Connect with us
Pakote Ahi

Ekonomia

Governu-CET Asina Akordu Subvensaun Anuál Millaun $15 

Published

on

Hatutan.com, (23 Marsu 2023), Díli— Oitavu Governu Konstitusionál ho Conferência Episcopal Timorense (CET, sigla Portugés) asina akordu subvensaun anuál ho montante millaun $15.

Oitavu Governu Konstitusionál ho Conferência Episcopal Timorense (CET) asina akordu subvensaun anuál ho montante millaun $15, iha sala Reuniaun Ezekutivu Piso 10 Ministériu Finansas, Kinta (13/03/2023), Governu reprezenta hosi Ministru Finansas, Rui Gomes no CET reprezenta hosi Arsebispu Metropolitana Díli no Pró-Prezidente CET, Sua Eminência Dom Virgílio Cardeal do Carmo da Silva, SDB. Foto/MF.

Serimónia asinatura ne’ebé hala’o iha sala Reuniaun Ezekutivu Piso 10 Ministériu Finansas, Kinta (13/03/2023),  Governu reprezenta hosi Ministru Finansas, Rui Gomes no CET reprezenta hosi Arsebispu Metropolitana Díli no Pró-Prezidente CET, Sua Eminência Dom Virgílio Cardeal do Carmo da Silva, SDB.

Lee Mós: Konstrusaun Edifísiu CET Iha Dare Ho Millaun $3

“Kontribuisaun finanseira ho montante millaun $15 ne’e, Governu oferese ba Igreja Católica liuhosi Conferência Episcopál Timorense ho objetivu atu finansia atividades ho karaktér Edukativu, Sosiál, atividades Governasaun Eklesiál no Jestaun subvensaun ba tinan orsamentál 2023,” Hatutan.com sita komunikadu.

Advertisement

Subvensaun anuál millaun $15 ne’e nu’udár provas relasaun di’ak no kooperasaun ne’ebé forte entre Oitavu Governu Konstitusionál lideradu hosi Primeiro-Ministru Taur Matan Ruak no Conferência Episcopál Timorense.

Orsamentu ne’e nu’udár investimentu estratéjiku ida ba nasaun Timor-Leste ne’ebé nia benefísiu ba Timoroan sira iha futuru, sei boot liufali montante osan ne’ebé Governu investe ona.

Iha Kuarta 22 Marsu, liu hosi Sorumutu iha Palásiu Governu, Konsellu Ministru aprova autorizasaun despezas subvensaun anuál ho montante millaun $15 ne’ebé mak aprezenta hosi Ministru Finansas, Rui Gomes rasik.

Konsellu Ministru mós autoriza kedan Ministru Finansas, Rui Gomes hodi reprezenta Oitavu Governu Konstitusionál iha asina akordu Subvensaun anuál ne’e.

Tuir projetu ne’ebé aprezenta hosi Ministru Finansas, Rui Augusto Gomes, Konsellu Ministru delibera ona hodi autoriza realizasaun despeza ho valór dolar amerikanu hamutuk millaun $15 kona-bá atribuisaun ba subvensaun anuál ida ba Konferénsia Episkopál Timorense.

Advertisement

Subvensaun anuál ida-ne’e bá CET sei realiza tuir akordu ne’ebé asina ona iha loron 14 fulan-agostu tinan 2015, entre Timor-Leste no Santa Sé no Akordu-Kuadru ne’ebé asina iha loron 16 fulan-juñu tinan 2017 entre Governu ho CET, ne’ebé prevee kontribuisaun anuál ida, tuir disponibilidade finanseira Governu nian, ba atividade sira ho karáter sosiál, edukativu no governu ekleziál Igreja Katólika nian.

Jornalista: Rogério Pereira Cárceres

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Ekonomia

Manipulasaun iha Foos Subsídiu, Empreza Importadór Husu Vise-PM Francisco Kalbuadi Lay Aprezenta Provas

Published

on

Hatutan.com, (18 Marsu 2024), Díli—Empreza importadór foos subsídiu   Perisos, Lda, husu Vise-Primeiru Ministru, Ministru Koordenadór asuntu Ekonomia, Ministru Turizmu no Ambiente, Francisco Kalbuadi Lay atu aprezenta provas kona-bá deskonfia importadór foos subsídiu sira halo manipulasaun.

(more…)

Kontinua Le'e

Ekonomia

Deskonfia, Manipulasaun iha Subsídiu Foos

Published

on

Hatutan.com, (15 Marsu 2024), Díli— Subsídiu foos ne’ebé durante ne’e Governu fó bá empreza importadór foos, hanesan  Lisun Lda, Creative Lda, Alfa Dili no Perisos, Lda, deskonfia halo pratika manipulasaun.

(more…)

Kontinua Le'e

Ekonomia

Timor-Leste Laiha Laboratóriu Kontrolu Ai-han

Published

on

Hatutan.com, (11 Marsu 2024), DíliTinan-20 liu ona, Timor-Leste restaura nia ukun rasik aan. Uitoan ka barak,  nasaun ne’e komesa hamriik no hakat hodi dezenvolve aan hosi setor oioin. Mezmu nune’e, sei nafatin enfrenta sasadik no sasidik sira.

(more…)

Kontinua Le'e
Advertisement

Trending