Connect with us
Pakote Ahi

Defeza & Seguransa

EUA Anunsia Apoiu Foun bá F-FDTL no Reabilitasaun Aeroportu Baucau

Published

on

Hatutan.com, (04 Fevereiru 2023), Díli–Almirante John C. Aquilino, Komandante Komandu Indo-Pasífiku EUA, anunsia Estadus Unidus nia apoia foun bá FALINTIL-Forsa Defeza Timor-Leste (F-FDTL) no reabilitasaun konjunta bá Aeroportu Baucau durante ninia vizita iha Timor-Leste.

Lee Mós : Militár Hosi EUA Kontinua Hametin Kooperasaun ho F-FDTL

Almirante John C. Aquilino, Komandante Komandu Indo-Pasífiku E.U.A foto hamutuk ho Xefe Estadu Maiór Jenerál F-FDTL, Tenente Jenerál Falur Rate Laek, Ministru Defeza Filomeno da Paixão. Foto/Espesiál

Estadus Unidus Amérika liuhosi Komandu Indo-Pasífiku Estadus Unidus nian kompromete ona millaun $4.5 atu apoia operasaun sira Komponente Aéreu F-FDTL nian, inklui estasaun metrolójika automatizadu ida, ambulánsia, forklift, no pesa sira no formasaun; no millaun $1 bá finansiamentu militár estranjeiru bazeia bá pedidu hosi Governu Timor-Leste atu sosa kilat ki’ik sira hodi hasa’e kapasidade profisionál F-FDTL nian.

“Ita nia kooperasaun seguransa iha tempu naruk sei ajuda Timor-Leste hametin ninia kapasidade atu monitoriza di’ak liután ninia territóriu, responde ba dezastre naturál sira,” Alm. Aquilino hateten iha komunikadu imprensa ne’ebé Hatutan.com asesu.

Advertisement

“Ita fahe vizaun komún ida bá rejiaun Indo-Pasífiku ne’ebé livre no nakloke iha ne’ebé governu sira bele halo sira-nia desizaun soberanu rasik no iha ne’ebé área kontrolu sira tenke governa tuir lei.”

Estadus Unidus Amérika mós halo ona kompromisu ho montante totál millaun $23-resin hodi reabilita hamutuk Aeroportu Baucau ho Governu Timor-Leste. Iha tinan 2022, Estadus Unidus Amérika no Timor-Leste kompleta tiha ona faze dahuluk hosi reabilitasaun ne’e liuhusi asegura aeroportu refere ho lutu perímetru foun ida, harii armazén ida ba Komponente Aéreu F-FDTL, no fornese ekipamentu foun ba apoiu aeroportu, inklui kamiaun kombustivel no bombeiru ida.

Tinan ida-ne’e, Estadus Unidus Amérika no Timor-Leste sei hahú faze daruak hosi reabilitasaun konjunta liuhosi pinta filafali pista aeroportu ne’e nian, instala iluminasaun pista utiliza enerjia solar, no konstrui hangar ida ba aviaun Cessna. Iha tinan 2023 nia klaran, Estadus Unidus Amérika sei fornese aviaun Cessna vijilánsia modernu ida bá F-FDTL.

Hanesan parte husi parseria seguransa entre Estadus Unidus Amérika no Timor-Leste, Estadus Unidus Amérika hala’o ezersísiu militár anual hamutuk tolu ho F-FDTL no simu membru militár F-FDTL lubuk ida iha Estadus Unidus Amérika hodi tuir formasaun lian Inglés no edukasaun militár profisionál.

Forsas Navál EUA. Seabees mós harii ka reabilita ona projetu 100-resin, inklui klínika no eskola ho valór millaun $60-resin iha Timor-Leste laran tomak. Estadus Unidus liuhusi Komandu Indo-Pasífiku Estadus Unidus fornese mós osan millaun $2.3-resin ba konstrusaun fasilidade saúde foun sira iha Dili, Baucau no Batugade hodi hametin seguransa saúde ba tempu naruk iha Timor-Leste.

Advertisement

 Jornalista : Vito Salvadór

 

 

 

 

Advertisement

 

 

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Defeza & Seguransa

PNTL Detein Autór Sobu Kadeira iha GMT Laran

Published

on

Hatutan.com, (21 Maiu 2024), Díli-Polísia Nasionál Timor-Leste (PNTL) Munisípiu Díli kaptura no detein autór ida ho inisial MdS tanba harahun kadeira tuur-fatin hamutuk 14 ne’ebé baibain adeptu sira tuur durante asiste Kampionatu Nasionál Boxe iha salaun Jinájiu Munisipál Díli (GMT-sigla Indonézia).

(more…)

Kontinua Le'e

Defeza & Seguransa

UPF Prende Kombustivel Litru 245 iha Memo-Maliana

Published

on

Hatutan.com, (17 Maiu 2024), Díli-Polísia Nasionál Timor-Leste (PNTL) husi Unidade Patrullamentu Fronteira (UPF) prende  kombustivel ho kuantidade litru 245 iha área Memo, Postu Administrativu Maliana, Munisipiu Bobonaro.

(more…)

Kontinua Le'e

Defeza & Seguransa

Diretór Nasionál PCIC Vicente e Brito Rekoñese Nia Oan-mane Uza Pistola Treinu Tiru

Published

on

Hatutan.com, (14 Maiu 2024), Díli-Diretór Nacional bá Policia Científica e de Investigação Criminal (PCIC), Vicente Fernandes e Brito,  ‘rekoñese’ fó pistóla bá oan-mane hodi treinu tiru hamutuk ho membru  PCIC sira iha área Kaitehu, Suku Tibar, Postu Administrativu Bazartete, Munisípiu Liquiça.

(more…)

Kontinua Le'e
Advertisement

Trending