika.

(more…)

Kontinua Le'e
Advertisement Monta Publisidade

Trending