Connect with us
Pakote Ahi

Defeza & Seguransa

Komissáriu Henrique da Costa-Pedro Belo Hakarak Hadi’a PNTL Ho Prioridade Lima

Published

on

Hatutan.com, (27 Marsu 2023), Díli—Polísia Nasionál Timor-Leste (PNTL), liuhosi Komandante Jerál foun Komisáriu Polísia Henrique da Costa hatuur prioridade lima (5) nu’udár kompromísu ida, hodi dezenvolve no mellora instituisaun seguransa ne’e hakat liután bá oin, iha sira-ninia mandatu 2023 to’o 2026.

Komandante Jerál foun Polísia Nasionál Timor Leste (PNTL), Komissáriu Polísia Henrique da Costa ho Segundu Komandante Pedro Belo simu pose ba mandatu tinan tolu, iha Kuartél Unidade Espesiál Polísia (UEP), Bairru-Pité, Díli, Segunda (27/03/2023). Foto/Elio dos Santos da Costa.

Kompromísu ne’e hato’o durante diskursu iha serimómia posse bá Komandante Jerál no Segundu komandante jerál foun PNTL nian ho mandatu tinan tolu, iha Kuartél Unidade Espesiál Polísia (UEP), Bairru-Pité, Díli, Segunda (27/03/2023).

Lee Mós: Governu Nomeia Henrique da Costa ho Pedro Belo Lidera PNTL

Henrique da Costa dehan, loron 27 fulan-marsu 2023 marka tán momentu istóriku ida bá PNTL selebra Aniversáriu PNTL bá dala-23 no serimónia posse bá komandante Jerál no Segundu komandante Jerál foun bá períudu 2023 to’o 2026.

Advertisement

“Ami-nia agradesimentu bá governu ne’ebé mak lidera hosi Primeiru Ministru no Ministru Interiór, Jenerál Reformadu Taur Matan Ruak bá konfiansa ne’ebé depozita mai ha’u no ha’u nia segundu komandante jerál, bá tinan-tolu oin mai,” Henrique da Costa, hateten iha diskursu.

Ohin, tinan 23 ona PNTL eziste no hala’o funsaun autonomia durante tinan 11 nia laran hafoin entrega podér hosi Missaun Nasoens Unidas nian bá Timor-Leste iha 2012.

Nune’e, atu kompara instituisaun PNTL ho idade umanu nian, PNTL tama ona bá idade adultu. Hanesan ida ne’ebé adultu, ida ne’e nu’udár idade formativa ida bá PNTL ne’ebé atu bele define ninia karateristika no hamriik firme iha komunidade Timor-Leste nian.

“Ami aprende hosi ami-nia istória dezenvolvimentu no dezafiu sira iha passadu ne’ebé apár bá ami-nia ajenda estratéjiku atu kontinua dezenvolve PNTL sai maduru. Durante mandatu tinan-tolu ami foti prioridade lima,” Komandante Henrique sita.

Prioridade lima ne’e mak hanesan, (1) mellora jestaun institusionál, (2) Haforsa lei no armoniza lejislasaun sira, (3) Hametin kooperasaun institusionál ninian, (4) Sei ezije atividade sira ne’ebé atu mellora atendimentu bá iha públiku no (5) sei hametin páz no estabilidade seguransa interna nian.

Advertisement

Prióridade primeiru, ne’ebé atu halo melloramentu bá jestaun institusionál ne’e, Komandante jerál foun nain-rua ne’e sei hala’o hosi atividade sira mak hanesan halo ajustamentu bá estrutura PNTL tuir lei orgánika PNTL no estatutu pessoál.

Aselera prosesu pre-aproximasaun no pasajen bá aprezentasaun bá sira ne’ebé prienxe ona rekezitu tuir estatutu PNTL. Implementa sistema promosaun, hodi promove akuidade no diversidade, tuir deviza hothotu no promove ofisial sira ne’ebé mak iha ona kapasidade barak.

Komandante Jerál foun Polísia Nasionál Timor Leste (PNTL), Komissáriu Polísia Henrique da Costa ho Segundu Komandante Pedro Belo simu pose ba mandatu tinan tolu, iha Kuartél Unidade Espesiál Polísia (UEP), Bairru-Pité, Díli, Segunda (27/03/2023). Foto/Elio dos Santos da Costa.

Implementa sistema rekrutamentu, tuir lei ne’ebé hala’o iha PNTL, hosi seksaun hothotu bele atrai sosiedade sira. Dezenvolve kapasidades rekursus umanus, hodi apoiu bá profesionalizmu iha instituisaun PNTL.

Promove partisipasaun feto iha paz, seguransa, no toma desizaun iha PNTL. Estabelese institute superior siénsia polisia, no polisia akademia. Estabelese asosiasaun polisia, ne’ebé bele fó advokasia bá membru PNTL hotu.

Buka atu moderniza infra-estrutura, sistema no rekursu iha PNTL nian, atu asegura infra-estrutura apropriadu bá ami-nia ofisiais hotu, no komunidade sira ne’ebé ami serví.

Asegura katak, ami-nia ofisial sira iha rekursu nesesidade no ekipamentu seguransa nian, hodi dezempeña sira-nia papél, no liuhosi mellora ami nia kapasidade iha komunikasaun, no informasaun teknolójhia, no oinsá, ida ne’e, atu sai di’ak liután, hodi apoiua programa dijitalizasaun eletrónika governu nian. Hametin kontrola kontrola PNTL ninian.

Advertisement

Iha prióridade daruak, kona-bá atu haforsa lei no armoniza lejislasaun sira, liuhosi kontinua revee no promulga, hodi reforma lejislasaun ne’ebé fleksível, hodi responde bá tipu krime sira ne’ebé iha, hodi fó kbi’it bá ami-nia ofisial sira, atu responde no kombate krime foun sira kompleksidades, no liuhosi revizaun no remodela bá enkuadramentu legál ne’ebé elabora bá PNTL.

Prióridade datoluk, kona-bá atu halo hodi hametin kooperasaun institusionál ninian, sei liuhosi, kontinua estabelese no hametin kooperasaun bilateral, no multilateral, inklui oarseiru dezenvolvimentu sira.

La’ós ne’e de’it, maibé mós atu hametin kooperasaun iha ra-laran, no instituisaun sira ne’ebé relevante governu ninian, no Hametin kooperasaun ho instituisaun iha rai-liur, no sosiedade sívil sira.

Iha prióridade dahaat ninian, Komisáriu Henrique sei ezíje atividade sira ne’ebé atu mellora atendimentu bá iha públiku. Katak, PNTL sei hasa’e vizibilidade iha públiku, liuhosi patrullamentu la’o ain, motor, karreta, no roo.

Sei hasa’e polisia nia prezensa iha fatin públiku, no pro-ativu iha área tarjetu sira ne’ebé sai risku aas, durante iha loron no kalan.

Advertisement

“Ami hasa’e envolvimentu liuhosi atividade lidera komunitária nian, envolve komunidade sira iha atividade polisia ninian. Ami sei hasa’e ami-nia asesu no proximidade bá komunidade sira sira, hodi buka solusaun bá problema sira,” Komisáriu Henrique da Costa promete tán.

Alende ne’e, durante mandatu bá tinan-tolu ne’e, Komandante jerál PNTL no segundu komandante, sei hametin sira-nia prinsípiu no tane-aas tuir sira-nia valór sira. Sei uza de’it linguajen ne’ebé apropriadu, no respeita bá sidadaun sira iha kualker atendimentu públiku nian.

Iha prióridade dalimak, Komisáriu Polisia Henrique da Costa ho Komisáriu Polisia Pedro Belo, sei hametin páz no estabilidade seguransa interna nian, liuhosi halo manutensaun ordém públika ho professional.

Habelar edukasaun sívika hodi hamenus infrasaun no asidente tranzitu sira, kontinua hametin sistema prevensaun no rezolusaun konflitu komunitáriu nian, hametin pas no Liberdade sidadaun sira-nian, inklui sira-nia riku-soin, hametin seguransa rai-ketan no tasi, garante seguransa eleisaun parlamentár, no eleisaun suku ninian, no garante seguransa bá altas entidade sira iha rai-laran, nomós hosi rai-liur.

“Ami hatene katak, prioridade sira iha leten, todan no presiza apoiu maka’as. Maibé, ami fiar katak, servisu iha ekipa, no parte hotu iha governu, ho komunidade, sosiedade sívil, no parseiru sira hotu, ita sei ultra-prasa obstakulu sira ho di’ak no kontinua alkansa ami-nia objetivu, hodi hametin lei no ordém, no proteje direitu no liberdade iha ami-nia nasaun furak ida ne’e,” komandante Henrique rekoñese.

Advertisement

Enkuantu, iha segunda, 27 marsu 2023 ohin ofisialmente Superintendente Xefe Polisia Henrique da Costa, simu ona posse nu’udár Komandante jerál PNTL, no promovidu bá fitun-tolu ka deviza Komisáriu Polisia, no Superintendente Xefe Polisia Pedro Belo, okupa pozisaun hanesan Segundu komandante jerál PNTL, ne’ebé promovidu bá fitun-ida ka deviza Komisáriu Polisia.

Komandante no segundu komandante jerál PNTL empossadu, Komisáriu Polisia Henrique da Costa ho Pedro Belo, troka ho komandante no segundu komandante jerál sesante, Komisáriu Polisia Faustino da Costa no Komisáriu Polisia Mateus Fernandes.

Seremónia substituisaun bá lideransa másimu sira iha PNTL ne’e, akontese tanba, iha Iha kuarta (15/03/2023) foin lalais ne’e, Governu liuhosi Konsellu Ministru (KM), aprova projetu Rezolusaun Governu, aprezenta hosi Ministru Interiór (MI) kona-bá nomeasaun ba Superintendente-Xefe Henrique da Costa atu ezerse kargu Komandante-Jerál Polísia Nasionál Timor-Leste (PNTL), ba períodu tinan tolu, tanba ne’e, pomove ba Komisáriu-Jerál.

Alende ne’e, Konsellu Ministru aprova mós projetu Rezolusaun Governu, ne’ebé mós aprezenta hosi Ministru Interiór, hodi nomeia Superintendente-Xefe Pedro Belo atu ezerse kargu nu’udár Segundu Komandante-Jerál PNTL, ba períodu tinan tolu, ho nune’e promove bá Komisáriu.

Jornalista: Rogério Pereira Cárceres

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Defeza & Seguransa

Vizita Papa Francisco, Seguransa Preparadu no Garantidu

Published

on

Hatutan.com, (16 Abríl 2024), DíliIX Governu Konstitusionál garante sei fó seguransa másimu durante loron tolu vizita Papa Francisco iha Timor-Leste (TL).

(more…)

Kontinua Le'e

Defeza & Seguransa

Governu Tenke Konsidera Kompeténsia Xefe Estadu iha Kooperasaun Internasionál Kuadru Defeza

Published

on

Hatutan.com, (16 Abríl 2024), DíliPrezidente Repúblika (PR), José Ramos-Horta husu Governu tenke tau konsiderasaun bá buat balun kona-bá kompeténsia Xefe Estadu nian iha kooperasaun internasionál kuadru defeza.

(more…)

Kontinua Le'e

Defeza & Seguransa

Membru UPM Na’in-50 Deklara Husik GAM-GAR

Published

on

Hatutan.com, (15 Abríl 2024), Díli—Polísia Nasionál Timor-Leste (PNTL) liu hosi Unidade Polisia Marítima (UPM) nia membru hamutuk na’in-50, deklara sai hosi orgazanizsaun Grupu Arte Marsiál (GAM) ho Grupu Arte Rituál (GAR), no jura bá bandeira lulik RDTL atu serví de’it povu no rai doben Timor-Leste.

(more…)

Kontinua Le'e
Advertisement

Trending