Connect with us
Pakote Ahi

Nasionál

Deskonfia, PGR Alfonso Lopez ho Nia Asesór Jurídiku Óscar Tavares Uza Osan Estadu Halo “Viajen Privadu” iha Portugal

Published

on

Hatutan.com, (19 Maiu 2023), Díli—Deskonfia, Prokuradór Jerál Repúblika (PGR),  Alfonso Lopez ho nia asesór jurídiku,  Óscar Silva dos Reis Tavares, uza osan Estadu nian durante “viajen privadu” iha Lizboa-Portugál, foin lalais ne’e.

Lee Mós : PGR Sira Membru CPLP Diskute Hametin Autonómia Ministériu Públiku 

Dokumentu ajudu kustu diária (Per diem) PGR Alfonso Lopez nian durante iha Guinea-Bissau ho Portugal. Foto/Repro.dok PGR

Dokumentu ne’ebé Hatutan.com asesu nota katak PGR Alfonso Lopez ho nia asesór internasionál ho nasionalidade Kabuverdianu, Óscar Silva dos Reis Tavares, aproveita momentu viajen bá  Guinea-Bissau molok fila mai Timor-Leste liubá  Portugál.

Tiketi aviaun nian hodi halo viajen hosi Guinea-Bissau  bá Portugal  ho alojamentu sira durante loron-haat (4) estadia iha sidade Lizboa-Portugal utiliza  osan Estadu nian. Maibé, informasaun ne’ebé Hatutan.com asesu katak viajen refere la refleta bá atividade ofisial no laiha konvite ofisial ida ka laiha enkontru ofisial mak PGR Alfonso Lopez ho nia asesór jurídiku  Óscar Silva dos Reis Tavares halo iha Lizboa-Portugal.

Advertisement

Durante loron-haat (4) iha Portugal, PGR Alfonso Lopez uza osan Estadu nian bá per diem (ajudu kustu diária) kada loron $239.00 no durante loron-haat uza osan per diem ho montante $956.00. Nune’e, Asesór Jurídiku Óscar Silva dos Reis Tavares uza osan per diem Estadu nian kada loron $119.60 durante loron-haat hamutuk $478.40.

PGR Alfonso Lopez ho nia asesór jurídiku  estadia iha sidade Lizboa-Portugal hosi loron 29 fulan-Abríl to’o loron 04  fulan-Maiu 2023. 

Iha dokumentu refere hatudu mós  per diem Estadu nian ne’ebé aloka bá viajen PGR Alfonso Lopez ho nia Asesór Jurídiku Óscar Silva dos Reis Tavares ne’e aprova iha loron 17 fulan-Abríl 2023 ne’ebé prepara hosi Ofisial Seksaun Kontabilidade-PGR, Agripina Ximenes Pereira, verifika hosi Xefe Seksaun Kontabilidade-PGR, Barbara Sarmento Baptista no aprova hosi Sekretáriu Jerál-PGR, Gil da Conceição Savio.

Lee Mós : Estadu Timor-Leste Emite Pasaporte Servisu bá Sidadaun Estranjeiru Ida ho Nasionalidade Caboverdiano

Iha loron 27 fulan-Marsu 2023, Prokuradór Jerál Repúblika (PGR), Alfonso Lopez, hatún despaxu ho númeru 39/PGR/2023 (XX Encontro dos Procuradores-Gerais da CPLP)  atu partisipa iha enkontru entre Prokuradór Jerál Repúblika nasaun sira membru CPLP nian iha Guinea-Bissau hosi loron 26, 27 ho loron 28  fulan-Abríl 2023, ho asuntu atu partilla esperiénsia iha enkontru bá dala-XX ne’e.

Advertisement

Ajenda servisu  bazeia bá despaxu PGR nian ne’e refleta iha artigu 24, 27 númeru 1 alínea b) hosi EMP no nune’e delegasaun PGR Timor-Leste nian ho nia kompozisaun mak hanesan;

  • Alfonso Lopez, PGR Timor-Leste nu’udár Xefe Delegasaun
  • Alfeu da Costa Moreira, Prokuradór da Repúblika
  • Óscar Silva dos Reis Tavares, Prokuradór da Repúblika no Asesór Jurídiku iha PGR
  • Paulina Correia, sekretária Superior bá Ministériu Públiku nian

Dokumentu ajudu kustu diária (Per diem) bá Asesór Juridiku PGR, Óscar Silva dos Reis Tavares Alfonso Lopez nian durante iha Guinea-Bissau ho Portugal ho Paulina de Araújo, Sekretaria Superior MP. Foto/Repro.dok PGR

Delegasaun Timor-Leste nian bá partisipa iha enkontru PGR sira nasaun CPLP nian iha Guinea-Bissau ne’e sai hosi Díli iha loron 23 fulan-Abríl 2023 to’o iha Guinea-Bissau iha loron 25 fulan-Abríl 2023.

Hosi loron 26 to’o loron 28 fulan-Abríl 2023, delegasaun Timor-Leste nian ne’ebé lidera hosi Prokuradór Jerál Repúblika, Alfonso Lopez partisipa iha enkontru PGR sira nasaun membru CPLP nian iha sidade Guinea, no iha loron tuir mai, 29 fulan-Abríl, membru delegasaun na’in-rua (2) kompostu hosi Prokuradór Alfeu da Costa Moreira ho Sekretária Superior Ministériu Públiku nian fila-uluk tiha mai Timor-Leste.

Iha loron hanesan PGR Alfonso Lopez ho nia asesór jurídiku  Óscar Silva dos Reis Tavares, liu no hela iha Lizboa-Portugal bá atividade ne’ebé la mensiona iha ajenda ofisial no la komprova konvite ofisial ruma atu atende durante estadia iha Lizboa-Portugal.

Hatutan.com halo ona esforsu hodi konfirma direta asuntu ne’e ho Prokuradór Jerál Repúblika, Alfonso Lopez, maibé seidauk iha oportunidade tanba PGR Alfonso Lopez okupadu ho servisu Estadu nian.

Iha loron 08 fulan-Maiu 2023, jornalista Hatutan.com bá direita edifísiu PGR iha Colmera, Díli, hodi husu halo entrevista ho PGR Alfonso  Lopez, maibé parte sira iha resepsaun edifísiu PGR  nian haruka Hatutan.com prienxe formuláriu pedidu entrevista.  Nune’e, parte sira resepsionista PGR nian haruka jornalista Hatutan.com fila hodi he’in de’it kontaktu via telefone mak bele bá fali tanba tenke hetan despaxu hosi PGR Alfonso Lopez.

Advertisement

Hatutan.com prienxe formuláriu pedidu entrevista. Foto/Repro

Iha Segunda, 15 fulan-Maiu 2023, jornalista Hatutan.com bá hikas edifísiu PGR hodi follow-up kona-bá pedidu entrevista ho PGR Alfonso Lopez, maibé parte resepsionista lia-tuun dehan, to’o agora seidauk iha despaxu bá autorizasaun entrevista ho PGR tanba ne’e sira hosu atu jornalista Hatutan.com fila fali no hein de’it despaxu tuun ona mak  telefone mai Hatutan.com atu bele halo entrevista konfirmasaun, maibé to’o ohin loron seidauk hetan kontaktu atu bele halo entevista.  

Prezidente Repúblika períodu 2017-2022, Francisco Guterres “Lú Olo”,  nomeia Alfonso Lopez nu’udár Prokuradór Jerál Repúblika (PGR) iha loron 28 fulan-Abríl  2021, hodi substitui eis Prokuradór Jerál Repúblika, José da Costa Ximenes ne’ebé mandatu remata ona.  

Nomeiasaun PGR Alfonso Lopez nian ne’e  bazeia bá Dekretu Prezidente Repúblika númeru 22/2021, 28 abril, hafoin rona Governu, tuir artigu 86, alínea k) husi artigu 133, númeru 3, Konstituisaun Repúblika, konjuga ho artigu 12, númeru 1, númeru 2 husi Lei númeru 14/2005, 16 Setembru, altera hosi Lei númeru 11/2011, 28 Setembru (Estatutu Ministériu Públiku) dekreta hodi nomea Alfonso Lopez nu’udár Prokuradór Jerál Repúblika.

Tuir Estatutu Ministériu Públiku nian, posse ne’ e aktu obrigatóriu ida ne’ebé marka loron dahuluk emposadu hahú nia knaar. Haree ba alínea k) artigu 86° no n° 3 artigu 133° hosi Konstituisaun RDTL , no mós bá artigu 12°, n°1 no n°2 husi Lei n°14 /2005, ho data 16 Setembru, altera ho Lei n°11/2011 ho data 28 Setembru, kona-ba bá Estatutu Ministériu Públiku, kompete bá Prezidente Repúblika nomeia Prokurador-Jeral Repúblika, hafoin rona Governu.

Jornalista : Rogério Pereira Cárceres

Advertisement

Nasionál

Prezidente Repúblika Sei Asiste Asinatura Ofisializasaun TL bá OMK

Published

on

Hatutan.com, (24 Fevereiru 2024), Díli- Prezidente Repúblika (PR), José Ramos-Horta,  halo viajen bá Emiradu Arabes Unidus (EAU) hodi partisipa iha asinatura tratadu fornalizasaun Timor-Leste nian bá Organizasaun Mundiál Komérsiu (OMK) no kontinua vizita estadu dahuluk ba Laos hodi hametin liután kooperasaun bilaterál entre país amigu rua.

(more…)

Kontinua Le'e

Nasionál

PM Xanana La iha Informasaun kona-bá SEKOMS “Hatama” Funsionáriu Kazuál 109

Published

on

Hatutan.com, (22 Fevereiru 2024), Díli—Primeiru-Ministru (PM), Kay Rala Xanana Gusmão seidauk iha informasaun kona-bá Sekretaria Estadu Komunikasaun Sosiál (SEKOMS) “hatama” de’it funsionáriu kazuál 109 laliu hosi rekrutamentu normal tuir regra funsaun públiku nian.

(more…)

Kontinua Le'e

Nasionál

Repúblika Ejitu Hakarak Apoia Dezenvolve Timor-Leste iha Setór Importante Haat

Published

on

Hatutan.com, (21 Fevereiru 2024), Díli– Embaixadór Repúblika Ejitu rezidénsia iha Jakarta-Indonézia no akreditadu mós mai Timor-Leste, Yasser Elshemy, afirma Governu Ejitu nia  hakarak  apoia dezenvolve Timor-Leste iha  setór importante haat.

(more…)

Kontinua Le'e
Advertisement

Trending