Connect with us
Pakote Ahi

Nasionál

Estadu Timor-Leste Emite Pasaporte Servisu bá Sidadaun Estranjeiru Ida ho Nasionalidade Caboverdiano

Published

on

Hatutan.com, (27 Abríl 2023), Díli—Estadu Timor-Leste liuhosi Ministériu Justisa  emite pasaporte servisu Timor-Leste nian bá sidadaun estranjeiru ida ho nasionalidade Caboverdiano.

Óscar Silva Tavares ne’ebé servisu nu’udár Asesór Jurídiku iha Prokuradór Jerál Repúblika. Foto/Dok.Espesiál

Dokumentu ne’ebé Hatutan.com asesu hatudu katak emisaun pasaporte Timor-Leste ho tipu PSTL ka Pasaporte Servisu Timor-Leste ne’e  bá atuál Asesór Jurídiku iha Prokuradór Jerál Repúblika ho naran Óscar Silva Tavares, ho númeru pasaporte 0004XX5S  hodi fasilita hala’o servisu Estadu Timor-Leste nian.

Informasaun ne’ebé Hatutan.com asesu hosi fonte sira iha Ministériu Justisa katak sidadaun Caboverdiano, Óscar Silva Tavares ne’ebé servisu nu’udár Asesór Jurídiku iha Prokuradór Jerál Repúblika hetan pasaporte ne’e bazeia bá pedidu hosi Prokuradór Jerál Repúblika, Alfonso Lopez, hodi fasilita atu akompaña PGR Alfonso Lopez bá partisipa enkontru Prokuradór Jerál sira Komunidade Nasaun Lian Portugés nian (CPLP, sigla portugés)   ne’ebé  hala’o iha sidade Bissau, Repúblika Giné-Bissau, hosi loron 26 to’o loron 27 fulan-Abríl 2023.

Emisaun pasaporte ne’e ho baze bá Dekretu-Lei 52/2016, kona-bá rejime jurídiku bá pasaporte, seksaun bá da-IV artigu 43, 44 ho artigu 45.

Advertisement

Sidadaun estranjeiru ne’ebé maka halo servisu lori Timor-Leste nia naran ka reprezenta Estadu Timor-Leste ka halo servisu bá Estadu Timor-Leste bele hetan pasaporte traballu no pasaporte  diplomátika, maibé ho autorizasaun Xefe Estadu, Governu ka Ministériu Negósiu Estranjeiru no Kooperasaun (MNEK).

Pasaporte Servisu Timor-Leste nian ne’ebé atribui bá antigu Prokuradór Jerál Cabo Verde,  Óscar Silva Tavares, nia data emisaun 12 fulan-Abríl 2023 no data válidu to’o loron 11 fulan-Abríl 2028

Asesór  jurídiku iha Prokuradór Jerál Repúblika, Óscar Silva Tavares, moris iha  Illa de Santiago, loron  16  fulan-Jullu 1973. Lisensiadu iha Direitu, Universidade (clássica) de Lizboa iha Portugal.

Óscar Silva Tavares, sai nu’udár Prokuradór loron 15 Dezembru 1999 no entre tinan 2010 – 2013 hanesan Prokuradór Repúblika Internasionál iha Ministériu Públiku Timor-Leste no hosi  2020 to’o agora  asume pozisaun hanesan Asesór Jurídiku iha Prokuradór Jerál Repúblika  Timor-Leste.  

Daudaun ne’e PGR Alfonso Lopez ho nia asesór jurídiku Óscar Silva Tavares sei iha hela dalan Giné-Bissau mai Portugal no tuir oráriu sira sei to’o hikas fali iha Timor-Leste iha loron 05 fulan-Maiu 2023.  

Advertisement

Ministru Justisa, Tiago Amaral Sarmento. Foto/Elio dos Santos da Costa

Ministru Justisa Tiago Amaral Sarmento, ne’ebé Hatutan.com konfirma iha nia fatin servisu, Ministériu Justisa iha Caicoli, Díli, Kinta (27/04/2023),  hateten Ministériu Justisa la simu pedidu hosi Prokuradór Jerál Repúblika (PGR, portugés) hodi emite pasaporte Timor nian ho tipu Pasaporte Servisu Timor-Leste (PSTL) bá sidadaun estranjeiru ida ne’ebé servisu iha PGR.

“Pasaporte Servisu Timor-Leste nia stock sei iha tamba ne’e Ministériu hotu-hotu husu la’ós PGR de’it, tamba ne’e pasaporte ofisiál bá Timoroan iha maibé bá ema estranjeiru ne’e lae,” Ministru Justisa Tiago Amaral Sarmento esplika.

Governante ne’e hatutan, Pasaporte Servisu Timor-Leste nian bele fó bá ema estranjeiru bainhira hetan ona nasionalidade Timorense liuhosi kazamentu ka naturalizasaun tamba ne’e normálmente lei nasionalidade permite mais kona-bá emisaun pasaporte Servisu nian ba ema estranjeiru ne’e laiha no ha’u lahatene.

“Ha’u la hetan informasaun no la hatene, ne’ebé deskulpa karik iha bá mak ha’u ko’alia, la iha ne’e ha’u atu ko’alia oinsá,”  Ministru Tiago Amaral Sarmento haktuir.

Jornalista : Vito Salvadór

Advertisement

Nasionál

JSMP Ezije Altera Artigu 1475 Kodigu Sivíl Tanba Halo Diskriminasaun Relijioza

Published

on

Hatutan.com, (29 Fevereiru 2024), Díli– Programa Monitorizasaun Sistema Judisiáriu (JSMP, sigla Ingles) kontinua halo advokasia bá alterasaun artigu 1475 Kódigu Sivíl tanba konsidera hamosu diskriminasaun bá relijioza sira ne’ebé la’ós Katólika.

(more…)

Kontinua Le'e

Nasionál

Governu Aloka Millaun $12 bá Komisaun Altu Nivel Institusionál bá Vizita Papa Francisco

Published

on

Hatutan.com, (28 Fevereiru 2024), Díli- Governu liuhosi reuniaun Konsellu Ministru, Kuarta (28/02/2024),  delibera atu autoriza despeza to’o millaun $12 hosi fundu kontinjénsia bá Komisaun Altu Nivel Institusionál bá vizita Sua Santidade Papa Francisco.

(more…)

Kontinua Le'e

Nasionál

SEKOMS Halo Plájiu, Hamoe Instituisaun Estadu

Published

on

Hatutan.com, (28 Fevereiru 2024), Díli–Asia Justice and Right (AJAR)  konsidera atitude  plájiu  Sekretária Estadu Komunikasaun Sosiál (SEKOMS) hodi kopia konteúdu livru planu estratéjiku Konsellu Imprensa  (CI, sigla portugés) Timor-Leste  2022-2026 nu’udár aktu krime plagiatu no hamoe instituisaun Estadu.

(more…)

Kontinua Le'e
Advertisement

Trending