Connect with us
Pakote Ahi

Polítika

FRETILIN-PLP-KHUNTO Asina Nota Entendimentu Plataforma Pré-eleitoral

Published

on

Hatutan.com, (15 Abríl 2023), Díli- Partidu Frente Revolucionário Timor-Leste Independente (FRETILIN), Partidu Libertasaun Populár (PLP) ho Partidu Kmanek Haburas Unidade Timoroan (KHUNTO), Sabadu (15/4/2023), ofisiálmente asina no deklara plataforma entendimentu pré-eleitoral.

Lee Mós : Survey M-SRI: Maioria Respondente Hili CNRT no Hakarak Xanana Primeiru-Ministru

Plataforma  entendimentu ne’ebé partidu FRETILIN, PLP no KHUNTO halo ho objetivu atu partidu tolu kontinua viabiliza malu iha eleisaun parlamentár 2023 hafoin hetan votu ka kadeira hodi hamutuk ba forma IX Governu Konstitusionál.

Advertisement

Plataforma pré-eleitoral FRETILIN-PLP-KHUNTO. Foto/Elio dos Santos da Costa

Sekretáriu Jerál Partidu FRETILIN no koordenadór plataforma entendimentu, Marí Bin Amude Alkatiri hateten iha konviksaun bo’ot atu plataforma ida-ne’e kontinua boot bá beibeik, sei metin liu tan, buras no sei habelar bá beibeik. 

Alkatiri dehan, objetivu la’ós deit atu konsolida plataforma ida-ne’e, maibé atu haburas plataforma ida-ne’e. Tamba ne’e mak partidu tolu tenke servisu maka’as para bele haburas plataforma entendimentu ida-ne’e.

“Opsaun mak ida-idak bá halo nia kampaña, tamba ida-idak iha nia eleitoradu rasik, no ida-diak iha kapasidade rasik atu manan tan votantes, tamba bainhira bá hamutuk susar atu manan tan tamba ne’e halo opsaun ida-idak bá mesak mas ida-idak sei la lao mesak, ho ita nia klamar sei tama iha ida-idak seluk para ita sempre lao hamutuk,” Marí Bin Amude Alkatiri iha nia deklarasaun ofisiál ba assinatura plataforma entendimentu ne’ebé hala’o iha salaun Tower, Fatuhada, Díli.

Alkatiri subliña buat importante iha plataforma entendimentu mak ‘Afirmar o Estadu’ ho instrusaun másima nasaun nian ne’e importante tebes no Governu tenke halo mós esforsu para afirma estadu ne’e ho nia própria vida institusionál no kultura internasionál tamba bainhira ema ida sente katak nia iha estadu nia leten estadu sei laba oin.

Estadu ida ema hotu tenke afirma no hametin   ninia vida ho nia kultura rasik para ema bele mehi ba harii nasaun, no bainhira laiha mehi atu harii nasaun signifika povu sempre iha marjinalizadu. Nasaun ne’e mak halibur povu tomak, estadu ne’e mak sai fonte.

“Há’u nia konviksaun ne’e boot tebes, ita hahú manan tiha ona no ita kontinua atu manan boot liu,” Alkatiri afirma.

Advertisement

Prezidente PLP Taur Matan Ruak hateten, partidu polítiku tolu FRETILIN, PLP no KHUNTO loke kapítulu foun ida bá nasaun, rai no povu Timor-Leste.

PLP-FRETILIN-KHUNTO ofisializa preataforma pré-eleitoral, 15 Abríl 2023. Foto/Elio dos Santos da Costa

Nia afirma  dezde plataforma entendimentu iha hahú husi 2020 mai oin ne’e plataforma konsentra iha buat haat importante mak hanesan jere impaktu krize atu labele fó terus bá povu, luta bá kreximentu no rekuperasaun ekonómiku, reforma sira fundamentalmente reforma finanseira para hasae transferénsia responsabilizasaun no ikus liu mak hakat bá integrasaun ekonomia Timor-Leste nian bá iha rejionál no internasionál.

Iha tempu badkt Timor-Leste sei partisipa iha konferénsia nivel altu ASEAN nian no adezaun Timor-Leste nian bá organizasaun mundiál Komérsiu no ida-ne’e fó pasu atu PLP, FRETILIN ho KHUNTO kontinua hamutuk hodi la’o bá oin ho vizaun ida bá Timor-Leste.

“Ita hamutuk forti liu, di’ak liu tamba keta-ketak ne’e la seguru, tanba ne’e ha’u hanoin ita-nia momentu ida ne’e istóriku bá nasaun la’ós bá partidu tolu ne’e. Instabilidade polítika no governativa ne’e hanesan kauza ida iha prosesu bá país ne’e tamba ne’e tenke iha solusaun ida mak hamutuk iha plataforma entendimentu ida-ne’e,” Taur Matan Ruak hateten.

Taur Matan Ruak hatutan, iha dokumentu plataforma entendimentu ne’ebé partidu tolu asina iha liña orientasaun klaru ne’ebé sai hanesan giaun ida atu partidu polítiku sira ne’ebé iha plataforma entendimentu la’o tuir maka tenke iha dezenvolvimentu territoriál integradu, inkluzivu no sustentavel. Situasaun jerál 2020 bá kotuk zona rurais sira abandonadu no intensaun ba deit sidade sira, no iha VIII governu nia mandatu foin mak kanaliza rekursu barak liu ba area rurál sira.

Iha pontu importante seluk mak planeamentu sentralizadu no nia implementasaun sentraliza katak membru governu ka ministru ida la define planu bá nia an no konsellu Ministru mak define no mambru governu mak implementa politika governu sentral nian para depois iha sentralizasaun.

Advertisement

Iha plataforma entendimentu ne’e define mos kona-bá planeamentu orsamentu ne’ebé efikás bá nesesidade ne’ebé kada tinan aumenta no plataforma iha prinsípiu ida mak gasta ho karreta, aumenta produsaun no distribui ho di’ak.

Prezidente PLP ne’e mos husu atu iha koordenasaun di’ak entre partidu FRETILIN, PLP no KHUNTO durante kampaña eleisaun parlamentár iha nivel estrutura partidu tolu nian husi nasionál too baze.

Konselleiru másimu partidu KHUNTO, José dos Santos Nai Mori Bucar hateten, partidu tolu FRETILIN, PLP no KHUNTO kontinua amizade ne’ebé iha hodi haree bá futuru ne’ebé sei mai hafoin  eleisaun parlamentár iha loron 21 fulan-Maiu 2023.

Partidu FRETILIN, PLP no KHUNTO sei sai belun di’ak hodi kontinua programa VIII Governu Konstitusionál nian, no povu hatene katak plataforma entendimentu iha programa ida di’ak tebes hodi serve povu Timor-Leste no tau matan bá povu nia moris.

“Partidu tolu ne’e ukun tiha ona, fiar metin katak partidu tolu ne’e sei kontinua nafatin iha IX Governu ne’ebé sei mai. Tamba ne’e partidu tolu ita tenke fiar malu nafatin, respeita malu nafatin, tenke kria amizade nafatin no ita hotu-hotu tenke asegura malu iha eleisaun ida agora,” José dos Santos Nai Mori Bucar hateten.

Advertisement

Iha Kuarta (19/04/2023) hahú ona kampaña eleisaun parlamentár, no KHUNTO sei hahú kampaña husi munisípiu Ainaro no husu atu partidu FRETILIN no PLP tenke asegura nune’e mós bá partidu FRETILIN PLP no KHUNTO tenke asegura, mesmu ida-idak nia programa polítika, maibé tenke iha koordenasaun bá malu no iha komunikasaun di’ak atu bele iha susesu ba plataforma iha eleisaun.

“Ita nia plataforma ne’e unidus nafatin, liña koordenasaun importante liu atu hato’o bá malu, asegura malu iha kampaña, ita-nia haraik an mak importante liu, labele arrogánsia liu, la’o neineik tanba vitória iha ita nia liman ona,” Naimori hateten.

Jornalista: Vito Salvadór

 

 

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

Bankada CNRT Dezmente Komisáriu CAC Rui Perreira Kuadru Partidu CNRT

Published

on

Hatutan.com, (25 Juñu 2024), Díli-Bankada Parlamentár CNRT liuhusi Deputada  Cedeliza Faria dos Santos, dezmente deklarasaun polítika Bankada FRETILIN ne’ebé hateten Kandidatu Komisáriu Koimsaun Anti-Korrupsaun  (CAC-siglá portugés), Rui Perreira hanesan kuadru partidu CNRT nian.

(more…)

Kontinua Le'e

Polítika

Eleisaun Komisáriu CAC, Rui Pereira Pasa ho Votu Afavór 41, PLP Kontra no FRETILIN Walk Out

Published

on

Hatutan.com, (24 Juñu 2024), Díli– Parlamentu Nasionál, Segunda (24/06/2024), konsegé realiza eleisaun bá kandidatu komisáriu Komisaun Anti-Korrupsaun (CAC, sigla portugés) periodu 2024-2028 ho aprezenta kandidatu úniku  Rui Pereira.

(more…)

Kontinua Le'e

Polítika

Bankada FRETILIN Enkoraja Entidade Hotu Kontīnua Kritika Governu Hadi’a Problema iha Setór Saúde

Published

on

Hatutan.com, (24 Juñu 2024), Díli-Bankada Parlamentár FRETILIN, Segunda (24/06/2024), kontínua hato’o sira-nia preokupasaun iha setór saúde liuhosi sira-nia deklarasaun polítika.

(more…)

Kontinua Le'e
Advertisement

Trending