Connect with us
Pakote Ahi

Cova Lima

BTL, E.P Kontrata Zufado Unip Lda ho Orsamentu $830,000 Kanaliza Bee-Moos iha Covalima

Published

on

Hatutan.com, (05 Dezembru 2022), Díli– Bee Timor-Leste, Empreza Públika (BTL,E.P),  Segunda (05/12/2022), selebra kontrata ofisial ho  kompañia  Zufado Unip Lda, ho orsamentu $830,000-resin atu implementa projetu Konstrusaun Sistema Fornesimentu Bee-Moos iha Munisípiu Covalima.

Lee Mós : Governu Nomeia João Amaral ba Prezidente Konsellu Fiskál BTL,EP

Logotipu BTL,E.P

Prezidente Komisaun Ezekutiva BTL,E.P, Carlos Peloi dos Santos, informa, BTL,EP asina kontratu ida ho kompañia lokál Zufado Unip Lda, atu bele halo serbisu melloramentu sistema bee-moos iha Suai Villa, espesífikamente iha Suku Debus, Suai Loro ho Camanasa.

Prezidente Carlos Peloi dos Santos, fiar katak, ho kontratu ne’ebé selebra ona, ohin bá oin, kompañia bele hahú ona ninia serbisu, hodi hahú prosesu kanalizasaun bee’ bá komunidade sira iha suku tolu ne’e.

Advertisement

“BTL, E.P nia parseiru liu-liu kompañia manán na’in, bele implementa tuir tempu ne’ebé mak iha, no espera, ita nia komunidade sira iha suku refere, ita nia autoridade sira iha postu ne’e mós apoiu ho BTL,E.P, ho kompañia, para sira bele halo servisu tuir tempu ne’ebé mak ita determina ona iha kontratu,” Prezidente Komisaun Ezekutiva BTL,E.P, Carlos Peloi dos Santos, hateten iha Salaun BTL,E.P, Caicoli, Díli.

Projetu ida-ne’e, hanesan kontinuasaun hosi projetu perfurasaun ne’ebé mak BTL,E.P halo ona iha Suai. Signifika, iha ona posu rua, no agora ne’e, hein de’it kanalizasaun bee-moos bá komunidade sira iha suku tolu ne’e.

Taxa Iha Covalima

Taxa asesu bee nian bá konsumidór sira iha Munisípiu Covalima rasik, BTL sei promove projetu foun, signifika, iha komunidade balu seidauk asesu bá bee, tanba ne’e, primeiru, BTL,E.P sei esforsa aan halo jestaun bá sistema sira ne’ebé iha ona.

Segundu, BTL,E.P kontinua promove projetu sira iha fatin hotu, atu bele fasilita komunidade sira, hodi bele asesu bá bee-moos.

Advertisement

Iha Suai rasik, alende projetu ida-ne’e, iha fulan hirak bá kotuk, BTL,E.P asina ona mós kontratu ho kompañia lokál ida bá kanalizasaun bee-moos iha Postu Administrativu Fohorem no daudaun ne’e, projetu  refere la’o hela (on going).

Foin lalais, BTL,E.P lansa  projetu foun ida iha Postu Administrativu Fatululik. Iha Postu Administrativu Fatumea, BTL,E.P foin mak halo levantamentu dadus. Tuir fali Postu Tilomar, oras ne’e, BTL,E.P halo hela perfurasaun.

Kustu orsamentu ne’ebé uza bá iha projetu sira kanalizasaun bee nian ne’e, mai hosi Orsamentu Jerál Estadu (OJE) nian ne’ebé Governu prevee ona bá BTL,E.P iha ne’ebé iha proposta OJE 2021, hamutuk millaun $36 resin. Iha 2022, hamutuk millaun  $18 resin. Nune’e, totál millaun $53 resin.

“Osan ida ne’e, mak ita uza hodi halo operasaun manutensaun sistema bee sira ne’ebé mak iha, inklui mós promove projetu sira iha área rurál, no mós iha postu-postu sira,” Carlos Peloi dos Santos hateten.

Alende kontratu ne’ebé foin selebra, maibé duadaun ne’e iha ona mós projetu foun hamutuk 26 ne’ebé sei la’o iha munisípiu no postu administrativu sira. Projetu sira ne’e, implementa ona iha kapitál postu 11. Enkuantu, kapitál postu 14 mak sei iha prosesu aprovizionamentu.

Advertisement

Iha mós postu 22 mak BTL,E.P halo hela prosesu Dezeñu Detallada, presiza halo levantamentu dadus, iha Postu Administrativu Railaco ho Maucatar, Covalima nian.

Iha fatin hanesan diretóra Kompañia Zufado Unip Lda, Delfina Amaral Lopes, promete katak, sei implementa projetu kanalizasaun bee-moos ne’e bá komunidade sira ho kualidade, inklui sei konklui tempu fulan-neen (6) ne’ebé mak temi ona iha kontratu.

“Ida ne’e, la’ós buat foun, ne’e loos tiha ona, kualkér projetu iha fatin ne’ebé de’it, kuandu obra na’in ka owner project, nia fó desizaun katak, empreza finaliza duni projetu, tuir tempu ne’ebé determina,” nia hateten.

Diretóra Delfina Amaral Lopes, kompromete mós katak, uainhira projetu ne’e la’o, nia sei rekruta de’it Timoroan sira, liu-liu foin-sa’e sira iha suku-tolu ne’e, tanba nia parte hanesan mós Covalima nia ona.

Tuir dadus, komunidade ho uma-kain iha suku-tolu ne’e, liu na’in-1500  no projetu ida ne’e sei implementa ho durasaun tempu durante iha fulan-neen nia laran, ho kustu orsamentu  $830,000-resin.

Advertisement

Jornalista: Rogério Pereira Cárceres 

 

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Cova Lima

Veteranu sira ho Povu Covalima husu Governu Aselera Dezenvolvimentu Projetu Supply Base

Published

on

Hatutan.com, (09 Fevereiru 2024), Covalima-Veteranu sira, lia-na’in ho povu Munisípiu Covalima husu bá Governu liuhosi Ministériu Petróleu no Minerais (MPRM) atu aselera projetu supply base hodi bele apoiu dezenvolvimentu ekonomia povu no nasaun nian.

(more…)

Kontinua Le'e

Cova Lima

MPRM Sei Harii Uma 63 bá Komunidade Afetadu Hosi Projetu Suai Supply Base

Published

on

Hatutan.com, (08 Fevereiru 2024), Covalima- Ministériu Petróleu no Minerias (MPRM) sei harii uma hamutuk 63 bá komunidade ne’ebé afetadu hosi projetu Suai Supply Base.

(more…)

Kontinua Le'e

Cova Lima

Governu Kontínua Halo Sosializasaun Dezenvolvimentu Projetu Supply Base iha Kosta Súl

Published

on

Hatutan.com, (08 Fevereiru 2024), Covalima-IX Governu Konstitusionál liuhosi Ministériu Petróleu no Minerais (MPRM) kontínua halo sosializasaun kona-bá dezenvolvimentu projetu supply base iha Kosta Súl.

(more…)

Kontinua Le'e
Advertisement

Trending