Connect with us
Pakote Ahi

Defeza & Seguransa

Avaliasaun Seguransa, Falur Gaba Maturidade Povu no PNTL Aumenta Membru Iha Viqueque

Published

on

Hatutan.com, (02 Maiu 2023), Díli—Xefe Estadu Maiór FALINTIL Forsa Defeza Timor Leste (F-FDTL), Tenente Jenerál Domingos Raúl “Falur Rate Laek” hamutuk ho komandante Jerál Polísia Nasionál Timor Leste (PNTL), Komisáriu Jerál Polísia Henrique da Costa  no mós Segundu Komandante Pedro Belo, hala’o avaliasalun bá situasaun jerál seguransa iha territóriu tomak durante kampaña partidu polítiku.

Xefe Estadu Maiór FALINTIL Forsa Defeza Timor Leste (F-FDTL), Tenente Jenerál Domingos Raúl “Falur Rate Laek” hamutuk ho komandante Jerál Polísia Nasionál Timor Leste (PNTL), Komisáriu Jerál Polísia Henrique da Costa no mós Segundu Komandante Pedro Belo, hala’o avaliasalun bá situasaun jerál seguransa iha territóriu tomak durante kampaña partidu polítiku, iha Kuartél Jenerál Fatuhada-Dili, Tersa (02/05/2023). Foto/PNTL.

“Assuntu konkretu ne’ebé haree hamtuk maka, halo análiza ida kona-bá situasaun inísiu kampaña, dezde hahú 19 abríl to’o agora, iha konkluzaun jerál katak, situasaun kalma. Relativamente ho situasaun anteriór sira ne’ebé uluk ita halo ne’e, agora ne’e, ita haree kalma liu,” Tenente Jenerál Falur Rate Laek hateten, hafoin sorumutu iha kna’ar fatin Kuartél Jenerál Fatuhada-Dili, Tersa (02/05/2023).

Lee Mós: Militante Parpol Tuda-Malu Iha Uatulari, Ema Na’in-16 Kanek no Uma Hitu Rahun

Apezar de insidente ki’ik-oan sira iha Loihuno  ho Uatulari-Vila, Viqueque, Falur dehan, ema kanek ne’e krime, tanba ne’e autór atu halai to’o iha ne’ebé mós autoridade seguransa sei kaer iha loron ida no Lei mak sei julga.

Advertisement

Maski nune’e Falur louva populasaun sira iha área ne’ebá tanba ohin loron, juventude sira hahú hatudu sira-ninia matenek, sira-nia mentalidade modernu, hotu-hotu matenek ona, parte hosi Naueti ho Makasa’e sira komesa iha ona hanoin ne’ebé diak tebes.

“Sira mós sente katak sira iha responsábilidade ida atu fó valór no omenájen bá erói, mártire sira ne’ebé uluk mate. Sira ne’ebé nia rate laiha, sira-nia maka independénsia nasionál,” Komandante Falur hateten.

Missaun F-FDTL ho PNTL define ona iha Lei katak, Forsa Armadas halo defeza esterna, iha mós Lei ne’ebé hatete kona-bá bainhira iha situasaun esepsionál, F-FDTL fó apoiu nafatin bá PNTL iha kazu eleisoens sira ne’e.

Lei mós define kona-bá misaun komplementár atu F-FDTL halo seguransa hamutuk ho instituisaun seguransa ninian hanesan PNTL. Iha mós diretiva Governu nian bá forsa rua liu-liu diretiva polítika.

“Ami komandu rua, iha ha’u nia kazu, ha’u halo ona diretiva ho komandu bazeia bá diretiva polítika ne’ebé hosi Ministériu Interiór ho Ministériu Defeza ninian halo assinatura hamutuk. Ha’u halo ha’u nia diretiva bá ha’u nia Estadu maior no ha’u nia Estadu maior elabora órden operasaun depois destaka servisu ho misaun, apoiu seguransa bá iha eleisoens sira ne’e. Ami la’o di’ak hela,” Falur esplika.

Advertisement

Komandante Falur fó ninia observasaun katak, Timor-Leste ninia estabilidade foin mak tinan rua de’it, maibé ikus ne’e nia haree dezenvolvimentu la’o oitoan, ema hakmatek, maibé mós iha responsábilidade boot no todan bá instituisaun rua ne’e, nune’e sei servisu hamutuk nafatin.

Aumenta Rekursu Iha Viqueque

Iha biban ne’e, Komandante jerál PNTL, Komisáriu Jerál Polísia, Henrique da Costa dehan, haree bá situasaun krime hirak ne’ebé akontese ona iha Viqueque, komandu PNTL prepara ona planu atu halo diálogu komunitáriu ida ne’ebé sei hala’o iha iha Tersa (09/04/2023), sei konvida líder komunitáriu sira, juventude, líder partidu polítiku sira iha área ne’ebá.

Liuhosi diálogu komunitáriu ne’e, PNTL hakarak atu ko’alia ho populasaun nune’e hamutuk ho forsa rua ne’e hodi garante pás no estabilidade no asegura kampaña nomós eleisaun.

“Ita haree pasadu dala-ruma mosu insidente balun, entaun ita uza mós ida ne’e hanesan mós referénsia ida atu bele prevene antes. Ita mós haree kona-bá bele aumenta tán rekurusu iha área ne’ebá atu prevene nomós servisu hamutuk ho komunidade nune’e fó seguransa ne’ebé di’ak liután iha tempu kampaña no eleisaun nian,” Komandante Henrique informa.

Advertisement

Maski la fó sai númeru hira mak komandu PNTL atu koloka tán rekursu ka membru bá área ne’ebá maibé objetivu atu antesipa duni tanba antes ne’e akontese militante partidu polítiku tuda-malu no rezulta vítima balun.

Jornalista: Rogério Pereira Cárceres

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Defeza & Seguransa

Polísia Kaptura Suspeitu Ida Envolve Kazu Taa Luis Vicente iha Kampu Baru

Published

on

Hatutan.com, (23 Fevereiru 2024), Díli-Polísia Nasionál Timor-Leste (PNTL) halo ona kapturasaun no detensaun bá suspeitu ida ho inisiál JF hosi na’in-rua  ne’ebé kondús motór taa vítima Luis Vicente Tou iha estra Eskola 05 de Maio, Kampu Baru, Comoro, Díli.

(more…)

Kontinua Le'e

Defeza & Seguransa

Deskonfia Fa’an Ilegál Ai-moruk Item Neen iha Farmásia Moris-Foun, Polísia Detein Suspeitu Na’in-tolu

Published

on

Hatutan.com, (22 Fevereiru 2024), Díli—Ekipa konjunta kompostu Polisia Nasionál Timor-Leste (PNTL), Departamentu Investigasaun Kriminál (DIK) Nasionál ho Ministériu Saúde (MS), Diresaun Nasionál bá Farmásia no Medikamentus (DNFM), liuhosi atividade buska no inspesaun, konsege identifika ai-moruk hamutuk item neen (6) mak deskonfia fa’an ilegálmente iha farmásia Moris-Foun, Colmera, Díli.

(more…)

Kontinua Le'e

Defeza & Seguransa

UPF Halo Apreensaun bá Na’an Maran Ilegál, Mákina Ró ho Ró Ne’ebé Transporta Objetu Krime

Published

on

Hatutan.com, (20 Fevereiru 2024), Díli—Unidade Patrullamentu Fronteira (UPF), Domingu  (18/02/2024), hale’u tuku 20:00-liu Otl, iha Batugade, Bobonaro, halo apreensaun bá sasán ilegál sira, hanesan na’an maran ho kuantidade barak, mákina ró  nia velosidade 15 pk no ró ida ne’ebé transporta sasán ilísitu sira .

(more…)

Kontinua Le'e
Advertisement

Trending