Connect with us
Pakote Ahi

Nasionál

Diskursu Primeiru Ministru, Kay Rala Xanana Gusmão Durante Aprezentasaun Programa IX Governu Iha PN

Published

on

Sua Excelência, Senhora Presidente Parlamentu Nacional, Suas Excelências Vice-Presidentes Parlamento Nacional, Suas Excelências Senhoras no senhores Deputados, Senhoras no senhores membros Governo, Senhoras no senhores.

Primeiru Ministru, Kay Rala Xanana Gusmão Halo Aprezentasaun bá Programa IX Governu Konstitusionál Iha Parlamentu Nasionál (PN), Tersa (18/07/2023). Foto/Média GPM.

Uluk nanain, ha’u hakarak agradece ba privilégio ne’ebé Povo Timor fó mai ha’u hodi, dala ida tan, hetan oportunidade atu mai iha Magna Casa ida ne’e, hamutuk ho Distintos Deputados, atu debate kona-ba futuro País-nian iha tinan 5 mai né.

Iha 12 de setembro de 2012, bain-hira ha’u mai apresenta Programa do V Governo Constitucional, ha’u dehan nune’e: “Ita hotu iha consciência kona-ba necessidades nebé prioritarias ba Nação no kona-ba dificuldades nebé timoran sira enfrenta loro-loron. (…) ne’e la-ós katak falta de qualidade husi ita-nia Povo maka limita tiha ita-nia desenvolvimento, maibé tanba falta de oportunidades!”

Infelizmente, tinan 11 liu tiha, oportunidades sira né seidauk mosu ba ita-nia povo, povo nebé continua moris ho dificuldades.

Advertisement

Pior liu tan… iha tinan 6 ikus mai no foin liu ba, ita assiste ka haré katak iha retrocesso (ka, hakiduk) ba Estado de Direito democrático, nune’e desevolvimento no crescimento económico paradu hela, hodi fó impactos diretos ba população.

Tan ne’e, debate no apreciação ba Programa ne’ebé IX Governo Constitucional lori mai, labele sai hanesan formalidade constitucional ida. Ami husu voto de confiança ba Executivo ida ne’e, nebé qualificado no experiente, no hakarak hatúr fali regras de boa-governação, de transparência, de eficiência no eficácia, atu ITA HOTU bele lori Timor-Leste ba buat nebé ita mehi kedas iha tempos difíceis luta-nian.

Ha’u labele promete milagres, nune’e mós ha’u labele dehan katak sei mosu progressos nebé imediatos ba desenvolvimento nacional. Maibé, ha’u bele promete katak hahalok sira ne’ebé ita hotu haré iha tinan-tinan kotuk sira né, hanesan inércia, ineficiência no irregularidades lubuk ida, buat sira ne’e hotu sei la halo parte iha estrutura Equipa governamental ida ne’e.

Senhores Deputados,

Avós Ferik no avôs Katuas sira, Inan no Aman sira, Jovens Nação ida ne’e nian, Ita hotu hatene katak, liberdade la-ós moris iha kiak laran no lakon tiha esperança!

Advertisement

Liberdade ida ne’ebé ita hotu uluk mehi, maka la-ós deit moris iha paz no segurança nia laran, maibé atu hetan acesso ba saúde, educação, ba justiça no ba emprego, ne’e hotu katak, atu moris diak.

Maibé mós, liberdade ita mak tenki conquista! La iha Plano Estratégico ida ka Programa do Governo, ne’ebé bele implementa ho deit esforço exclusivo husi ema ida ka husi instituição ida. Lós katak, cabe (ka, pertence) ba Executivo, responsabilidade nebé boot atu traça planus sira né no atu executa, maibé esforço ida ne’e presiza envolvimento husi cidadãos hotu-hotu.

Ha’u compreende katak ita-nia povo kole tiha ona no sinti dificuldade atu fiar ba promessas no ba compromissos políticos, ne’ebé Povo rona beibeik iha ona tinan 21 nia laran. Ha’u mós kompreende katak iha duni desilusão (ka, desapontamento), maibé ha’u tenki DEHAN FILA FALI katak ita-nia Estado sei jovem hela no, tan ne’e duni, sei Estado frágil ida.
Tan ne’e hotu, ha’u husu, dala ida tan, buat importante tebes ida husi cidadãos hotu-hotu – confiança! Confiança katak ita bele mantén paz social, ita bele hadi’a justiça no ita bele consolida instituições do Estado, né hotu nudar pilares fundamentais atu atrai investimento, hodi nune’e desenvolve ita-nia setor económico no social, husi dalan nebé sustentável.

Ho buat né hotu, ha’u-nia primeiro repto ka pedido no apelo sei bá, klaru, la-ós deit ba ha’u-nia Governo rasik, maibé mós ba Órgãos de Soberania hotu-hotu, ba Sociedade Civil no ba todos os Timorenses:

Mai ita hotu hako’ak kauza nasional foun ida ne’e.
Mai hamutuk, ita luta ba ita-nia Estado de Direito democrático: ho kilat nebé naran vontade atu servisu, ho kilat-musan husi participação ativa no construtiva ida ke di’ak, hamutuk ho hanoin no visão ida de’it kona-ba Liberdade no Desenvolvimento!
No katak visão ida ne’e la pertence ba IX Governo Constitucional, maibé pertence ba Povo Timor. Haré tuir katak Constituição da República Democrática de Timor-Leste, nebé rege (ka, regula) ita-nia Estado de Direito democrático, Konstituisaun ne’e la pertence ba Presidente da República, ka ba Governo ou pertence ba membros do Parlamento Nacional – pertence ba Timoroan hotu!

Advertisement

Timoroan sira foin daudauk iha eleições, hodi usa sira-nia direito legítimo, fó sai momós mensagem ida né. Timoroan sira, dala ida tan, fó mai ita hotu lição kona-ba cultura democrática. Agora, ita nebé temi nudar governantes, tenki buka aprende lição ida ne’e, hodi hala’o ita-nia knar ho responsabilidade atu kumpre ita-nia missão.

Tuir mai, ha’u sei apresenta conjunto de compromissos Governo ida ne’e nian, ba Ita-Boot sira-nia apreciação no debate, ho hanoin katak futuro hahú ohin, nune’e Ami hakarak katak agenda atu implementa iha país sai resultado husi diálogo participativo no construtivo.

Senhora Presidente Parlamento Nacional
Vice-Presidentes Parlamento Nacional
Senhoras no Senhores Deputados,

𝗣𝗿𝗼𝗴𝗿𝗮𝗺𝗮 𝗜𝗫 𝗚𝗼𝘃𝗲𝗿𝗻𝘂 𝗞𝗼𝗻𝘀𝘁𝗶𝘁𝘂𝘀𝗶𝗼𝗻𝗮́𝗹 𝗻𝗶𝗮𝗻, 𝗯𝗮 𝗽𝗲𝗿𝗶́𝗼𝗱𝘂 𝗲𝗻𝘁𝗿𝗲 𝟮𝟬𝟮𝟯-𝟮𝟬𝟮𝟴, 𝗸𝗮𝗲𝗿 𝗵𝗮𝗺𝘂𝘁𝘂𝗸 𝗰𝗼𝗺𝗽𝗿𝗼𝗺𝗶𝘀𝘀𝗼𝘀 𝗽𝗿𝗶𝗻𝗰𝗶𝗽𝗮𝗶𝘀 𝗡𝗲𝗻:

𝗣𝗿𝗶𝗺𝗲𝗶𝗿𝗼 – 𝗥𝗲𝗮𝗳𝗶𝗿𝗺𝗮𝗿 𝗼 𝗘𝘀𝘁𝗮𝗱𝗼 𝗱𝗲 𝗗𝗶𝗿𝗲𝗶𝘁𝗼 𝗗𝗲𝗺𝗼𝗰𝗿𝗮́𝘁𝗶𝗰𝗼

Advertisement

Ami sei corrige irregularidades hotu nebé governação anterior hamosu, hodi halakon tiha sistema nebé iha, kona-ba boa-governação, transparência no, liuliu, responsabilidade financeira no administrativa.

Ne’e inclui atu halo reformas nebé estruturantes, hodi acelera mudança nebé necessária iha setores nebé la fó resposta nebé di’ak no ho tempo ba sociedade timorense, hodi nune’e investe ba melhoria iha Instituições do Estado – katak, iha ninia sistemas, ninia processos no ninia metodologias – hodi nune’e hetan kapasidade atu lori desenvolvimento sustentável no inclusivo.

Ami sei revê legislação hotu-hotu no ninia regulamentação, tanba ida ne’e necessária ba consolidação do Estado, liuliu:

• Lei nebé cria RAEOA no ZEEMS, atu garante iha duni separação de poderes entre Entidades Rua né, hodi estabelece Autoridade Foun ida iha Região do Oe-cusse Ambeno, no sei halo total reestruturação ba pessoal;

• Lei nebé cria tiha município de Ataúro, tanba conceito “RAEOA” tenki continua inclui Ataúro, no mós tanba condições infraestruturais no técnicas sei mínimo liu atu Ataúro bele separa-an autonomamente husi RAEOA;

Advertisement

• Lei da Organização Judiciária;
• Lei da Câmara de Contas;
• Estatuto dos Magistrados Judiciais, Estatuto do Ministério Público no Estatuto da Defensoria Pública, nebé foin daduak mak aprova;

• Quadro legal ba instituições iha setores da Segurança Interna no mós Proteção Civil, inclui mós legislação rodoviária no Lei ba Artes Marciais;

• Regime legal ba setor financeiro, hodi revoga tiha legislação nebé la atualizada ona, mas nafatin em vigor;

• Lei do Orçamento e Gestão Financeira no Regime do Aprovisionamento e Contratos Públicos, hodi neineik hadi’a tiha sistema de contabilidade do Estado, liu husi ‘cash basis system’ ba fali ‘accrual basis system’;

• Lei Tributária, atu introduz Imposto de Valor Acrescentado;
• Legislação hotuhotu nebé existente ba combate à corrupção;

Advertisement

• Lei da Pensão Vitalícia, atu regime ida ne’e bele integra iha Regime de Segurança Social Contributivo, kona-ba pensões ba membros foun iha Órgãos de Soberania;

• Legislação nebé regulamenta Lei de Bases no Plano Nacional do Ordenamento do Território, nebé foin hetan aprovação;

• Quadro jurídico ba organização no funcionamento Autoridades Municipais sira-nian no Administrações Municipais, hodi fó continuidade ba estratégia atu bá descentralização administrativa, no mós aproveita atu aprova regulamentação kona-ba Lei do Poder Local no Descentralização Administrativa, Lei Eleitoral Municipal, no Lei ba Finanças Municipais.

Iha loron Atus Ida Ruanulu mai né, ami mós sei loke Auditoria imediata ba RAEOA no ZEEMS, nune’e mós Auditoria ba instituições do Estado seluk, hanesan Tribunal de Contas, Comissão Anticorrupção, Ministério Público, Comissão da Função Pública, Inspeção-Geral do Estado no ba Órgãos de Administração Eleitoral, inclui mós auditorias ba “negócios” (ka, kontratos) nebé anterior Governo halo, iha ona final do mandato.

Ita labele ko’alia kona-ba Estado de Direito, se ita la temi mós Justiça. No Estado de Direito “só bele iha, bain-hira justiça kaer nia surik ho habilidade hanesan bain-hira sukat ka tetu iha balança justiça-nian”. IX Governo considera hanesan prioridade boot ida atu fó atenção tomak ba setor da Justiça, atu nune’e justiça bele hala’o ho maior profissionalismo, seriedade no transparência.

Advertisement

Ho nafatin objetivo atu Reafirma (ka, konsolida) Estado de Direito Democrático, ami sei revê, ho kle’an, Plano Estratégico de Desenvolvimento, liu husi consulta nebé permanente ho Sociedade Civil, hodi atualiza tiha Plano ne’e, atu bele reflete ho di’ak estado atual Nação-nian.

Plano ida ne’e mós sei continua tau atenção ba desenvolvimento iha capital social, iha infraestruturas no iha economia, hodi acelera diversificação económica no criação emprego (ka, serviço) iha país.

Desafio boot ida, maibé sai mós nudar ita-nia oportunidade nebé boot tebes, maka ita-nia população jovem aumenta ba beibeik. Ita tenki buka estratégias nebé di’ak atu capitaliza recurso ne’ebé importante ne’e. Kona-ba exploração recursos energéticos País-nian, ita hakarak sai husi “maldição dos recursos”, hodi aposta ba “juventude”. Iha processo ne’e, hatutan recursos naturais no recursos humanos jovens, mak sei mosu progresso ba Nação.

Nune’e, husi setores diversificação económica nebé tradicionais ka baibain, sei haré ba sector Costa Sul nudar centro petrolífero regional – projeto Tasi Mane – iha ne’ebé Governo ida ne’e sei halo buat hotu, tanba sei fó efeitos multiplicadores ba municípios hotuhotu.

Implementação ba Tratado das Fronteiras Marítimas entre Timor-Leste ho Austrália iha Tasi Timor, sai nudar prioritário ba Executivo ida ne’e, hanesan mós atu lori kadoras exploração Greater Sunrise nian, mai Costa Sul de Timor-Leste. No, atu garante eficiência boot liu iha setor ida ne’e, ami sei halo reestruturação imediata iha Direção TIMOR GAP no ANPM.

Advertisement

Ikus liu, nudar parte integrante ba construção do Estado no Nação, no tanba ita hakarak harí Estado ida ho Direito PLENO, ami sei fó prioridade máxima atu finaliza delimitação das fronteiras terrestres no marítimas ho Indonésia.

𝗦𝗲𝗴𝘂𝗻𝗱𝗼 – 𝗗𝗲𝘀𝗲𝗻𝘃𝗼𝗹𝘃𝗲𝗿 𝗼 𝗖𝗮𝗽𝗶𝘁𝗮𝗹 𝗦𝗼𝗰𝗶𝗮𝗹

Nação justa no desenvolvida, Nação nebé garante acesso ba saúde no educação ho qualidade, no mós Nação ida nebé combate desigualdades no promove inclusão, liu husi cria oportunidades ba ema hotu, independentemente husi género, idade, fatin hela bá, religião, condição social ka económica, no mós husi orientação sexual.

Husi tinan 2007 to’o tinan 2017, Governos iha tempo nebá fó prioridade boot ba promoção iha justiça social. Ita hotu hatene katak, iha prazo nebé naruk, atu fó educação no formação de qualidade no tan atu cria oportunidades de emprego, maka sei sai hanesan instrumentos nebé fundamentais atu sai husi mukit no ki’ak.

Atu ne’e hotu bele acontece, Estado ninia dever maka assegura katak Combatentes da Libertação Nacional (nebé simu sacrifícios barak iha Funu), Feto sira no Labarik sira (husi nebé sei hamosu sucesso ba desenvolvimento sustentável), nune’e mós famílias ki’ak no múkit sira, ferik ho katuas sira no cidadãos seluk nebé vulneráveis (hanesan sira nebé portadoras de deficiência), bele hetan acesso atu hatán ba sira-nia necessidades básicas no moris di’ak.

Advertisement

Tan ne’e, Governo sei continua fó apoio ba população, hodi desenvolve daudauk ninia políticas, no cria estratégias atu reduz populasaun ninia dependência ba Estado. Ami sei, liuliu:

• Consolida implementação ba Estratégia Nacional de Proteção Social no ba Lei do Regime Geral da Segurança Social, atu garante proteção ba cidadãos nebé moris iha situação difícil ka vulnerável;

• Consolida Instituto Nacional de Segurança Social no Fundo de Reserva da Segurança Social, hodi bele gere Sistema de Segurança Social ho independência, transparência, eficácia no eficiência, inclui regimes contributivos ho não-contributivos;

• Aprova Lei de Bases de Proteção Social;
• Revê no avalia documentos legislativos no operacionais ba Pensão Social no ba Programa Bolsa da Mãe Jerasaun Foun;

• Loke tan Centros de Solidariedade Social, nebé iha ona Municípios, ba Postos Administrativos hotuhotu, hadi’a Serviços de Atendimento Social, liu husi Centros de Solidariedade Social, no hadi’a Programa de Apoio ba Instituições de Solidariedade Social;

Advertisement

• Hadi’a Centro Nacional de Reabilitação, atu bele fó assistência di’ak liu no tratamento ba portadores de deficiência no loke Centro ne’e ba municípios hotuhotu;

• Cria oportunidades de negócios ba Feto sira nebé iha situação de vulnerabilidade, ho objetivo atu assegura sira-nia independência económica;

• Garante igualdade de oportunidades ba Feto sira no continua implementa questões nebé sensíveis ba género iha setores hotuhotu governação-nian;

• Assegura katak Labarik feto sira, iha idade escolar, tenki completa ensino básico no buka prevene katak Feto-oan sira, bain-hira halo ona maioridade (tinan 18), husik hela escola;

• Continua implementa Plano de Ação Nacional contra Violência Baseada no Género no promove campanhas contra violência doméstica;

Advertisement

• Apoia Idosos sira, liuliu no ho urgência ba sira ho idade superior ba 70 anos;

• Cria Centros de Atendimento ba Idosos, iha municípios sira hotu, no buka hala’o programas ba Tempos Livres no Terapia Ocupacional ba Ferik ho Katuas sira;

• Estimula ka dudu criação negócios autossustentáveis ba cidadãos portadores de deficiência, hodi investe mós iha equipamentos no acessibilidade ba equipamentos iha instituições públicas;

• Desenvolve programas de apoio la-ós deit ba portadores de deficiência, maibé mós ba famílias no comunidades nebé tau matan ba pessoas portadoras de deficiência;

• Melhora mecanismos de socorro no assistência ba vítimas de desastres naturais, inclui assistência alimentar, construção de infraestruturas no distribuição materiais de construção no mós materiais ba armazenamento;

Advertisement

• Continua promove reconhecimento oficial no apoio ba Veteranos no Combatentes da Libertação Nacional no ba sira-nia famílias;

• Estuda viabilidade atu cria Fundo dos Veteranos no apoia criação Banco Comercial ho verbas husi Fundo de Investimento dos Veteranos.

Ha’u temi ona katak ita-nia Jovens sira, mak sai hanesan Riku-Soin ida ba ita-nia Nação. La-ós deit katak sira mak iha poder atu transforma País ne’e, hanesan mós sira mak sei sai Nação-nia futuros Líderes.

Governo sei investe iha Política Nacional de Juventude, nebé sei garante ação coordenada, hodi lori ba desenvolvimento no autonomia jovens sira-nian. Sei desenvolve hanoin ida ne’e, liu husi investimento nebé responsável liu iha áreas Desporto no Cultura, tanba áreas rua né mak sai nudar instrumentos importantes atu desenvolve competências cívicas, sociais no liderança, no promove jovens sira bele iha ocupação, hodi contribui ba paz social.

Atu jovens sira bele conhece sira-nia passado, bele fó honra ba loron ohin nian no atu valoriza sira-nia futuro, sei buka conclue investigação rigorosa kona-ba História da Luta da Libertação Nacional, atu bele promove mós divulgação kona-ba História Contemporânea de Timor-Leste.

Advertisement

Nafatin iha área da Cultura, Governo hakarak cria no apoia Associação de Arte e Cultura Timorense, atu encoraja jovens talentosos iha artes no cultura, bele reafirma identidade nacional no lori ba conhecimento internacional.

Sei haré atu kaer fila fali projetos sira uluk ba construção Museu no Centro Cultural iha Díli, no atu melhora la-ós deit quadro jurídico nebé liga ba cultura, hanesan mós atu investe iha equipamentos no iniciativas culturais.

Distintos Deputados
Senhoras no senhores,

Ita labele ko’alia kona-ba capital social, karik ita la aborda, nudar prioridade, setores saúde no educação. No, iha área ida ne’e, ami sei haré liu ba políticas nebé la’o hela, no mós kona-ba melhoria iha prestação pública ba serviços essenciais sira né. Governo sei serviço maka’as atu hadi’a planeamento, financiamento, gestão no prestação de serviços ho qualidade, tanba Governo haré katak problema principal mak setores cruciais rua né ba desenvolvimento Nação nian.

Iha setor da Saúde, Governo sei continua implementa Política Nacional de Saúde no Plano Estratégico Nacional do Setor da Saúde 2011-2030, hodi maximiza esforços hotu atu bele garante prestação de serviços nebé di’ak liu, nune’e mós atu loke luan ka generaliza acesso ba cuidados de saúde ho qualidade, hodi haktuir didiak no beibeik kona-ba eficiência, transparência no profissionalismo iha gestão ba recursos financeiros, humanos, materiais no logísticos, ba infraestruturas no equipamentos.

Advertisement

Liuliu, Governo sei:
• Garante imediata disponibilidade ba medicamentos nebé necessários iha hospitais no iha centos de saúde, hodi hala’o reforma ba gestão no administração iha setor da saúde, atu nune’e, iha futuro, direito fundamental kona-ba proteção da saúde ba cidadãos sira labele sai tan problema;

• Melhora nutrição infantil, no liu mós husi merenda escolar ne’ebé nutritiva ba labarik sira hotu;

• Garante atu sucos hotuhotu, liuliu sira iha áreas remotas, bele hetan acesso ba Posto de Saúde ida ho pacote de serviço nebé abrangente;

• Assegura atu Centros de Saúde Comunitários, iha postos administrativos, bele fó atendimento ba ema moras ho número boot liu;

• Continua hadi’a saúde materna no saúde infantil, liu husi políticas abrangentes, nebé inclui cuidados preventivos no integrados, hanesan iha casos vacinação;

Advertisement

• Hadi’a no haluan prestação de cuidados médicos iha Hospital Nacional Guido Valadares, iha especialidades oioin, ho tan médicos no técnicos especializados, atu bele hahú halo tratamento ba moras sira nebé normalmente tenki ba estrangeiro;

• Reforma Laboratório Nacional de Saúde no Banco de Sangue atu bele hadi’a gestão dos serviços laboratoriais no iha sistemas de fornecimento de sangue;

• Kona-ba infraestruturas, Governo sei continua harí no reabilita Postos de Saúde no mós hadi’a Centros de Saúde Comunitários no Hospitais de Referência, inclui infraestruturas de apoio nebé necessárias;

• Sei cria mós Hospital de Saúde Psiquiátrica.

Kona-ba setor da Educação, Governo hakarak katak, iha 2028, Timor-Leste bele atinje ka hetan educação ho melhor qualidade, no loke mós oportunidade de acesso boot liu ba hotuhotu, hodi nune’e educação bele iha kbit atu fó resposta ba necessidades iha mercado de trabalho, no contribue atu hamenus desemprego, liu husi aprendizagem nebé beibeik hodi, nune’e, hapára tiha círculo kona-ba pobreza intergeracional.

Advertisement

Nune’e, Governo sei:
• Reforma gestão no administração iha sistema educativo, husi kedas Ministério da Educação ba nível municipal no to’o escolas, inclui define ona procedimentos ka regras adequadas no sistemas ba monitorização no avaliação;

• Melhora qualidade do ensino, iha níveis de ensino hotuhotu, liu husi maior capacitação dos professores;

• Revê currículos escolares, liuliu iha ensino secundário geral no vocacional, atu assegura alunos sira bele hetan competências adequadas ba mercado de trabalho no ba necessidades de desenvolvimento nacional;

• Continua constrói, reabilita no fornece equipamentos ba escolas do ensino pré-escolar to’o secundário;

• Avalia didi’ak capacidade de funcionamento no resultados husi alunos sira no mós kona-ba financiamento husi Escolas CAFE, atu haré ba possibilidade hodi loke iha Postos Administrativos;

Advertisement

• Aumenta ba dobro, número de bolsas de estudo, nebé sei atribui, tuir mérito no tuir necessidades nacionais;

• Hadi’a ensino superior, hodi garante adequada avaliação no acreditação académica no mós formação nebé contínua ba professores;

• Haluan Ensino Superior Técnico, iha áreas estratégicas ba economia nacional, hodi cria Instituto Superior Politécnico de Turismo, Hotelaria no Agências no Guias de Turismo iha Lospalos, Instituto Superior Politécnico de Engenharia iha Suai, no Academia de Pescas e Estudos Marinhos iha Manatuto. Governo mós sei hadi’a infraestruturas, gestão no ensino iha Instituto Politécnico de Betano;

• Cria Comissão coordenadora das Universidades e Institutos Superiores, atu estuda estratégia coletiva ida kona-ba atu define assistência ne’ebé di’ak liu husi Estado no kona-ba implementação objetivo atu hasa’i qualidade do Ensino.

Husi sikun seluk, sei continua aposta iha formação profissional no emprego, hodi investe iha qualificação de jovens iha áreas estratégicas de desenvolvimento. Sei mós continua coopera ho países amigos atu cria oportunidades ba formação profissional no emprego iha estrangeiro, liu husi estágios profissionais no husi programas de trabalho sazonal, ho hanoin katak timoroan sira né fila mai país no bele aplica sira-nia competências nebé sira hetan.

Advertisement

𝗧𝗲𝗿𝗰𝗲𝗶𝗿𝗼 – 𝗗𝗲𝘀𝗲𝗻𝘃𝗼𝗹𝘃𝗲𝗿 𝗮𝘀 𝗜𝗻𝗳𝗿𝗮𝗲𝘀𝘁𝗿𝘂𝘁𝘂𝗿𝗮𝘀

Entre 2007 ho 2017, setor infraestruturas sai hanesan motor ba desenvolvimento nacional, nebé bele dudu capital social, crescimento económico, criação de emprego no consolidação iha instituições.

IX Governo Constitucional hakarak recupera fali ímpeto ida né no kaer fila fali plano integrado ba infraestruturas, ho obras ho qualidade no proporcionais ba investimento.

Nune’e, no iha loron Atus Ida Ruanulu mai né, sei halo levantamento kona-ba principais necessidades iha manutenção de estradas no normalização mota iha país tomak, hodi bele hahú obras de reabilitação nebé urgentes iha 2024.

Governo decide troços de estradas prioritárias iha fases rua, no sira nebé urgentes liu maka estradas nebé liga ba postos administrativos no estradas rurais, atu depois ba estradas urbanas iha Ainaro, Baucau, Bobonaro, Ermera, Lautém ho Viqueque.

Advertisement

Husi sikun seluk, sei reforça investimento iha acesso ba água potável no ba saneamento básico, condições sira né essenciais ba saúde pública no ba qualidade de vida populações nian. Ba ida ne’e, sei aprova no implementa Plano de Investimento, Políticas no Reforma Institucional 2023-2030, atu bele cumpre objetivos nebé define ona iha PED no iha ODS nr. 6. Plano ida ne’e sei identifica investimentos nebé necessários ba abastecimento de água e saneamento iha país tomak.

Governo mós sei continua assegura katak população tomak hetan acesso ba eletricidade, liu husi expansão ba Programa de Eletrificação Nacional. Kona-ba Ataúro, sei realiza estudo de viabilidade, atu bele concretiza plano nebé sustentável ba eletrificação ilhéu Ataúro.

Governo ida ne’e mós sei estabelece Gabinete de Recursos Naturais Renováveis, nebé sei coordena ninia ações iha nível intersectorial, no realiza análises no estudos de viabilidade relevantes ba setor ne’e, no atu sai nudar responsável ba implementação projetos de energia renovável, inclui ninia gestão, monitorização no avaliação.

Iha âmbito ida ne’e, Governo hakarak implementa projetos piloto ba energia renovável, hanesan construção Centrais iha Lariguto no iha Bobonaro, ba desenvolvimento eólico; no mós sei investe iha sistemas energia solar nian no sei desenvolve estudo de viabilidade ba construção Central termoelétrica, iha Dili, atu produz energia, husi lixo doméstico no lixo industrial.
IX Governo comprometido atu conclue instalação Cabo de Fibra ótica, hodi garante ligação de internet ho qualidade, ba cidadãos hotu iha país tomak.

Governo sei compromete atu haré fali ba planos de investimento iha transportes terrestres, marítimos no aéreos, ho destaque ba iniciativas tuir mai né:

Advertisement

• Halo revisão profunda ba Código da Estrada, ho incidência ba aumento da segurança, liu husi criação aulas obrigatórias prévias ba exame de condução;

• Hadia instalações portuárias iha Com ho Ataúro;
• Construe instalação portuária ida iha Kairabela, Vemasse, atu facilita acesso husi tasi no fó apoio ba setor do turismo;

• Halo estudos de viabilidade ba construção do porto iha Manatuto no ba criação linha marítima nacional ida;

• Reestrutura no moderniza Porto de Díli, hodi transforma ba Marina da Cidade no Porto ba Cruzeiros;

• Desenvolve Plano Diretor ba Aeroporto Internacional no hala’o ninia expansão;

Advertisement

• Desenvolve estudos de viabilidade ba aeroportos municipais no operacionaliza Aeroporto do Suai.

𝗤𝘂𝗮𝗿𝘁𝗼 – 𝗗𝗲𝘀𝗲𝗻𝘃𝗼𝗹𝘃𝗲𝗿 𝗮 𝗘𝗰𝗼𝗻𝗼𝗺𝗶𝗮

Senhoras no senhores,

Bain-hira ita hakarak cria oportunidades ba povo, ita tenki desenvolve economia diversificada ida, ho base iha agricultura, pescas, pecuária, turismo no investe iha criação pequenas no médias indústrias no empresas, hodi nune’e bele reduz neineik importação bens no produtos, husi rai liur.

Ita labele ko’alia kona-ba soberania plena, se ita la consegue sai autossuficientes, iha ai-han.

Advertisement

IX Governo sei haluan setor agrícola, sei melhora práticas de cultivo no produtividade agrária no sei desenvolve ações atu melhora produção iha culturas agrícolas específicas no sistemáticas, tuir potencial husi região ida-idak iha país.

Kona-ba pecuária, hakarak aumenta produção animal, ba 20% to’o 2028, ho objetivo atu diminui importações de produtos animais husi estrangeiro. Sei investe atu bele incentiva pescadores iha sira-nia esforço da pesca, ho forma sustentável.

Nune’e, ha’u hakarak destaca ka salienta políticas tuir mai:

• Atu cria Laboratório Público ba Investigação Agrícola, hodi haré ba desenvolvimento de programas de investigação, ba principais produtos agrícolas hotuhotu iha Timor-Leste;

• Atu estabelece Instituto de Pesquisa e de Desenvolvimento Agrícola, nebé sei haré liu ba sistemas de produção, hamutuk ho agricultores sira;

Advertisement

• Atu continua melhora práticas agrícolas, hodi aumenta no hadi’a produção no fó apoio ba agricultores, liuliu husi formação, equipamentos no sistemas de irrigação;

• Atu continua fó apoio ba produção do café orgânico ho alta qualidade, inclui promoção do café Timor, iha nível nacional no internacional;

• Atu estabelece Centro de Investigação de Produção Animal, atu haré didiak ba espécies nebé adapta di’ak liu ba condições Timor-Leste nian, hodi melhora qualidade genética no técnicas de reprodução seletiva;

• Atu apoia estabelecimento Associação de Criadores de Gado, hodi facilita bele la’o ba oin no haré ba respetivas políticas no sira-nia iniciativas;

• Atu promove criação de pequenas empresas hofi fó apoio ba pecuária, inclui infraestruturas ba refrigeração, triagem, processamento no embalagem de carne, ho objetivo atu desenvolve indústria pecuária ida, nebé segura no ho qualidade;

Advertisement

• Atu revê estudos nebé hala’o tiha ona iha setor das pescas, hodi identifica ações no estratégias prioritárias ba crescimento setor ida ne’e nian;

• Atu regulamenta no controla pesca no atu promove campanhas, ba pescadores sira no ba comunidades, kona-ba técnicas de pescas, nebé fó risco ki’ik liu ba estraga produção ikan-nian no amibiente nebé hale’u sira;

• Atu investe iha formação de recursos humanos, iha área pescas no aquacultura, hodi apoia serviços técnicos iha tasi-laran no iha aquacultura, no mós ba pesca de alto-mar, ho orientação ba exportação iha futuro;

• Atu elabora ka halo estudos kona-ba estabelecimento entidade ida ho Administração indireta do Estado, ba área das pescas no aquacultura, hanesan Instituto Nacional das Pescas e Aquacultura, ne’ebé sei sai fonte de promoção no motivação ba investimento privado.

Hanesan ha’u temi tiha ona, IX Governo empenhado tebes duni atu lori gasoduto ka kadoras mai Timor-Leste, hodi prova ba mundo katak ne’e solução economicamente viável no segura.

Advertisement

Nune’e, desenvolvimento Costa Sul nian, sei sai centro de atividade, iha setor petróleo no gás natural, ho estabelecimento base logística iha Suai, hanesan mós refinaria petrolífera ida no mós complexo petroquímico iha costa sul no instalação fábrica de gás natural liquefeito, gás nebé sei mai husi Greater Sunrise, liu husi construção gasoduto, husi tasi okos, to’o Rai maran.
Ho projeto Tasi Mane, sei mosu desenvolvimento iha costa sul tomak, ho construção cidades foun no infraestruturas de apoio. La-ós deit exploração, maibé iha ona fase de construção, no mós iha fase operação de infraestruturas no serviços nebé sei mosu tan, sei cria postos de trabalho liu Rihun Limanulo, diretos no indiretos.

País tomak sei beneficia husi projeto ida ne’e, la-ós deit kona-ba aumento do Produto Interno Bruto, maibé kona-ba dinâmica económica nebé fó ba produtividade husi fatores económicos oioin, nebé inclue mós subcontratação de serviços hanesan restaurantes, engenharia, segurança, fornecimento de combustível, serviços de gestão, profissionais no técnicos no necessidades iha produtos agrícolas – ne’e hotu atu menciona deit balun.

Husi sikun seluk, Governo ida ne’e determinado atu haré ba Tasi, husi ângulo seluk, tanba Tasi crucial tebes ba Ema nia moris! Tasi fó buat hotu mai ita: hahán, saúde, conetividade, entretenimento, inspiração no prosperidade.

Husi Tasi, iha setores lubuk ida nebé mosu hanesan motor ho potencial boot ba desenvolvimento sustentável. Husi setores tradicionais – hanesan pescas, portos, construção no transporte naval, atividades portuárias, turismo, petróleo no gás natural –, ba setores estratégicos – hanesan defesa no segurança –, ba setores seluk – hanesan biotecnologia, energias marinhas renováveis no, até mesmo, Tasi ho nia kbit atu halakon carbono.

Atu harí economia Tasi nebé sustentável, sai, tanba ne’e duni, oportunidade ida ba ita-nia País. Ha’u bele dehan mós katak… esperança ida!

Advertisement

Governo sei continua implementa campanha Ha’u nia Tasi, Ha’u nia Timor, atu sensibiliza kona-ba áreas marítimas de Timor-Leste, no sei fó prioridade ba elaboração Política ba Economia Azul de Timor-Leste, ho hanoin ba crescimento sustentável da nação, inclui preservação, conservação no uso sustentável iha ita-nia recursos oceânicos no ba promoção de iniciativas no programas, nebé tau matan ba sustentabilidade ambiental, económica e social.

Política ida ne’e sei presiza esforço conjunto no dinâmico husi vários ministérios no entidades públicas, liuliu sira nebé hetan responsabilidades iha área agricultura no pescas, meio ambiente, negócios estrangeiros, petróleo, administração estatal, defesa no segurança, atu assegura desenvolvimento nebé di’ak no sustentável da Economia Azul.

Programa ida ne’e mós sei dinamiza setor do Turismo, nebé sei alinha ninia estratégia ba atração turística no ba melhoria iha promoção de produtos e ofertas turísticas, turismo marítimo sustentável no ecoturismo de Timor-Leste.

Estratégia ida ne’e mós sei reforça ita-nia estratégia atu preserva no valoriza ita-nia recursos naturais, ita-nia biodiversidade, hodi salvaguarda ho di’ak meio ambiente, terrestre no marítimo, ba desenvolvimento sustentável da economia.

Ikus liu, no antes de hakotu compromisso ida ne’e ba economia, ha’u tenki refere katak Governo sei aposta iha dinamização husi investimento estrangeiro no iha desenvolvimento ba ita-nia setor privado nacional, liu husi cria condições atrativas no seguras, hodi hasai ka reduz tiha obstáculos nebé taka hela dalan, hodi fomenta empreendedorismo, atu setor privado, nacional no internacional, bele sai nudar parceiro nebé di’ak ba Governo iha crescimento económico.

Advertisement

Excelências
Senhoras no senhores, quero agora falar-vos do quinto compromisso.

𝗤𝘂𝗶𝗻𝘁𝗼 – 𝗖𝗼𝗻𝘀𝗼𝗹𝗶𝗱𝗮𝗿 𝗮 𝗚𝗼𝘃𝗲𝗿𝗻𝗮𝗰̧𝗮̃𝗼

Para além de reformas legislativas, nebé sei hala’o, Governo sei aposta iha política económica, nebé bele contribue ba desenvolvimento investimento privado nian no iha política fiscal ida nebé sei contribui ba equilíbrio fiscal nebé boot liu, liu husi sistema tributário ida nebé hatama receitas domésticas barak liu, hodi kaer regime fiscal nebé competitivo, no bele atrai investimento.

Iha tinan 5 mai ne’e, Governo hakarak cria campos de trabalho ba hotu, hodi bele reduz taxa de pobreza mínima ba 10%, liu husi desenvolvimento das infraestruturas no desenvolvimento iha tecido económico, hanesan temi ona. Política di’ak ida ba setor financeiro mak sei contribui ba mudança iha estrutura economia-nian, nebé depende hela ba despesas públicas, atu lori ba economia nebé sustentável, liu husi aumenta atividades husi setor privado.

Setor privado la progride, liuliu, tanba hein deit projetos do Estado no la iha acesso ba crédito no financiamento, ba prazo naruk ho funan nebé nataton. Bancos sira nebé iha, fó deit crédito ba organizações internacionais no ba empresas nebé mai husi sira-nia rain no ba setores nebé depende liu ba contratos ho Governo no husi investimento público.

Advertisement

Governo sei estabelece Banco de Desenvolvimento de Timor-Leste, ho objetivo atu facilita acesso ba financiamento ho longo prazo, ho taxas de juros nebé acessíveis, atu empreendedores bele participa iha desenvolvimento da Nação.
Husi sikun seluk, Governo sei apoia no expande Banco de Comércio Nacional de Timor-Leste ba municípios no postos administrativos, hodi nune’e micro, pequenas no médias empresas, urbanas no rurais, bele ona halo parte ativa iha crescimento económico.

Governo hakarak mós katak, iha ninia política de investimentos, Fundo Petrolífero bele mós considera investimentos nebé empresas sira halo husi sira-nia ações. Ba ne’e, Governo sei hametin capacidades husi empresas estatais existentes, hodi nune’e bele orienta sira-nia atividade atu promove investimentos iha Timor-Leste no hodi avalia didi’ak efeitos financeiros no económicos ba Estado, liu husi promove atividades husi empresas estatais ba setores produtivos.

Governo mós sei estabelece Corporação de Investimento de Timor-Leste (TLIC), nudar companhia estatal ba investimento no mós atu capitaliza companhias estatais, liu husi planos de negócios.

Governo sei aprova Regime ba Setor Empresarial do Estado, hodi melhora ninia acompanhamento ba empresas estatais no promove participação husi Estado iha investimentos privados no contribui ba ninia retorno financeiro e económico.

No mós sei haré ba mecanismo de diversificação financeira, liu husi “Ações para o Investimento do Setor Privado” (Equity Participation), nebé Governo hakarak atu implementa, tanba sei estimula investimentos husi setor privado, sei promove desenvolvimento das infraestruturas, no sei contribui ba diversificação da economia no criação do emprego, hodi bele arrecada ka hatama receitas ba Estado.

Advertisement

Políticas sira né só iha sentido, quando Governo continua fortalece política fiscal no política de gestão das finanças públicas ho transparência, responsabilidade, eficiência no sustentabilidade. Nudar prioridade ida iha ninia mandato, Governo sei, tanba né, reforma Gestão das Finanças Públicas.

Governo sei mós garante katak sei fila ba rigor da execução da despesa pública, hodi investe iha descentralização financeira ba instituições públicas no ba autoridades regionais no municipais, hodi reforça capacidades husi Instituições públicas, liu husi interligação do sistema informático iha setor público ho sistema informático financeiro. Hamutuk ho ida né, Governo sei kaer fali “orçamentação por programas”, atu evita halo despesas irrelevantes, nebé fó dalan ba corrupção.

Sexto – Promover a Boa Governação e Combater a Corrupção
Ikus ona, Governo sei servisu atu garante setor público nebé forte, honesto no eficiente, associado ba mecanismos de justiça no segurança interna nian, nebé sei contribui ba segurança no prosperidade País-nian.

Governo sei atua ho determinação:
• Iha avaliações de desempenho no promoção ho base iha mérito;

• Iha combate contra corrupção, liu mós husi medidas de prevenção. Membros Governo ida ne’e sei la sai hanesan exceção, tanba sei aprova Código de Conduta;

Advertisement

• Liu husi tecnologias de informação, inclui mós Governo eletrónico, no liu husi cooperação nebé di’ak ho meios de comunicação social iha país, sei promove boa governação;

• Iha Reforma no Modernização da Administração Pública;
• iha Fortalecimento Institucional, inclui halo revisão ba matriz organizacional iha instituições;

• Iha formação no capacitação dos recursos humanos iha Administração Local do Estado, ho objetivo atu hadi’a prestação de bens no serviços públicos locais.

Hanesan ha’u dehan iha kedas início, Governo sei hala’o processo de Descentralização, hodi aposta iha potencialidades município ida-idak nian, ho hanoin katak processo ne’e bele considera hanesan segunda Independência ba País, iha nebé ema hotu bele contribui ba ninia desenvolvimento rasik.

Nune’e, iha tinan lima mai, ita sei hahú processo Poder Local, liu husi Descentralização nebé faseada ba Governo no ba Assembleias Municipais, depois de cria tiha ona condições infraestruturais no técnicas. Objetivo ida ne’e sei la realiza, bain-hira la iha participação ativa no responsável husi Timoroan sira hotu, husi ponta leste ba ponta oeste.

Advertisement

Ikus liu, iha âmbito boa governação no combate ba corrupção, ha’u sei labele evita ko’alia, dala ida tan, kona-ba Justiça no Defesa e Segurança. Iha assunto ida ne’e, IX Governo Constitucional sei fó prioridade ba:

• Implementação Conceito Estratégico de Defesa e Segurança Nacional, inclui revisão no aprovação ba ninia respetivo quadro legal;

• Reforma no reestruturação imediata ba Sistema Nacional de Inteligência, atu bele garante integridade no profissionalismo iha instituição ida ne’e;

• Reestruturação iha Polícia Científica de Investigação Criminal, tanba necessidade absoluta atu iha integridade no profissionalismo nebé boot liu;

• Revisão ba Plano Estratégico de Segurança Interna 2030, atu bele adequa Plano ne’e ba desafios nebé iha daudauk, iha setores Segurança Interna no Proteção Civil;

Advertisement

• Elimina partidarização husi Forças de Segurança e Defesa do país;

• Implementa Reforma nebé kle’an iha Setor da Justiça, no criação Supremo Tribunal de Justiça, ho formação irrepreensível ka di’ak liu ba Juízes no Procuradores.

Senhora Presidente do Parlamento Nacional
Vice-Presidentes do Parlamento Nacional
Senhoras no Senhores Deputados,

Ha’u tenki dehan katak dalan nebé iha ita-nia oin, dalan ne’e nakonu ho desafios. Desafios ne’ebé ita tenki enfrenta ho responsabilidade.

Ne’e programa ida nebé exige determinação nebé forte, perseverança no honestidade, tanba dala ruma fácil liu bain-hira ita hahú do que bain-hira ita tenki corrige processos no sistemas, vícios no hábitos nebé instala ona iha fatin hotu-hotu. Maibé, precisa duni halo, atu bele la’o fila fali husi dalan ba progresso.

Advertisement

No ita hotu tenki preparado ba conjunturas nebé ita la consegue prevê agora. La-ós deit crise interna husi irregularidade democrática nebé ita hasoru foin daudauk iha ita-nia País, nebé provoca duni estagnação social no económica. Ne’e mosu mós tanba falta de capacidade atu analisa no supera ka hakat-liu crises sira seluk, iha mós cenário internacional, nebé lori ita mai to’o atual estado Nação-nian.
Ita mós enfrenta pandemia global, ho impacto nebé boot iha mundo tomak, pandemia nebé provoca milhões de vítimas mortais, obriga taka fronteiras, no halo democracia global sai fraca tiha no lori ba crise económica no social iha mundo, nebé agrava liu tan pobreza no desigualdades iha mundo.

Timor-Leste la consegue escapa husi situação ida nebá!

Cheias iha 2021, la provoca deit ema mate barak maibé lori estragos graves ba País. Liu tiha tinan 2, ohin loron mós ita sei sinti, oitoan ka barak iha fatin hotuhotu, desastres husi udan, hodi estraga estradas no uma barak nebé seidauk hadia… no buat sira né hotu fó lembra mai ita kona-ba importância ba ordenamento territorial, liuliu iha capital de Díli.

Menos de tinan ida liu tiha, mosu funu iha Ucrânia. No ita, nebé dook tebes husi nebá, labele indiferente ba funu ida ne’e iha Europa. Funu ida ne’e lori mós incertezas barak mai ita-nia jovem Estado, nebé precisa atu desenvolve.

Guerra la-ós deit ação nebé at no foer liu, husi ser humano. Funu iha Ucrânia la-ós deit provoca ona crise humanitária nebé boot liu, husi Segunda Guerra Mundial, maibé provoca mós instabilidade democrática no económica iha países barak, husi nebé Timor-Leste la-ós exceção ida, ho quebras iha abastecimentos, no ho pressão inflacionária internacional, ho aumento iha preço energia no matérias primas.

Advertisement

Comunidade Internacional, nebé sempre lalais no presente iha ninia apoio mai Timor-Leste, continua duni, durante crises sira né, presta ninia solidariedade mai ita-nia povo. Maibé países doadores no agências internacionais iha mós povos barak nebé moris iha terus laran atu sira tau sira-nia atenção.

Timor-Leste tenki prepara-an atu lida ho crises nacionais no internacionais, no hasoru complexidades no desafios nebé mundo fó mai ita – husi conflito ba guerra, husi crise refugiados ba fanatismo husi terrorismo, husi insegurança marítima ba alterações climáticas, Timor-Leste labele deit buka abrigo iha “tempestades” sira ne’e, hodi haluha katak, iha liur nebá, iha mundo ida ho mudança nebé permanente.

Ita tenki enfrenta mundo ho forma proativa, tanba la iha país ida nebé consegue ultrapassa mesa-mesak desafios nebé globais.

Timor-Leste iha capacidade atu iha voz mais ativa iha palco internacional ho experiências nebé válidas atu partilha ka fahe, la-ós deit iha âmbito Países g7+ nian, maibé ho rai seluk tan iha mundo. Ita-nia sucesso iha resolução pacífica de disputas, iha caso delimitação de fronteiras marítimas, liu husi CNUDM no tuir direito internacional, hamosu respeito mundial mai ita.

Ita hakarak continua atu retribui solidariedade, nebé ita simu durante tinan sira funu nian no depois de restaura ita-nia Independência, atu hatutan ita-nia voz ba movimento internacional iha promoção ba reconciliação, paz no estabilidade.

Advertisement

Ita sei promove multilateralismo, nudar objetivo prioritário ba política externa, iha complexidade conjuntura internacional nian. Ita sei reforça ita-nia envolvimento iha ONU no iha Agências Internacionais seluk, hodi participa iha temas centrais hanesan alterações climáticas, iha assuntos Tasi-nian no sustentabilidade ba oceanos, iha Economia Azul, iha questão kona-ba migrações no refugiados, nune’e mós iha iniciativas ho cariz humanitário.

No, claro, sei fortalece relações de amizade, cooperação no solidariedade ho Estados hotuhotu, no mós ho países amigos no parceiros de desenvolvimento, liuliu ho Rai sira nebé “próximos” ka besik, hanesan ita-nia vizinhos, países da região, ka ho países da CPLP, no mós ho Países hotu nebé fó sira-nia apoio incondicional mai ita, durante várias fases de construção da paz e da Nação.

Ha’u tenki temi, ho gratidão, katak iha fulan ida ne’e duni, iha fulan ami simu posse, ita hetan honra boot ho visitas husi Ministro dos Negócios Estrangeiros do Japão, Ministra de Negócios Estrangeiros da Austrália no mós husi Primeiro-Ministro de Portugal. Amizade no cooperação bilateral, nebé sira hatudu, sei reforça Ita-nia convicção katak ita bele duni cumpre Ita-nia missão ba Timoroan sira.

Husi compromisso ida ne’e, halo mós parte atu prepara-an didi’ak atu tama nudar Membro pleno iha ASEAN no iha Organização Mundial do Comércio.

Tan ne’e hotu, agora ha’u lança ha’u-nia segundo repto:

Advertisement

Ita hotu tenki sai diplomatas ba ita-nia País!
Ita tenki construi imagem credível ba país independente ida ne’e, nebé responsável no iha dalan ba desenvolvimento, nebé mós defende tolerância, direitos humanos, Estado de direito democrático no sistema mundial nebé haktuir regras internacionalmente aceites.
Independentemente ba ita ida-idak nia condição profissional, social ka económica, ita sei dignifica ita-nia presença iha estrangeiro, enquanto ita haré ba Rai Laran hodi atrai investimento, comércio no turismo mai Timor-Leste.
Atu remata, ha’u agradece ba Distintos Deputados Ita-Boot sira-nia colaboração no determinação atu debate no melhora agenda estratégica ba IX Governo Constitucional.

Loron aban começa ohin, iha ne’e no agora kedas. Ita sei responde ba ita-nia mandatos – husi Parlamento no husi Governo – mandato nebé ita simu husi ita-nia Povo. Ne’e mak ita-nia dever, ne’e maka ita-nia responsabilidade.

Ha’u conta ho Ita-Boot sira-nia voto de confiança hodi, hamutuk, ita bele cria oportunidades ba ita-nia Povo!

Tenho dito!
Obrigado wain.

Díli, 18 jullu 2023 

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

JSMP Ezije Altera Artigu 1475 Kodigu Sivíl Tanba Halo Diskriminasaun Relijioza

Published

on

Hatutan.com, (29 Fevereiru 2024), Díli– Programa Monitorizasaun Sistema Judisiáriu (JSMP, sigla Ingles) kontinua halo advokasia bá alterasaun artigu 1475 Kódigu Sivíl tanba konsidera hamosu diskriminasaun bá relijioza sira ne’ebé la’ós Katólika.

(more…)

Kontinua Le'e

Nasionál

Governu Aloka Millaun $12 bá Komisaun Altu Nivel Institusionál bá Vizita Papa Francisco

Published

on

Hatutan.com, (28 Fevereiru 2024), Díli- Governu liuhosi reuniaun Konsellu Ministru, Kuarta (28/02/2024),  delibera atu autoriza despeza to’o millaun $12 hosi fundu kontinjénsia bá Komisaun Altu Nivel Institusionál bá vizita Sua Santidade Papa Francisco.

(more…)

Kontinua Le'e

Nasionál

SEKOMS Halo Plájiu, Hamoe Instituisaun Estadu

Published

on

Hatutan.com, (28 Fevereiru 2024), Díli–Asia Justice and Right (AJAR)  konsidera atitude  plájiu  Sekretária Estadu Komunikasaun Sosiál (SEKOMS) hodi kopia konteúdu livru planu estratéjiku Konsellu Imprensa  (CI, sigla portugés) Timor-Leste  2022-2026 nu’udár aktu krime plagiatu no hamoe instituisaun Estadu.

(more…)

Kontinua Le'e
Advertisement

Trending