Connect with us
Pakote Ahi

Justisa & Krime

Grupu Juventude Asalta Malu, Pároku Bá Parókia Santu António Manatuto Kanek

Published

on

Hatutan.com, (03 Janeiru 2023), Díli-Pároku bá Parókia Santu António Manatuto, Dioseze Baucau, Pe. Nelson da Costa Freitas, hamutuk ho sarani balun hetan kanek no tenke halo tratamentu iha Ospitál Manatuto tanba hetan tuda iha parte ulun.

Pároku bá Parókia Santu António Manatuto, Dioseze Baucau, Pe. Nelson da costa Freitas hlao tratamentu iha Ospitál Manatuto. Foto/Espesiál

Padre Nelson da Costa Freitas ho nia sarani ida baibain bolu Francisco liman tohar bainhira halo intervensaun bá akalma grupu juventude sira asalta malu iha Postu Administrativu Manatuto Villa, Domingu (01/01/2023), hale’u tuku 17:45 Otl.

Komandante Polísia Nasionál Timor-Leste (PNTL) Munisípiu Manatuto, Superintendente João da Costa, informa motivu hosi kazu ne’e tanba joven sira hemu tua to’o lanu, ikus mai mosu provokasaun entre individu to’o akontese konfrontasaun.

“Amu Pároku kanek  tanba Amu  mós hakarak mai ajuda PNTL atu hakalma situasaun maka fatuk kona  amu iha parte ulun. Maibé, situasaun la’o di’ak hela,” Superintendente Polísia João da Costa, informa bá Hatutan.com iha via telefone Tersa (03/01/2023).

Advertisement

Kazu konfronta ne’ebé mosu ne’e, deskonfia envolve hosi membru Grupu Arte Marsiál (GAM) balun ho grupu arte rituál.

“Motivu hosi kazu ne’e, mai hosi buat ida lanu ne’e, individu sira provoka malu, depois maka halai tiha fila-fali bá grupu arte marsiál ho arte rituál,” João da Costa, informa.

Vitima Francisco hala’o tratamentu iha Ospitál Manatuto. Foto/Espesiál

Hafoin akontesimentu ne’e, parte autoridade seguransa liu-liu Komandu PNTL Manatuto konjunta ho forsa operasional hosi FALINTIL-Forsa Defeza Timor-Leste (F-FDTL) konsege halo atuasaun iha terrenu no detein mós joven balu hodi bá halo identifikasaun.

Padre Nelson da Costa Freitas  ne’ebé hetan kanek iha parte ulun uainhira lori bá Ospitál, suku to’o pontu-ualu (8), no hafoin halo tratamentu Médiku, fila kedan bá amu nia rezidénsia akompaña hosi sarani Sira.

Daudaun  ne’e ekipa konjunta hosi PNTL ho F-FDTL iha ona lista naran autór sira ne’ebé mak envolve iha konfrontu ne’e, hodi buka no foti autór sira ne’e iha sira ida-idak ninia hela fatin hodi submete bá investigasaun kriminal.

Jornalista: Rogério Pereira Cárceres

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

Sidadaun Xina Ida Ne’ebé Deskonfia Falsifika Pasaporte Hetan TIR

Published

on

Hatutan.com, (27 Marsu 2024), Díli-Tribunál Judisiál Primeira Instánsia Díli (TJPID), liuhosi Juiz Singulár Afonso Carmona, Kuarta (27/03/2024), deside medida koasaun Termu identidade rezidénsia (TIR) bá arguido ho inisiál ZL nu’udár sidadaun estranjeiru ho nasionalidade Xina tanba deskonfia halo falsifikasaun bá dokumentu pasaporte.

(more…)

Kontinua Le'e

Justisa & Krime

Kazu Beto, MP Alega Krime Rua Hasoru Arguido Na’in-8, no Na’in-2 bá Ona Prizaun Preventiva

Published

on

Hatutan.com, (27 Marsu 2024), Díli-Tribunal Judisiál Primeira Instánsia Díli (TJPID), Kuarta (27/03/2024), hala’o Primeiru Interrogatóriu Judisiál hasoru arguido na’in-ualu (8)  ho inisial JGL, ZM, EX, AG, LUX, FCG, JS, RC, tanba deskonfia nu’udár autór prinsipál bá kazu konfrontu iha área Betó Leste, Sábadu 24 fulan-Marsu 2024.

(more…)

Kontinua Le'e

Justisa & Krime

Sidadaun Xina Ida Submete Bá Primeiru Interrogatóriu Tanba Halo Falsifikasaun Pasaporte

Published

on

Hatutan.com, (27 Marsu 2024), Díli-Sidadaun estranjeiru ida ho nasionalidade Xina ho inisiál ZL,  Kuarta (27/03/2024), hale’u tuku 15:00 Otl, submete bá Primeiru Interrogatóriu Judisiál iha Tribunál Judisiál Primeira Instánsia Díli (TJPID) tanba deskonfia envolve iha krime falsifikasaun dokumentu pasaporte ne’ebé durante ne’e utiliza hodi buka serbisu no hela iha Timor.

(more…)

Kontinua Le'e
Advertisement

Trending