Defeza & Seguransa
PNTL Asegura Sidadaun Indonézia Ne’ebé Atu Vota Iha EBF Darulete
Hatutan.com, (21 Maiu 2023), Díli—Polísia Nasionál Timor-Leste (PNTL), liuhosi Komandu Munisipiu Liquiça, iha Domingu (21/05/2023) tuku 10:30 dadeer Otl, detein ona sidadaun estranjeiru ida ho inisiál VA, hosi Repúblika Indonézia (RI), tanba tenta atu tama bá vota iha Sentru Votasaun Eskola Bázika Sentrál (EBC-Sigla Português), Suku Darulete, Postu Administrativu Liquiça-villa.
Sidadaun Sira Forma hodi ba Vota iha Sentru votasaun aldeia Rio de Janeiro, Suku Bairru-Pité, Postu Administrativu Dom Aleixo, Munisípiu Díli. Foto/Elio dos Santos da Costa.
Komandante PNTL Munisipiu Liquiça, Superintendente Polísia, Umbelina dos Santos Soares konfirma katak, insidente ida-ne’e loos duni no sidadaun estranjeiru ne’e tama bá forma ona iha liña laran, atu hakat bá sentru votasaun laran.
Lee Mós: Timor-Leste Vota, Xanana: CNRT Mak Manan no Lú Olo Mós Garante FRETILIN Manan
Maibé, bainhira nia sei iha liña laran, sidadaun no eleitór sira balun ne’ebé besik iha sentru votasaun ne’e, balun hakilar no informa bá pessoál sira STAE nian hanesan brigada no polling staff katak, VA la’ós Timoroan.
“Informasaun ida ne’e loos. Sidadaun mane ida ho inisiál VA nia hosi Indonézia, koko atu tama bá vota, depois de nia iha ona liña, iha sentru votasaun EBC Darulete, komunidade sira halo reasaun. Entaun, ita-nia fiskais sira, brigada sira entrega mai iha seguransa,” Superintendente Polísia Umbelina dos Santos Soares hateten bá Hatutan.com via telefone ohin.
Komandante Umbelina informa tán, sidadaun Indonézia ne’e atu bá vota, tanba iha mós asesu bá kartaun identidade ka Kartaun Eleitorál. Alende ne’e, PNTL mós seidauk hatene loloos sidadaun ne’e, kaben no Timoroan ka Indonézia.
“Nia iha kartaun eleitorál. Tuir ami hatene. Agora daudaun ita halo hela prosesu identifikasaun, ami halo ona no nia kaben-na’in, iha fen, iha oan. Maibé, ami la hatene nia kaben ho timor oan ka, kaben ho ema indonézia,” komandante Umbelina hateten.
Hafoin detensaun ne’e, Komandu PNTL Munisipiu Liquiça, halo kedan identifikasaun bá sidadaun ne’e, inklui halo ona mós partispasaun no entrega ona bá ekipa sira iha Departamentu Investigasaun Kriminál (DIK), iha Kuartel Jerál PNTL Caicoli.
Jornalista: Rogério Pereira Cárceres
PLP husu Halo Revizaun bá Lei Komunikasaun Sosiál
Estrada iha Afaloicai-Uatulari Grave
Eleisaun Órgaun Suku Segunda Volta, Taxa Partisipasaun iha Suku Manleu ho Madohi Menus
Pilar Ekonomia Sei Fraku iha Timor-Leste Nia Adezaun bá ASEAN
Manipulasaun iha Foos Subsídiu, Foos Tuan Kahur Foos Foun
DIT Hahú Introdús ba Estudante Sira Kona bá Seguransa ba Dadus Importante
MAPKOMS “Duvida” ho Sustentabilidade Institutu Formasaun Komunikasaun Sosiál no Multimedia
Nomeasaun Xefe Kaza Militar Foun Hein Konkordánsia Prezidente Repúblika
“The new forms of cultural colonization”, “The illusion of communication”: Husi Amo Daschback, SVD ba Amo Abito Brites to’o Amo Belo, SDB
Amora Lemos Dikontrak Sony Music, Resmi Jadi Penyanyi Profesional
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Nasionál1 week agoENERPROCO Lori Timor Gap bá Tribunál Arbitrajen Bele Fó Prezuiju bá Estadu TL
-
Nasionál4 days agoSEKOMS Rekoñese Tama Redasaun RTTL,E.P no Dehan Atu Halo Loos Notísia
-
Nasionál1 week agoLa’o Hamutuk Husu Timor Gap Klarifika bá Públiku Kona-bá Disputa Kontratuál ho ENERPROCO
-
Ekonomia7 days agoBankada CNRT Husu AIFAESA Halo Supervizaun ho Rigor bá Hahán Liu Prazu
-
Nasionál1 week agoAHDM-TL Kondena Aktu Brutalizmu Membru SNI Hasoru Ema ho Defisiénsia
-
Ekonomia1 week agoSaláriu Minimu $115 La Refleta Ona Povu Nia Nesesidade Bázika
-
Ekonomia4 days agoBCTL Halo Estudu bá Impaktu Utiliza Moeda Dollar Amérika
-
Ekonomia6 days agoMPRM Francisco Monteiro Garante Prosesu Arbitrajen ENERPROCO ho Timor Gap La Fó Impaktu Negativu Mai TL