Connect with us
Pakote Ahi

Internasionál

Ramos-Horta Husu Sentru Komérsiu Internasionál Apoia Formasaun bá Rekursu Umanu TL

Published

on

Hatutan.com (21 Janeiru 2023), Díli—Prezidente Repúblika(PR), José Ramos-Horta husu Sentru Komérsiu Internasionál (SKI), atu apoia formasaun rekursu umanu, baihira Timor-Leste (TL) adere bá Assosiasun nasaun sira iha Sudeste Aziátiku (ASEAN) no Organizasaun Mundiál Komérsiu (OMK).

Prezidente Repúblika(PR), José Ramos-Horta husu Sentru Komérsiu Internasionál (SKI), atu apoia formasaun rekursu umanu, baihira Timor-Leste (TL) adere bá Assosiasun nasaun sira iha Sudeste Aziátiku (ASEAN) no Organizasaun Mundiál Komérsiu (OMK). Prezidente Repúblika hato’o pedidu ne’e bainhira hasoru-malu ho Diretora Ezekutiva hosi Sentru Komérsiu Internasionál, Pamela Coke-Hamilton, Kinta (19/01/2023). Foto/Média PR.

Prezidente Repúblika hato’o pedidu ne’e bainhira hasoru-malu ho Diretora Ezekutiva hosi Sentru Komérsiu Internasionál, Pamela Coke-Hamilton, Kinta (19/01/2023) hodi husu atu SKI apoia adezaun Timor-Leste bá ASEAN no Organizasaun Mundiál Komérsiu.

Lee Mós: Ramos-Horta Preokupa ho Direitu Feto-Labarik Ne’ebé Kontinua La Hetan Atensaun Iha Mundu

“Sentru Internasionál Komérsiu iha mandatóriu hamutuk ho Organizasaun Mundiál Komérsiu no mós Organizasaun Nasoes Unidas – ONU.  Tanba ne’e Xefe Estadu husu Sentru Komérsiu Internasionál atu apoia formasaun rekursu umanu, baihira Timor-Leste adere bá ASEAN no OMK,” Hatutan.com sita komunikadu.

Advertisement

Oras ne’e daudaun Singapura prepara hela pakote apoiu ba Timor-Leste tanba ne’e  presija servisu hamutuk atu labele duplika apoiu. Britániku apoia de’it finanseiru. Servisu mós ho Sekretariadu ASEAN, tuir Mata-dalan ne’ebé sei aprezenta fulan Maiu, iha Simeira ne’ebé sei realiza iha Jakarta.

Timor-Leste presiza kumpri kondisaun balun hosi ASEAN no kritériu hosi organizasaun rejionál ne’e, aplika mós hosi Organizasaun Mundiál Komérsiu, liu-liu iha aseptu lejislasaun.

Nune’e mós Diretora Ezekutiva Sentru Komérsiu Internasionál, Pamela Coke-Hamilton hateten, entidade ne’e halo hela avaliasaun kona-bá Timor-Leste nia asesu bá ASEAN, Organizasaun Mundiál Komérsiu, Kooperasaun Uniaun Europeia  no nasaun sira iha Áfrika, Karibe no Pasífiku (ACP-UE sigla iha Ingléz).

“Timor-Leste bele ko’alia ho Uniaun Europeia oinsá mak bele asesu bá OMC, ACP-UE no ASEAN no dezenvolve mata-dalan atu asesu ba ASEAN. Ami halo hela avaliasaun kona-ba adezaun ba ASEAN. Ami sei ko’alia ho Singapura atu labele duplika apoiu,” Pamela Coke-Hamilton hateten.

Embaixadora Timor-Leste iha Suíça, Maria de Lourdes Bessa informa katak, iha tempu besik Timor-Leste sei asina iha Jenebra, akordu ida ho Filipina no Kanadá atu apoia adezaun Timor-Leste ba ASEAN no Organizasaun Mundiál Komérsiu.

Advertisement

Jornalista : Vito Salvadór

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Internasionál

Vizita Liurai Brunei Darussalam Nu’udár Fatór Importante Atu Motiva TL Adere bá ASEAN

Published

on

Hatutan.com, (20 Maiu 2024), Dili—Primeiru Ministru (PM), Kay Rala Xanana Gusmão konsidera vizita Liurai Brunei Darussalam, Sua Majestade Sultan Haji Hassanal Bolkiah Mu’izzaddin Waddaulah iha Dili, nu’udár fatór importante ida atu motiva Timor Leste hodi prepara-an di’ak liu tán, bele adere lalais bá Association of Southeast Asian Nations (ASEAN).

(more…)

Kontinua Le'e

Internasionál

Index Liberdade Imprensa, TL Hosi TOP 10 Tun bá 20

Published

on

Hatutan.com, (03 Maiu 2024), Díli— Index Liberdade imprensa mundiál bá tinan 2024 ne’ebé anunsia ofisialmente hosi RSF (Reporter Without Border), Timor-Leste (TL) tama iha ranking 20.

(more…)

Kontinua Le'e

Internasionál

Ramos-Horta bá Portugál-EUA, Partisipa Aniversáriu Revolução dos Cravos

Published

on

Hatutan.com, (22 Abríl 2024), DíliPrezidente Repúblika (PR), José Ramos-Horta hamutuk ho delegasaun semo bá Portugál hodi partisipa aniversáriu Revolução dos Cravos bá dala-L (50).

(more…)

Kontinua Le'e
Advertisement

Trending