Hatutan.com, (25 Maiu 2023), Dili—Telin Timor-Leste konesidu ho naran Tekomcel & Korporasaun ZTE asina Nota Entendementu (Memorandum of Understanding) hodi hala’o kolaborasaun atu moderniza MNO Virtuál Core, BSS no VAS Solution Telkomcel.

Reprezentante Telin Timor-Leste koñesidu ho naran Tekomcel & Korporasaun ZTE asina Nota Entendementu hodi hala’o kolaborasaun atu moderniza MNO Virtuál Core, BSS no VAS Solution Telkomcel iha edifisiu Nexus Meeting Room, andar 16 Telkom Landmark Tower, Jakarta, Indonesia iha 22 Maiu 2023. Foto/Telkomcel.

Serimónia asinatura ne’e hala’o iha Jakarta, Indonézia iha 22 Maiu 2023 hosi Benedictus Ardiyanto Priyo, Chief Executive Officer Telkomcel, Dedy Edward Ambarita, Vise Presidente Finance Business Partner Telkomcel ho Wu Wwi, Comersial Director Korporasaun ZTE, nomos Richard Liang, Direitor Executivo ZTE.

Lee Mós: Telkomcel Hakarak Lori TL bá Nasaun Dijitál

Asina Nota Entendimentu asisti hosi Widjajanto Budi S, Chairman Board of Directors Telin Timor-Leste, partisipa mós hosi Hermani Teotonio Barros Magno no Sekretária daruak Embaixada Timor-Leste, iha edifisiu Nexus Meeting Room, andar 16 Telkom Landmark Tower iha Jakarta, Indonesia.

“Objetivu Prinsipál hosi akordu refere maka atu moderniza MNO Virtual Core, BSS, VAS Solution, ho estimasaun data sei remata iha kuartal dala-4 tinan 2023. Akordu kooperasaun ne’e estabelese presu dezenvolvimentu Cost of Ownership no presu unidade ne’ebé sei aplika durante tinan lima (5) mai,” Hatutan.com sita komunikadu.

Moderniza MNO Virtual Core, BSS, nomos VAS Solution, sei oferese teknolozia agora nian inklui atu hasa’e ba linha 5G, nomos fó benefisiu signifikativu ba povo Timor-Leste.

Moderniza ne’e sei fó rezultadu hodi melloria preformansia rede ou liña nomós hasa’e esperiénsia konsumidór ne’ebé di’ak liu iha segementu ritel & empreza sira hanesan Guvernu, NGO, Seitór Privadu, nsst.

Aprimoramentu Infraestrutura liña efetivu ajuda nesesita ba nesesidade sira ne’ebé ho a’as liu  iha servisu Voice & Data kualidade, posibilidade Telkomcel sei hasa’e abilidade servisu kliente ho di’ak.

Nota Entendimentu (MOU) ne’ebé maka asina entre Telkomcel & Korporasaun ZTE destaka parseria forte entre empreza rua inklui partilla koñesimentu ka esperiénsia ba funsionáriu lokais  ne’ebé kompostu hosi 90%  hosi funsionáriu no 70% liu maka aesume kargu iha nível manajeriál iha Telkomcel.

Liu hosi parseria ne’e, objetivu Telkomcel hakarak utiliza abilidade no teknolozia avansadu hosi ZTE  atu enkoraja inovasaun & transformasaun dizital iha Timor-Leste.

Kona-bá Telin Timor-Leste

PT Telekomunikasi Indonesia International (Telin TL) nu’udár oan hosi Empreza PT Telkom Indonesia, Tbk (Telkom), empreza fornesedór servisu telekomunikasaun no rede propiedade estadu.

Telin konsentra liu ba negósiu telekomunikasaun international hodi maneza no dezenvolve liña negósiu iha estranjeiru.

Infraestrutura mundial Telin kobertura sistema kabel naruk 222.260 kilometros maka hanesan; 58 Points of Presences (PoP), edifisiu global 10, no liu tan hosi 19 Centro Data Tier II no Tier IV halo operasional iha Singapure, Hong Kong, Timor-Leste & Indonesia.

Liu hosi stratejia Telkom Group no liña internet nomos infraestrutura konfiável, Telin oferese servisu internet ne’ebé kualidade a’as alkansa parte hotu iha mundo globál hodi Enable Your Global Digital Business and Solution.

“Iha Timor-Leste, ami nia ezistensia konesidu ho naran Telkomcel, Telkomcel maka telekomunikasi seluler propriedade Telekomunikasaun Indonesia International (TL), S.A. hala’o operasaun iha Timor-Leste,” Haktuir komunikadu.

Learn more about us in www.telin.net.

Kona-bá ZTE

Fornesedor Solusaun Komunikasaun Informasaun integradu iha mundo global Ho teknolozia inovativo no solusaun produto ZTE serve operator telekomunikasaun global, kliente guvernu no empreza sira hotu nomos konsumidór.

Kobertura liu hosi 160 teritoria no nasaun, ZTE atende ema liu hosi ¼ iha mundo global, no komitmentu atu alkansa konektividade & konfiansa ne’ebé briliante iha future no iha ne’ebé deit.

Jornalista: Rogério Pereira Cárceres