Hatutan.com, (25 Maiu 2023), Dili—Polísia Nasionál Timor-Leste (PNTL) liuhosi Komandu Munisípiu Bobonaro, submete ona prosesu kazu bá Ministériu Públiku, relasiona ho fiskais ida hosi partidu balun nian ne’ebé deskonfia atu vota dala-rua iha sentru votasaun rua iha Suku Malilait, Postu Administrativu Maliana Villa, Munisipiu Bobonaro.

Komandante Departamentu Investigasaun Kriminál (DIK), Superintendente Xefe Polísia, Jorge Monteiro. Foto/dok PNTL.

Fiskais ne’e, tuir vota primeiru, iha aldeia Taimea no Segundu atu tuir tán vota iha eis Eskola Xina nian ida, maka lokaliza mós iha Suku Malilait, Postu Administrativu Maliana Villa, Munisipiu Bobonaro.

Lee Mós:   PNTL Asegura Sidadaun Indonézia Ne’ebé Atu Vota Iha EBF Darulete

“Iha munisipiu Bobonaro, klaru iha ita-nia fiskais. Ha’u mensiona de’it katak, iha ita-nia fiskais balun, ne’ebé keta tenta atu vota dala-rua. Ita-nia PNTL, Bobonaro, konsege halo identifikasaun, no konsege halo prosesu de investigasaun inísiu, nia kazu atuál ita entrega ona bá iha Ministériu Públiku ho númeru NUK 0004/2023/Bobonaro,” Komandante Departamentu Investigasaun Kriminál (DIK), Superintendente Xefe Polísia, Jorge Monteiro hateten bá jornalista sira iha knaar fatin.

Advertisement

Kazu deskonfia fiskais ne’ebé atu tuir vota dala-rua iha Suku Malilait, Postu Bobonaro ne’e, akontese iha Domingu (21/05/2023).

Kona-bá identidade insiál hosi sidadaun ne’ebé atu tuir vota dala-rua, Komandante Jorge Monteiro dehan, ida-ne’e segredu justisa, tanba prosesu investiagasun sei la’o, tanba ne’e he’in de’it ninia konkluzaun finál.

Jornalista: Rogério Pereira Cárceres

Advertisement