Connect with us
Pakote Ahi

Justisa & Krime

Kazu Oho Bernadino Ximenes Brites iha Luru-Mata, Arguidu Na’in-4 Kumpre Prizaun Preventiva

Published

on

Hatutan.com, (15 Maiu 2023), Díli-Tribunál Judisiál Primeira Instánsia Díli (TJPID) aplika medida koasaun  prizaun preventiva bá arguidu na’in-haat (4) ne’ebé deskonfia envolve iha kazu krime omosídiu iha Aldeia 03 (Luru-Mata), Suku Fatuhada, Postu Administrativu Dom Aleixo Munisípiu Díli.

Lee Mós : Kazu Oho Bernadino Ximenes Iha Luru-Mata, PNTL Submete Ona bá Ministériu Públiku

Arguidu sira ne’ebé desnkunfia envolve iha kazu omesídiu Luru-Mata partisipa iha primeira interegatóriu iha Tribunál Judisiál Primeira Instánsia Díli (TJPID), Segunda (15/05/2023). Foto/Rogério Pereira Cárceres

Kazu omisídiu ne’e rezulta vítima Bernadino Ximenes Brites mate iha Segunda, 15 fulan-Maiu 2023, no autoridade Polísia detein kedas suspeitu na’in-11 ho inisiál LA, CJA, TA, FA, ARA, AA, GSS, HG, MSC, JS, DM.

Hafoin kumpre tiha detensaun durante oras 72 nia laran iha sela Polísia, autoridade sira submete hikas suspeitu sira-ne’e bá primeiru interrogatóriu iha  Tribunál Judisiál Primeira Instánsia Díli (TJPID). Nune’e, liuhosi desizaun  Juiza Ana Paula aplika prizaun preventiva bá arguido na’in-4 ho inisiál LA, FA, VDF ho DM.

Advertisement

Arguidu na’in-5 seluk ho inisiál  TA, ARA, CJA, AL, no JS aplika medida koasaun aprezentasaun periódika, tanba iha indísiu forte, prátika kríme arma Banka. Agora, bá arguidu na’in-2, hanesan HG, MSC, laiha indísiu forte sira prátika kríme ruma, ne’ebé juiza aplika de’it Termu Identidade Rrezidénsia (TIR).

Defensória Públika liuhosi Defensór Sérgio Dias Quintas hateten, iha prosesu primeiru interrogatóriu judisial ne’e, Ministériu Públiku (MP), liuhosi Prokuradór Osório de Deus, promóve kríme tolu bá arguidu na’in-11, ida mak kríme Arma Branka, Omesídiu Simplés, no Kríme Ofensas Korporais Gráve.

Iha prosesu interrogatóriu judisial ne’e, la’o besik oras-tolu liu, inísia iha tuku 19:30 to’o 21:45, kalan Otl, tanba Juiza Ana Paula, bolu arguidu sira tama ida-ida bá sala julgamentu hodi fó sira-ninia deklarasaun ligadu ho kazu  omesídiu ne’e.

Juiza Ana Paula da Silva haree katak, iha indísiu forte bá arguidu na’in-haat (4) prátika kríme omesídiu simplés. Arguidu na’in-lima (5) iha indísiu forte bá prátika Kríme Arma Branka no arguidu na’in-rua (2) seluk laiha indísiu forte sira prátika kríme.

“Entaun, arguidu na’in-4, ho inisiál LA, FA, VDF, DM, Juíza aplika medida koasaun Prizaun Preventiva, tanba iha indísiu forte, sira prátika kríme omesídiu simplés no kríme Arma Brnaka, no kríme Ofensas Korporais Gráve,” Defensór Sergio Dias Quintas informa bá jornalista sira, hafoin rona desizaun iha Tribunál, Segunda (15/05/2023).

Advertisement

Sergio Quintas hatutan, “bá arguidu na’in-5, TA, ARA, CJA, AL, no JS, Juiza aplika medida koasaun aprezentasaun periódika, tanba iha indísiu forte prátika kríme Arma Banka. Agora, bá arguidu na’in-2, hanesan HG, MSC, laiha indísiu forte sira prátika kríme ruma, ne’ebé Juiz aplika de’it TIR. Ida ne’e maka despaixu Juiz nian ohin kalan ne’e,” Defensór Quintas tenik.

“Ha’u hanoin, parte defeza haree katak, medida koasaun ne’ebé maka Juiz aplika ne’e, medida koasaun ida ne’ebé adekuada no proporsionál, tanba medida koasaun ne’e, la’ós desizaun,” Quintas hateten.

Sergio Quintas esplika, medida koasaun ne’e, hanesan aktu prosesual ida para atu asegura arguidu nia prezensa iha aktu prosesual depois mak haree kona-bá akuzasaun Ministériu Públiku nian.

Ho desizaun ne’e, iha kalan ne’e kedan, Komandu PNTL Munisípiu Díli, liuhosi ekipa investigasaun, konjunta ho ekipa sira Servisu Sekreta nian, hanesan Makikit, Araña, SNI, N2, S2 ho J2, transporta kedan arguidu na’in-haat bá kumpri sentensa iha prizaun Becora.

Prosesu primeiru interrgatóriu judisial ne’e prezide hosi Juiza Ana Paula da Silva, Minisériu Públiku (MP) reprezenta hosi Prokuradór Osório de Deus, no arguidu sira hetan asiténsia legál hosi Defensór Sergio Dias Quintas.

Advertisement

Jornalista: Rogério Pereira Cárceres

Justisa & Krime

Kazu Taa iha Bebora, Tribunál Aplika Aprezentasaun Periódika Bá Arguido Na’in-rua

Published

on

Hatutan.com, (25 Fevereiru 2024), Díli -Tribunál Judisiál Primeira Instánsia Díli (TJPID), Domingu (25/02/2024), halo primeiru interrogatóriu bá arguido na’in-rua ho inisiál J no HM ne’ebé halo tentativa omisídiu hodi uza samurai taa sidadaun ida iha karreta Grand-Max laran iha área Bebora, Díli.

(more…)

Kontinua Le'e

Justisa & Krime

Kazu Farmásia Moris Foun, Tribunál Aplika Medida Koasaun 4 bá Arguido Sira no Husu Polísia Fó Fila Ai-moruk Item 150

Published

on

Hatutan.com, (24 Fevereiru 2024), Díli -Tribunál Judisiál Primeira Instánsia Dili (TJPID) liuhosi primeira interrogatóriu, Sábadu (24/02/2024), aplika medida koasaun haat (4) bá arguido na’in-tolu (3) nu’udár jerente bá Farmásia Moris Foun relasiona ho kazu hatama ai-moruk ilegál ho item 150.

(more…)

Kontinua Le'e

Justisa & Krime

Hatama Ai-moruk Ilegál Fó Prejuizu bá Estadu

Published

on

Hatutan.com, (23 Fevereiru 2024), Díli– Membru Parlamentu Nasionál hosi  Bankada CNRT, Patrocínio dos Reis Fernandes, husu bá autoridade polisiál, Ministériu Públiku no Tribunál atu prosesa kazu hatama ai-moruk ilegál tanba  fó prejuizu bá Estadu.

(more…)

Kontinua Le'e
Advertisement

Trending