crossorigin="anonymous">
Connect with us
Pakote Ahi

Polítika

Reuniaun Konsellu Ministru Iha Ataúro Aprova Dekretu Lei Neen

Published

on

Hatutan.com, (23 Novembru 2022), Ataúro—Primeiru Ministu (PM) Taur Matan Ruak konvoka Reuniaun Konsellu Ministru (KM) iha Edifísiu Administrasaun Sentrál iha Munisípiu Ataúro, iha Kuarta (23/11/2022) no konsege aprova Projetu Proposta Lei inklui Dekretu Lei balun.

Primeiru Ministu (PM) Taur Matan Ruak hamutuk ho Membru Governu ne’ebé partisipa iha Reuniaun Konsellu Ministru (KM) iha Edifísiu Administrasaun Sentrál iha Munisípiu Ataúro, Kuarta (23/11/2022). Foto/Vito Salvadór.

Komunikadu ne’ebé Hatutan.com asesu, Iha Reuniaun KM aprova projetu Proposta Lei, ne’ebé aprezenta hosi Ministru Defeza, Filomeno Paixão de Jesus, kona-bá Lei Programasaun Militár nian.

Lee Mós: Reuniaun KM Iha Ataúro, Prezidente Repúblika “Ejize” Governu Rezolve Imediata Problema Prinsipál Iha Munisípiu Ne’e

“Projetu Proposta Lei ida-ne’e, ho objetu atu enkuadra orsamentu despeza públika relasiona ho ekipamentu no armamentu, ho impaktu diretu atu edifika kapasidade militár ne’ebé presiza hodi sustenta Sistema Forsa Nasionál no atu kumpre misaun sira ne’ebé atribui ba F-FDTL,” sita komunikadu.

Advertisement
Monta Publisidade

Aprova projetu Dekretu-Lei, ne’ebé aprezenta husi Ministru Turizmu, Komérsiu no Indústria, José Lucas do Carmo da Silva, kona-ba Rejime jerál regra orijen nian.

Objetivu husi diploma ida-ne’e atu fornese ba ordenamentu jurídiku nasionál rejime jerál regra orijen nian ne’ebé, tuir lejizlasaun aduaneira ne’ebé eziste, define prinsípiu jerál regra orijen nian, estabelese prosedimentu jerál ida hodi fó-sai sertifikadu orijen no kria organizmu nesesáriu sira ba armonizasaun internasionál Regra Orijen nian, ne’ebé estabelese baze sira ba selebrasaun tuir no/ka tratadu internasionál sira kona-ba regra orijen ne’ebé serve interese dezenvolvimentu ekonómiku Timor-Leste nian.

Konsellu Ministrus aprova ona projetu Dekretu-Lei, ne’ebé aprezenta husi Ministru Prezidénsia Konsellu Ministrus, Fidelis Manuel Leite Magalhães, kona-ba provimentu no remunerasaun ba titulár sira órgaun pesoa koletiva sira ne’ebé integra iha Administrasaun indireta Estadu nian.

Diploma ne’e define eskalaun remunerasaun haat, tuir despeza média orsamentu iha tinan lima ikus husi kada ema koletiva públika no tinan tinan, to’o loron 31 fulan-janeiru, Konsellu Ministrus, ho Rezolusaun Governu nian, determina, ba tinan refere, eskalaun pesoa koletiva públika sira ne’ebé abranje iha diploma ida-ne’e.

Remunerasaun ba titulár sira husi órgaun pesoa koletiva nian sira ho despeza média ne’ebé hanesan ka aas-liu husi dolar amerikanu millaun 10 maka valór ne’ebé korrespondente ba 90% husi remunerasaun Primeiru-Ministru nian;

Advertisement
Monta Publisidade

Remunerasaun ba titulár sira husi órgaun pesoa koletiva nian sira ho despeza média ne’ebé hanesan ka aas-liu husi dolar amerikanu millaun 5 maka valór ne’ebé korrespondente ba 80% husi remunerasaun Primeiru-Ministru nian;

Remunerasaun ba titulár sira husi órgaun pesoa koletiva nian sira ho despeza média ne’ebé hanesan ka aas-liu husi dolar amerikanu millaun 1 maka valór ne’ebé korrespondente ba 70% husi remunerasaun Primeiru-Ministru nian; no

Remunerasaun ba titulár sira husi órgaun pesoa koletiva nian sira ho despeza média ne’ebé hanesan ka aas-liu husi dolar amerikanu millaun 1 maka valór ne’ebé korrespondente ba 60% husi remunerasaun Primeiru-Ministru nian;

Haree ba nivel responsabilidade, grau kompleksidade no ejijénsia husi tarefa sira ne’ebé liga ba kargu ne’e, valór hirak ne’ebé baibain prátika ona iha merkadu husi setór atividade ne’ebé hanesan, ba kompeténsia téknika no ba kurríkulu akadémiku no profisionál husi ema ne’ebé hetan nomeasaun, bele, ba órgaun sira Diresaun empreza públika nian, estabelese remunerasaun ho valór aas-liu husi valór ne’ebé temi ona, maibé labele ultrapasa valór remunerasaun ne’ebé legalmente prevee ba Prezidente Repúblika.

Regra sira ne’ebé define ona iha diploma ida-ne’e  sei aplika de’it ba titulár husi órgaun sira ne’ebé hetan nomeasaun hafoin Diploma ne’e tama iha vigór, inklui mós ba kazu sira iha  ne’ebé nomeasaun ninia efeitu maka renovasaun ka rekondusaun iha mandatu ka kargu ne’ebé antes ne’e ezerse ona.

Advertisement
Monta Publisidade

Aprezenta mós husi Ministru Prezidénsia Konsellu Ministru, Dekretu-Lei atu kria Institutu Públiku Millennium Challenge Account-Timor-Leste no aprovasaun Estatutu ne’e rasik hetan mós aprovasaun.

Institutu Públiku ida-ne’e, ne’ebé tutela husi Primeiru-Ministru, sei funsiona hanesan instrumentu implementasaun finansiamentu nian ne’ebé sei hetan doasaun husi ajénsia governamentál amerikana Millennium Challenge Corporation (MCC), tuir akordu kompaktu ne’ebé asina ona iha loron 19 fulan-jullu liubá, no sai hanesan responsavel ba jestaun finansiamentu no ba koordenasaun implementasaun nian ne’ebé atu promove liuhusi entidade nasionál sira. Implementasaun projetu sira ne’e sei sai hanesan responsabilidade Governu nian, liuhusi entidade nasionál sira, tuir ida-idak nia kompeténsia.

Tuirmai aprezentasaun rua, ne’ebé hala’o husi Ministru Administrasaun Estatal, Miguel Pereira de Carvalho, kona-ba opsaun polítika ne’ebé sai hanesan baze:

Ba inisiativa alterasaun Lei nu.11/2009, loron 7 fulan-outubru, Divizaun Administrativa Territóriu.

Ho intervensaun lejizlativa ida ne’e hakarak fahe Postu Administrativu Maubara iha Postu Administrativu rua (Maubara no Loes) no fahe Postu Administrativu Baukau ba Postu Administrativu tolu (Kelikai, Kelikai antigu no Matebian).

Advertisement
Monta Publisidade

Ba inisiativa ho alterasaun Lei nu.6/2006, loron 28 fulan-dezembru, ne’ebé aprova Lei Eleitorál ba Parlamentu Nasionál.

Projetu ida-ne’e ho objetivu atu inkorpora iha Lei Eleitorál ba Parlamentu Nasionál alterasaun nesesária sira hodi rezolve difikuldade ne’ebé sidadaun timoroan sira iha rai-li’ur enfrenta atu ezerse sira-nia direitu votu, liuliu ba se mak sei iha resenseamentu iha territóriu nasionál, no mós tanba difikuldade atu asesu ba sentru votasaun sira. 

Jornalista: Vito Salvadór

Advertisement
Monta Publisidade
Kontinua Le'e
Advertisement
Monta Publisidade
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

Halakon Lei Pensaun Vitalísia Kompeténsia Parlamentu Nasionál

Published

on

Hatutan.com, (01 Dezembru 2022), Díli—Primeiru-Ministru (PM), Taur Matan Ruak hateten atu halakon Lei Pensaun Vitalísia ne’e kabe ba kompeténsia Parlamentu Nasionál (PN) no la’ós governu.

(more…)

Kontinua Le'e

Polítika

Prezidente Repúblika Simu Ona no Sei Promulga OJE 2023

Published

on

Hatutan.com, (30 Novembru 2022), Díli—Prezidente Repúblika (PR), José Ramos-Horta simu ona proposta Orsamentu Jerál Estadu (OJE) 2023 ne’ebé Parlamentu Nasionál (PN) aprova no garante sei halo aprovasaun iha tempu badak, hodi fó biban ba governu atu halo preparativus ba ezekusaun.

(more…)

Kontinua Le'e

Polítika

Atividade ‘Semana Anti-Korrupsaun’, CAC Hahú Ho Sensibilizasaun Lei MPCC bá Partidu KHUNTO

Published

on

Hatutan.com, (26 Novembru 2022), Díli— Comissão Anti-Corrupção (CAC) hahú realiza atividade semana anti-korrupsaun hodi komemora loron mundiál anti-korupsaun tinan 2022 nian ho programa semináriu ba partidu polítiku sira ne’ebé hahú ho Partidu Kmanek Haburas Unidade Timor Oan (KHUNTO), Sábadu (26/11/2022).

(more…)

Kontinua Le'e

Trending