Connect with us
Pakote Ahi

Defeza & Seguransa

PNTL Tenke Mantein Imparsialidade

Published

on

Hatutan.com, (27 Marsu 2023), Díli- Prezidente Repúblika (PR), José Ramos-Horta hateten institutusaun Polísia Nasionál Timor-Leste (PNTL) tenke garante segurasa ho diak no mantein imparsialidade hodi garante partisipasaun sidadaun sira nian iha dezenvolvimentu nasionál.

Lee Mós : Membru PNTL iha Eskuadra Sira Mínimu Tebes

Prezidente Repúblika José Ramos-Horta hatoo mensajen ne’e iha komemorasaun loron aniversáriu PNTL bá dala-XXIII no serimónia tomada de posse ba Komandante Jerál PNTL no nia Adjuntu iha kuartél Unidade Espesiál Polísia (UEP), Bairru-Pité, Segunda (27/03/2023).

Advertisement


Komandante Jerál PNTL, Komisáriu Hendrique da Costa fó kontinénsia bá PR José Ramos-Horta. Foto/Elio dos Santos da Costa

Iha diskursu Prezidente Repúblika, José Ramos-Horta ho ondra boot partisipa serimónia aniversáriu PNTL nian ne’e bá dala-XXIII (2002-2023) maibé tenke halo mós reflesaun bá vida instituisaun nian, liuliu estudu ba planu estratéjiku sira PNTL nian.

“Ita haree progressu ne’ebé ita iha, ita hametin liután, maibé ita buka mós identifika dezafiu, hadia buat ne’ebé halo sala, halo inovasaun, maibé realista buat ne’ebé promete barak, sukat didi’ak Timor-Leste nia produtu interna nia kapasidade finanseira espesifikamente buat ne’ebé ita mehi sustentavel ka la’e, labele halo promesa oi-oin ne’ebé la refleta ita-nia realidade ekonómika,” Prezidente Repúblika José Ramos-Horta hateten.

Hotu-hotu iha razaun espesiál ida atu orgullu iha dalan ne’ebé PNTL la’o durante tinan XXIII nia laran, iha dezenvolvimentu operasionál, instituisionál nia kontribuisaun di’ak bá defeza legalidade demokrátika internasionál, garantia seguransa bá ema nia propriedade defeza bá direitu sidadaun sira hotu-hotu. Maibé públiku hatene dalan ida ne’e la’ós dalan loos de’it iha tetuk de’it, hotu-hotu testemuña iha tinan sira nia laran iha soke grave iha tinan lubuk sira nia laran.

Nota pozitivu ne’ebé Prezidente Repúblika rejista mak kriasaun departamentu ho formasaun ne’ebé tuir estratéjiku polítika kualifikasaun rekursus umanus iha PNTL. Ho todan bá sentru formasaun polísia bá unidade espesiál sira misaun atu asegura iha implementasaun ho koordenasaun metin.

“Ha’u fó parabéns rekoñesimentu bá medida prioritária ida ne’ebé foin daudaun halo atu kanaliza investimentu liu tan formasaun espesializada ba membru sira ne’ebé iha forsa polísia. Parabens mós ba lei orgánika ne’ebé foin daudauk adopta tuir estratéjia ida atu halo promosaun ba igualidade jéneru naun diskriminasaun iha PNTL nia laran ne’e signifika mós iha pozisaun Komandu. Labele buat sira ne’e ita halo hanesan dame ruma halo simbóliku de’it, ita tenke halo investimentu boot liu la’ós de’it iha PNTL, ka iha F-FDTL, maibé iha institutusaun hotu-hotu estadu nian tenke iha investimentu ba promosaun igualdade jéneru,” Ramos-Horta subliña.

PR Ramos-Horta fó pose bá Komandante Jerál PNTL, Komisáriu Hendrique da Costa. Foto/Elio dos Santos da Costa

Bá ofisiál sira hotu-hotu bá ajente sira PNTL, Prezidente Repúblika hakarak fó sai  nia rekoñesimentu bá esforsu, sakrifisiu ne’ebé PNTL halo kumprimentus iha PNTL sira-nia misaun.

Maske iha difikuldade, dezafiu oioin, tuir Prezidente Repúblika, PNTL buka sempre halo nia misaun ho integridade ho entrega an totál.

Advertisement

“Ohin ita fó posse testemuña bá Komandante Jerál Henrique da Costa no Segundu Komandante Jerál Pedro Belo. Ba Komandante Jerál no Segundu Komandante Jerál ha’u aprejenta ha’u nia votus ho fuan no laran atu imi bele imi nia kna’ar ne’e, kna’ar ne’ebé todan Estadu entrega bá imi ho prinsípiu valor sira hanesan disiplina, ondra no devér,” Ramos-Horta tenik.

“Loron-loron iha imi nia kakutak, iha imi nia fuan, imi nia kurikulum, profesionál akadémiku, profesionál imi nia istória servisu públiku hanesan promoesa garantia, matenek kaer institutusaun PNTL ida ne’e ho valor as tebetebes ho apartidarizmu polítiku. Imi kontinua halo esforsu mai husi antesesor sira hotu-hotu iha kotuk iha luta kontra inflitrasaun krime organizadu iha rai laran ida ne’e.”

Xefe Estadu hatutan iha tempu badak  hakarak halo diálogu ho Komandante PNTL foun no Bá Komandante Jerál sesante Faustino da Costa, Mateus Fernandes agradesimentu bá imi nia servisu ba nasaun.

“Imi servisu todan durante krize boot ne’ebé rai Timor Leste infrenta liu-liu ho krize polítika ne’ebé mai ho inundasaun, Covid-19 ha’u akompaña imi nia servisu, no ba forsa sira hakuak boot obrigadu susesu,” Ramos-Horta hateten.

Jornalista: Vito Salvadór

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Defeza & Seguransa

Tinan 24 Ezisténsia PNTL, Entre Difikuldade ho Profisionalízmu

Published

on

Hatutan.com, (27 Marsu 2024), Díli—Instituisaun Polisia Nasionál Timor-Leste (PNTL) selebra aniversáriu ezisténsia bá dala-42 (27 Marsu 2000 to’o 2024).

(more…)

Kontinua Le'e

Defeza & Seguransa

Prezidente Repúblika Husu PNTL Serví Povu ho Respeitu bá Direitu Umanu

Published

on

Hatutan.com, (27 Marsu 2024), Díli—Prezidente Repúblika (PR), José Ramos-Horta husu atu Polísia Nasionál Timor-Leste (PNTL) tenke servi povu ho respeitu bá direitu umanu.

(more…)

Kontinua Le'e

Defeza & Seguransa

Konfrontu Aimutin, Na’in-Tolu Kanek no PNTL Kaer Ona Na’in-Neen

Published

on

Hatutan.com, (22 Marsu 2024), Díli—Konfrontu área ai-mutin ne’ebé akontese iha Kinta (21/03) tuku 21:30 kalan, rezulta ema na’in-tolu kanek, sunu motór fixon ida no PNTL kaer ona ema na’in-neen.

(more…)

Kontinua Le'e
Advertisement

Trending