Connect with us
Pakote Ahi

Desportu

Dezintendimentu, Adi’a Jogu Entre Nagarjo FC Ho Fitun Estudante Lorosa’e FC

Published

on

Hatutan.com, (16 Marsu 2023), Díli—Jogu kontinuasaun Liga Futeból Timor-Leste (LFTL) entre Nagarjo FC ho Fitun Estudante Lorosa’e FC, labele joga to’o hotu tanba Jogadór no treinadór sira la kontente ho desizaun árbitu ne’ebé falla no la konsistente ho nia desizaun hodi fó penalidade ba klubu Fitun Estudante Lorosa’e FC.

Jogu kontinuasaun Liga Futeból Timor-Leste (LFTL) entre Nagarjo FC ho Fitun Estudante Lorosa’e FC, labele joga to’o hotu tanba Jogadór no treinadór sira la kontente ho desizaun árbitu ne’ebé falla no la konsistente ho nia desizaun hodi fó penalidade ba klubu Fitun Estudante Lorosa’e FC, Kinta (16/03/2023). Foto/Elio dos Santos da Costa.

Jogu entre klubu Nagarjo FC no Fitun Estudante Lorosa’e FC tenke para iha minutu 78 hafóin mósu dezintendimentu entre árbitu no Jogadór sira hosi parte Nagarjo FC, relasiona ho desizaun árbitu nian hodi fó penalidade ba ekipa Fitun Estudante Lorosa’e FC tanba konsidera Jogadór Nagarjo FC halo bola mão iha área grandeal laran.

Lee Mós: Porto Taibessi FC Vs Assalam FC Termina ho Skor 3-0

Ho desizaun ne’e halo Jogadór sira hosi klubu Nagarjo FC halo protesta tanba bola ne’ebé konsidera mão iha área grandeal liur no la meres atu árbitu fóti desizaun hodi fó penalidade ba Fitun Estudante Lorosa’e FC.

Advertisement

La simu ho desizaun árbitu nian ne’ebé la hatudu neutralidade no profesionalidade, prezidente Nagarjo FC halo mós asaun protesta hodi soe kadeira hosi tribun tun ba kraik.

Ho asaun ne’ebé iha halo árbitu Gaspar Soares obrigadu tente diside halo konsultasaun ho árbitu rezerva inklui koordenadór jeral do jogu hodi konfirma no ikus mai deside anula desizaun penslidade ne’ebé fó ba Fitun Estudante Lorosa’e FC.

Ho desizaun árbitu ne’ebé la konsistente halo ekipa Fitun Estudante Lorosa’e FC la satisfas no husu atu koordenadór jerál jogu no árbitu inklui treinadór hosi ekipa Nagarjo FC atu ba tur hamutuk iha laran, edifísiu LFTL iha estadiu munisípal Díli nia laran atu buka solusaun no hafóin parte arbitrajem, treinadór hosi ekipa Nagarjo FC ni Fitun Estudante Lorosa’e FC inklui koordenadór jeral jogu halo diskusaun deside atu adi jogu ne’e ba tempu seluk no tempu indeterminadu katak parte LFTL sei apar ho oráriu ne’ebé iha molok fóti desizaun ba jogu kontinuasaun.

Koordenadór jeral do jogu, Martinho Ribeiro hateten kona-bá jogu ida ohin entre Nagarjo FC no Fitun Estudante Lorosa’e FC parte liga bolu ona klubu rua hodi halo ona diskusaun no iha konkordansia atu adia jogu ne’e ba tempu seluk no jogu kontinuasaun ne’e atu bainhira, oda ne’e LFTL sei halo anúnsiu fila fali.

“Jogu ohin adi’a no kona-bá dezintendimentu ne’ebé iha kampu laran kona-bá árbitu nia desizaun parte orgaun liga ho arbitrajem sei hare fila fali molok fóti desizaun,” Martinho Ribeiro hateten.

Advertisement

Koordenadór jeral do jogu ne’e hatutan jogu segunda parte entre Nagarjo FC no Fitun Estudante Lorosa’e FC fóin lao minutu 33 (78 sura ho primeira parte) no tempu normal hela 12 minutu mak jogu ne’e para tiha tanba dezintendimentu ne’ebé iha.

Koordenadór ne’e subliña iha regulamentu LFTL mós permite atu kada jogu ne’ebé orgaun liga organiza bele adia bainhira mósu distúrbiu ka dezintendimentu ruma ne’ebé obriga atu jogu tenke para no adia ba tempu seluk.

Iha observasaun Hatutan.com nian iha kampu nota ekipa rua iha ânimu  no vontade hodi halo jogu ne’e, ekipa Nagarjo FC iha motivasaun makas atu konkista vitóri hafóin iha jogu rua antes sofre derota no ekipa Fitun Estudante Lorosa’e FC mós halo esfórsu atu hetan pontu tolu hodi mantein iha zona seguru atu bele buka oportunidade hodi promovidu ba primeira divizaun iha époka ne’e.

Nagarjo FC ne’ebé halo jogu ho esfórsu konsege lidrra uluk iha minutu 38 liu hosi golu ne’ebé hatama hosi avansadu Nelson Freitas (10) hafóin simu asisténsia hosi Jogadór Jobelquim da Costa (77) ne’ebé long bola as ba iha area grandeal adversáriu nian. Ekipa rua halo jogu ho intensidade as no primeira parte termina ho vitóri ba Nagarjo FC.

Tama na segunda parte, Fitun Estudante Lorosa’e FC hasae kedas ritmu jogu no halo kedas kontra atake ba Nagarjo FC maibé sei falla no laiha golu ruma akontese. Ekipa Nagarjo FC ne’ebé lidera jogu ne’e hahu halo tranjisaun ba taktika hodi halo balansu ba ekipa adversáriu nia jogu.

Advertisement

Nagarjo FC hetan bola falta ida iha sira nia area rasik ho nune’e baliza Nagarjo FC hola inisiativa atu sura bola falta ne’e. Ho oportunidade ne’ebé iha baliza refe halo pasajen direita ba area grandeal ekipa adversáriu no Jogadór Nelson Freitas (10) konsege marka tan golu ida liu hosi salto hodi muda skor ba 2-0 iha minutu 47.

Tama ba minutu 59 Fitun Estudante Lorosa’e FC halo kedas subtituisaun ba Jogadór rua iha liña klaran no avansadu hodi hasai Mário Quefi (21) no Albertinho Martinho (22) hodi hatama Avelino Gama (22) no Hernanio da Conceição (10).

Ho subtituisaun ne’e Fitun Estudante Lorosa’e FC halo kedas tranjisaun ba taktika hodi halo jogu liu hosi bola as, iha ne’ebé bola ne’ebé iha sempre halo pasajen direita ba avansadu hodi halo presaun ba defeza adversáriu no hadau oportunidade hodi halo golu.

Taktika ne’ebé iha lori dunik rezultadu, tama ba minutu 63 Jogadór Fitun Estudante Lorosa’e FC Angenuco Viegas (11) marka golu ida hafóin simu bola as hosi lina direita no liu deit minutu ida, Angenuco Viegas (11) marka tan golu ida hodi halo impata 2-2.

Ekipa rua mantein rezultadu ne’e too ikus mai mósu dezintendimentu iha minutu 78, ne’ebé ikus mai jogu entre ekipa rua tenke adia.

Advertisement

Parte treinadór Nagarjo FC no Fitun Estudante Lorosa’e FC lakoi fó komentáriu ba média no nafatin ho komitmentu hodi hein desizaun hosi orgaun liga ba jogu kontinuasaun iha tenpu tuir mai.

Jornalista: Vito Salvadór

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Desportu

KRAM Nota Membru GAM Kontinua Utiliza Atributu iha Fatin Públiku no Halo Atividade Treinu

Published

on

Hatutan.com, (05 Marsu 2024), Díli-Komisaun Reguladóra Artes Marsiál (KRAM) nota  membru sira iha grupu arte Marsiál (GAM), hanesan  Persaudaraan Setia Hati Terate (PSHT), Ikatan Keluarga Sakti, Putra Timor-Leste (IKS-PTL) ho Kmanek Oan Rai Klaran (KORK), kontinua utiliza atributu ka hatais farda iha fatin públiku no halo atividade treinu iha tempu kalan.

(more…)

Kontinua Le'e

Desportu

AD SLB Laulara Okupa III Lugar iha Timor Cup 2023, Kay Olok Mellór Markadór

Published

on

Hatutan.com, (15 Janeiru 2024), DíliKlube Futeból Timor-Leste AD SLB Laulara sai hanesan man’an na’in terseiru (III) lugar iha finál taxa Timor Cup 2023 no Jogadór estrela Kay Olok Gusmão sai hanesan mellór markadór ho golu neen.

(more…)

Kontinua Le'e

Desportu

Timor Cup 2023, AD SLB Laulara Derrota Hasoru Northern Crocs

Published

on

Hatutan.com, (11 Janeiru 2024), Díli—Klube Futeból Timor-Leste AD SLB Laulara derrota 2-0 hasoru klube Northern Crocs iha jogu kontinuasaun Taxa Timor Cup 2023 ne’ebé hala’o iha kampu futeból Melbourne Austrália.

(more…)

Kontinua Le'e

Trending