Connect with us
Pakote Ahi

Internasionál

Ramos-Horta Husu Konsellu Tékniku bá ABC Brazileira Atu Kombate Ki’ak no Sub Nutrisaun Iha TL

Published

on

Hatutan.com, (06 Janeiru 2023), Díli—Prezidente Repúblika (PR), José Ramos-Horta hasoru malu ho responsável Agência Brasileira de Cooperação (ABC), hodi ko’alia kona-bá posibilidade atu fó akonsellamentu tékniku no apoiu iha programasaun hodi kombate ki’ak no sub-nutrisaun iha Timor-Leste (TL).

Prezidente Repúblika (PR), José Ramos-Horta hasoru malu ho responsável Agência Brasileira de Cooperação (ABC), hodi ko’alia kona-bá posibilidade atu fó akonsellamentu tékniku no apoiu iha programasaun hodi kombate ki’ak no sub-nutrisaun iha Timor-Leste (TL), Sesta (06/01/2023). Foto/Média PR

José Ramos-Horta hateten, Timor-Leste iha rekursu finanseiru mai hosi esportasaun petróleu no gáz, maibé sei iha problema barak ne’ebé liga ho ki’ak no sub nutrisaun nasionál tanba ne’e presiza konsellu hosi governu Brazil liu hosi Agência ABC.

Lee Mós: Prezidente Repúblika Haklean Diskusaun Projetu Kooperasaun Ho Brazil

Brazil hanesan nasaun ne’ebé iha esperiénsia ba luta kontra ki’ak, hamlaha no sai produtór mundiál ba alimentasaun.

Advertisement

“Ami la akonsella governu Brazil atu fó apoiu finanseiru, importante liu ba ami maka konsellu tékniku, ajuda iha programasaun, luta kontra pobreza, halo Timor sai país agríkola, assegura seguransa alimentár, hadi’a no halakon sub nutrisaun infantile,” Hatutan.com sita deklarasaun Ramos-Horta iha komunikadu Sesta (06/01/2023).

Tarrefa ne’e, tuir Xefe Estadu konta ho tulun hosi Programa Mundiál bá Alimentasaun no UNICEF no parseiru seluk, hodi atinji meta ida-ne’e bá tinan lima.

Prezidente Repúblika kestiona prezensa hosi parseiru dezenvolvimentu iha baze, baihira situasaun pandémika afeta hela nasaun.

“Iha Timor-Leste pandemia deklara iha Marsu 2021 no iha Maiu, hanesan eis Prezidente, líder polítiku dahuluk ne’ebé rompe serka sanitária. Ha’u la’o hale’u nasaun, maibé la haree prezensa osan, la haree prezensa hosi governu, ONG internasionál, programa hosi ONU no povu husik hela,” Xefe Estadu hateten. 

Ramos-Horta mós husu hanoin hosi Agência Brasileira de Cooperação – ABC kona-bá programa merenda eskolár iha Brazíl.

Advertisement

Prezidente Repúblika (PR), José Ramos-Horta hasoru malu ho responsável Agência Brasileira de Cooperação (ABC), hodi ko’alia kona-bá posibilidade atu fó akonsellamentu tékniku no apoiu iha programasaun hodi kombate ki’ak no sub-nutrisaun iha Timor-Leste (TL), Sesta (06/01/2023). Foto/Média PR.

Diretór Agência Brazileira de Cooperação – ABC, Ruy Pereira atualiza bá Xefe Estadu, implementasaun programa iha Timor-Leste ne’ebé monitoriza hosi Ministériu Agrikultura no Peskas no Programa Mundiál Alimentus – PMA.

“Projetu ne’e foin dahuluk, ami halo iha Timor-Leste liuliu iha Atabae – Bobonaro, la’ós de’it ajénsia humanitária, maibé atu rekonstrui kapasidade produsaun unidade ki’ik sira iha aldeia, ho formasaun téknika hosi Brazil no programa ida ne’e importante bá seguransa alimentár no nutrisionál ne’ebé sai hanesan preokupasaun bo’ot iha Timor-Leste,” Ruy Pereira hateten.

Kustu refeisaun bá kada alunu iha Brazil, sita ona iha Sistema Nasionál Alimentasaun no Governu Federál komplementa de’it finansiamentu ba alimentu suplmentar ne’ebé Munisipiu sira  prepara no kada tinan orsamentu bá kategoria rekursu suplementar, totaliza real  billaun 4, ekivalente ho dolar amerikanu liu millaun atus hitu. 

Durante ne’e, Brazil hetan apoiu orsamentu husi Programa Alimentar Mundiál – PMA iha Dili ho dólar amerikanu rihun 120, bá asaun kooperasaun humanitária, hodi rekupera atividade subsisténsia hafoin passajen siklone iha tinan hirak liu bá.

Entre tinan 2006 to’o 2016, rejista asaun 7 iha assisténsia humanitária ho Timor-Leste ba Koordenasaun-Jerál bá Kooperasaun Humanitária no Kombate hamlaha – CGFOME (Sigla iha Portuguéz) ho orsamentu dolar amerikanu liu rihun atus tolu.

Jornalista: Vito Salvadór

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Internasionál

Vanuatu-TL Hakarak Estabelese Kooperasaun iha Área Marítima

Published

on

Hatutan.com, (19 Abríl 2024), Díli— Estadu Vanuatu hakarak estabelese kooperasaun bilaterál ho Timor-Leste (TL) hodi foka ba área marrítima nian.

(more…)

Kontinua Le'e

Internasionál

Konferénsia Oseanu Atenas-Grécia Importante Atu Hametin Kooperasaun Hodi Proteje Balada iha Tasi-Laran

Published

on

Hatutan.com, (17 Abríl 2024), Díli— Primeiru-Ministru (PM), Kay Rala Xanana Gusmão konsidera konferénsia Oseanu “Ita Nia Tasi” bá dala-sia iha kapitál Atenas, Grécia importante tebes bá nasaun hotu-hotu, atu servisu hamutuk hodi proteje tasi hosi risku foer oin-oin liu-liu plástiku, hodi salva riku-soin tasi no balada sira ne’ebé moris iha tasi laran.

(more…)

Kontinua Le'e

Internasionál

Xanana To’o Ona Grécia Atu Partisipa Konferénsia Oseanu

Published

on

Hatutan.com, (15 Abríl 2024), Díli—Primeiru-Ministru (PM), Kay Rala Xanana Gusmão, domingu (14/04/2024) ho delegasaun kontinua viajen hosi Reinu Unidu bá país Grécia.

(more…)

Kontinua Le'e
Advertisement

Trending