Connect with us
Pakote Ahi

Manatuto

MOP ho IJE Esforsu Halo Normalizasaun Mota Laclo no Finaliza Estrada Kribas Bá Kamedar

Published

on

Hatutan.com, (05 Dezembru 2022), Díli- Prezidente Repúblika (PR), José Ramos-Horta, husu Ministériu Obras Públikas (MOP) ho Institutu Jestaun Ekipamentu (IJE) urgentemente halo normalizasaun bá Mota Laclo no finaliza estrada rurál hosi Suku Kribas bá Kamedar, Suku Barique, Munisípiu Manatuto.

Lee Mós : Autoridade Lokál Husu MOP Hadi’a Moru Protesaun iha Mota Manatuto

Kondisaun Mota Laclo hateke hosi foho leten. Foto/Rogerio Pereira Cárceres.

Mota Laclo fó ameasa boot bá abitante hirak ne’ebé horik iha fatin ne’ebá bainhira tempu udan no iha kalamidade 04 fulan-Abríl 2021, mota refere lori dezastre boot bá komunidade sira nia horik-fatin, inklui ema balun lakon vida.

Ministru Obras Públika,  Abel Pires agradese tebetebes bá Prezidente Repúblika nia atensaun bá MOP no IJE ninia servisu, nune’e sira-nia parte  atualiza servisu ne’ebé durante la’o no dezafiu ne’ebé IJE ho MOP enfrenta liuliu mós hato’o agradese bá Xefe Estadu tanba fó tulun ona bá MOP no IJE hodi promulga tiha ona Dekretu lei ne’ebé halo alterasaun ba ministériu nia estatutu no mós kompeténsia sira, la’ós de’it ministériu de’it maibé mós ba IJE ninian.

Advertisement

Hahú husi 25 Novembru IJE iha ona kapasidade foun tuir lei halo mós intervensaun ba estrada sira ne’ebé estraga no mós intervensaun ba rede irigasaun sira.

“Prezidente Repúblika José Ramos Horta mós kompriende ba dezafiu ne’ebé ami enfrenta no ami mós agradese tebetebes ba Xefe Estadu nia apoiu katak bele buka dalan ko’alia ho parseiru sira bele apoiu liu tan hadi’a kondisaun servisu ministériu no IJE nia,” Ministru Abel Pires hateten.

Governante ne’e haktuir durante semana hira nia laran udan boot estraga ponte boot ida iha Buanurak, Viqueque, ponte ki’ik ida iha Lautém maibé IJE ba halo ona normalizasaun.

“Semana ne’e ha’u sei ba haree diretamente, maibé ita fó ona instrusaun ba kompañia atu halo servisu rua; ida mak kontinua fasilita mobilizasaun komunidade sira iha parte ne’ebá, ida fali atu aselera konstrusaun ba Ponte foun. Ha’u hetan garantidu husi sira katak mais tarde fulan tolu tan ne’e Ponte Buanurak ne’e prontu ona depois komunidade sira lalika tan foti risku atu liu husi mota laran,” Nia informa.

Relasiona ho Ponte Taibessi ne’e agora daudauk halo de’it normalizasaun, IJE hadi’a sedimentasaun atu redús risku ne’e, uluk akontese inundasaun parte ne’ebá entaun hanoin katak tenke hamoos antes no servisu hanesan  halo mós ba parte Bidau nian infelizmente semana hirak nia laran ne’e akontese ne’ebé iha fatin barak halo intervensaun antes inklui mós mota Maloa hanoin ekipamentu sei mai atu halo.

Advertisement

MOP mós servisu hamutuk ho kompañia nasionál Timoroan ne’ebé iha kapasidade atu halo manutensaun ba bee dalan sira no MOP sei tenta hela oinsá atu selebra kontratu ho kompañia balun no se rua ne’e mak la’o hanoin servisu sei di’ak liu tan.

Prezidente IJE, Hermenezilda da Costa Laurentina hateten agradese ba Xefe Estadu tanba bele konvida mai iha fatin ida ne’e atu hato’o informasaun sira kona-bá servisu sira ne’ebé durante IJE hala’o.

Nia afirma Ministériu Obras Públikas (MOP) no IJE mai ko’alia ho Xefe Estadu kona-bá mota Laclo nian ho tan dalan Kamedar, Barique Lamanuan, Xefe Estadu mós bolu direta IJE hodi fó orientasaun no parte IJE mós informa katak daudaun ne’e estrada Kribas ba Kamedar, Barique Lama iha faze melloramentu husi parte IJE nian kontinua loke halo luan tan estrada kuaze kilometru 4 ho balun no servisu oras ne’e lao hela.

“Ami espera katak iha tinan 2023 fulan-Janeiru ami bele finaliza servisu ne’e, no ita-nia komunidade sira iha parte ne’ebá bele uza,” Prezidente IJE, Hermenezilda da Costa Laurentina hateten.

Iha diskusaun ho Xefe Estadu mós ko’alia katak iha tempu badak husi parte IJE nian sei kontinua normaliza mota Laklo ne’ebé afeita ba komunidade sira no kauza ne’e mai kedas desde inundasaun iha loron 04 fulan-Abríl tinan 2021, iha preokupasaun balun entre komunidade ho Autoridade entaun IJE sei iha hela faze negosiasaun.

Advertisement

Nia parte sei orienta ekipa atu aban bele kontinua halo servisu iha mota Laclo, tanba ho kondisaun ne’ebé iha katak parte IJEAD nia mákina pezadu iha de’it unidade 127, iha unidade 93 mak iha kondisaun di’ak, iha unidade 17 iha prosesu manutensaun no mós iha unidade 23 ho kondisaun aat totál entaun ho unidade 93 ne’ebé iha fahe ba kada munisípiu hotu-hotu.

Ho kondisaun ida ne’e mak iha parte balun pedidu ne’ebé husi komunidade sira IJE seidauk bele finaliza, parte balun IJE finaliza ona, maibé husi parte IJE komprometidu sei kontinua apoiu komunidade sira tuir pedidu sira ne’ebé iha.

“Agora daudaun udan monu rai ona, ami hanoin katak agora ita haree liubá iha emerjénsia sira ne’ebé afeta bá ita nia komunidade sira, IJE sei mantein apoiu ita nia komunidade sira,” nia tenik.

Jornalista: Vito Salvadór

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Manatuto

Komunidade Natarbora Prontu Oferese Rai Harii Sentru Dezenvolvimentu Integradu bá Petróleu

Published

on

Hatutan.com, (13 Favereiru 2024), Manatuto-Komunidade sira iha Suku Aubeon, Postu Administrativu Barique/Natarbora, Munisípiu Manatuto, prontu oferese sira-nia rai bá Governu liuhosi Ministériu Petróleu no Rekursus Minerais (MPRM) atu harii sentru dezenvolvimentu integradu bá petrólu nian.

(more…)

Kontinua Le'e

Manatuto

Governu Sei Harii Uma Dignu 50 bá Komunidade Aubeon ho Orsamentu kada Uma $40,000.00

Published

on

Hatutan, (12 Fevereiru 2024), Manatuto – Vise-Primeiru Ministru no Ministru Koordenadór Asuntu Sosiál ho Ministru Dezenvolvimentu Rural no Abitasaun Komunitáriu, Mariano Assanami Sabino, kompromete harii uma dignu unidade 50 bá komunidade Suku Aubeon, Postu Administrativu Barieque, Munisípiu Manatuto.

(more…)

Kontinua Le'e

Manatuto

Filomeno Cárceres Manán Maioria Absoluta Iha Suku Lakumesak

Published

on

Hatutan.com, (29 Outubru 2023), Lacló—Kandidatu númeru sorteiu 03, iha eleisaun órgaun suku tinan ne’e nian, Filomeno Rodriguês Pereira Cárceres, manán ho votu maioria absoluta iha Suku Lakumesak, Postu Administrativu Lacló, Munisipiu Manatuto.

(more…)

Kontinua Le'e
Advertisement

Trending