Connect with us
Pakote Ahi

Dili

Negosiante Ativu iha Merkadu Taibessi 1.563 no iha Largo Lecidere 315

Published

on

Hatutan.com, (16 Agostu 2023), Díli—Total negosiante ka vendedór ne’ebé daudaun ne’e hala’o atividade negósiu iha espasu Merkadu Taibessi, Díli hamutuk na’in-1.563.

Lee Mós: Negosiante Sira iha Tasi Tolu Husu Ekipa Jestaun Merkadu Atua ho Imparsiál

Atividade negosiu iha Merkadu Taibessi, Díli, Kuarta, 16 Agostu 2023. Foto/Lazaro Pereira Quefi

Hosi negosiante hirak-ne’e iha negosiante 158 ativu  halo atividade negósiu iha fatin ka barraka  180 hodi fa’an roupa foun, la ativu na’in-lima (5) no na’in-rua seluk abandona sira-nia atividade no sira-nia fatin.

Lista jerál negosiante inklui fatin kada tipu negósiu iha merkadu Taibessi 2023 ne’ebé Hatutan.com asesu  hosi koordenadór jestór Merkadu Taibessi, António Manuel Araújo,  katak hosi númeru  ne’e iha mós okupante kos 14, fatin ba fa’an roupa bosan (OB/obralan) hamutuk 245 ne’ebé negosiante ativu 212, la ativu na’in-tolu (3), fatin abandona 23  no okupante/kos  hotu (7).

Advertisement

Fatin bá kioske hamutuk  125 ne’ebé okupa hosi negosiante ativu 121, la ativu 0, fatin abandonadu haat (4), okupante/kos ida (1).

Fatin bá restaurante nian 20 ho total negosiante restaurante ne’ebé ativu 19, la ativu  ida (1), fatin abandonadu 0 no okupante/kos 0.

Fatin fa’an na’an ka matadouru iha 16,  ho negosiante ativu 15, la ativu ida (1), fatin abandonadu 0 no okupante/kos 0.

Fatin bá fa’an ikan 45 ho total negosiante na’inm-45  no fatin fa’an produtu lokál, modo-tahan, ai-fuan, fehuk, ai-fariña, ai-manas, tomate, lakeru, koto, no seluk-seluk tan, hamutuk 1.140 ho total negosiante ativu 960, la ativu 16.

Koordenadór Jestór Merkadu Taibessi, António Manuel de Araújo. Foto/Lazaro Pereira Quefi

“Liga bá ita-nia negosiante sira ne’e kada loron sempre iha volume aumenta tamba iha merkadu ne’e la’ós abitante sira iha Díli de’it mak asesu maibé mai hosi mó munisípiu.  Ha’u bele dehan iha Merkadu Taibessi ne’e iha negósiu ida fa’an permanente no negósiu ambulante lori sasán hosi foho mai fa’an iha ne’e, se karik demora tempu uitoan mak iha loron rua ka loron tolu hafoin sira husik Merkadu Taibessi fila fali ba foho no balu hela Dili laran,” Koordenadór Jestór Merkadu Taibessi, António Manuel de Araújo informa bá Hatutan.com iha nia servisu fatin, Merkadu Taibessi, Díli, Kuarta (16/08/2023).

Servisu Jestaun Merkadu kontínua halo observasaun  bá movimentu sira iha Merkadu Taibessi, atu nune’e, negosiante sira bele hala’o sira-nia atividade ho di’ak no seguru.

Advertisement

Kona-bá fasilidade saneamentu no bee-moos,  António Manuel de Araújo , hateten problema mak bee iha loron hirak liubá la mai, maibé foin lalais hosi parte Servisu Bee-Timor Leste (BTL) instala ona bee bomba ida atu fornese fali bá fasilidade saneamentu estabelese ona iha Merkadu Taibessi.

Presiza Hadi’a Jestaun Merkadu

Ministru Komérsiu no Indústria (MKI), Filipus Nino Pereira, vizita Merkadu Manleuana, Díli, Sesta (28/07/2023). Foto/Elio dos Santos da Costa

Molok ne’e, Sesta, 28 fulan-Agostu 2023, Ministru Komérsiu no Indústria, Filipus Nino Pereira akompaña Prezidente Autoridade Munisípiu Díli, Guilhermina Filomena Saldanha Ribeiro, halo vizita ida bá  haree kondisaun merkadu sira hotu iha Dili laran, hanesan Merkadu  Taibessi,  Mernkadu Manleuana ho atividade negosiante ambulante iha Largo Lecidere.

Hosi vizita sira-ne’e, reprezentante Governu sentrál ho reprezentante Governu lokál ne’e nota katak presiza duni iha jestaun merkadu ida efikásia no efisiénsia atu bele iha espasu di’ak bá vendedór sira hotu halo atividade negósiu hodi evita sira fa’an sasán iha dalan ninin.

“Ita preokupa tamba ne’e ita presiza atu iha jestaun ida ne’ebé di’ak hodi bele akomoda vendedór sira hotu hodi sira bele fa’an ho di’ak, atu ema bele sosa iha ambiente ida seguru no saudavel,” Ministru  Filipus Nino Pereira hateten.

Governu ne’e konsidera  presiza tebes estabelesimentu merkadu hodi halo tratamentu ne’ebé mak dignu bá vendedór sira, tamba ne’e mak hanesan merkadu Manleuna presiza atu alarga tan tamba iha parte kraik liberta tiha ona iha ne’ebá nune’e bele hadi’a tan fatin balu apropriadu hodi asegura vendedór sira hotu.

Advertisement

Iha Merkadu Taibessi, Ministru Filipus Nino Pereira, hateten  presiza duni hadi’a tamba ne’e área Estadu nian tan ne’e mak agora  iha liña koordenasaun ho Diresaun Nasional Teras no Propriedade (DNTP) atu identifika fatin, tamba ne’e se akompaña informasaun hosi Prezidente Autoridade Munisípiu Díli nian tamba rai por volta ektare 12 mak presiza nia konseitu atu haree tamba aban bainrua nia sai hanesan boa-merkadu bá vendedór sira.

“Hau husu nafatin kooperasaun, koordenasaun hodi servisu hamutuk tantu hosi parte autoridade Munisípiu Díli nian inklui mós vendedór sira. Governu sei la taka matan maibé kontínua buka hodi asegura fasilidade importante mak vendedór sira tenke iha kooperasaun,” Filipus Nino Pereira hateten.

Oras ne’e daudaun Ministériu Komérsiu no Indústria hahú estabelese ona merkadu munisipál iha fatin balu hanesan iha Lautem ho Baucau no sei kontínua bá iha munisípiu sira seluk tamba merkadu sai fatin sirkulasaun bá ekonómiku.

Prezidente Autoridade Munisípiu Díli, Guilhermina Filomena Saldanha Ribeiro, durante ne’e públiku preokupa mak negosiante sira ne’ebé okupa espasu públiku hodi halo negósiu hanesan iha estrada ninin Audian, Becora, besik Terminal Becora, Elemloi-Delta,  Bairru-Pite, iha antigu Merkadu Comoro, Largo Lecidera ho mós iha estrada ibun Kampu Baru nian.

Vendedór iha Largo Lecidera 315

Advertisement

Prezidente Autoridade Munisipiu Dili, Guilhermina Filomena Saldanha Ribeiro.

Iha loron 15 fulan-Agostu 2023, Prezidente Autoridade Munisípiu Díli, Guilhermina Filomena Saldanha Ribeiro, hamutuk ho Diretór Jestaun Merkadu no Turizmu,  Artur Henrique, no Administradóra Postu Administrativu Na’in Feto, Ermina Martins, no mós ekipa Jestaun Merkadu hala’o observasaun servisu bá iha Jardim Largo Licedere Díli.

Vizita servisu ne’e kontínua  ko’alia ho vendedór sira ne’ebé mak hala’o atividade negósiu iha Arredores Largo Licedere nian atu kontinua koopera servisu ho Estadu liu-liu asegura lixu bá iha sira-nia fatin.

Tuir dadus husi Jestaun Merkadu no Turizmu Autoridade Munisípiu Díli nian katak, iha tinan 2008 Vendedór sira iha Largo Licedere ne’e hamutuk 93 no iha tinan ida ne’e Jestaun Merkadu kontínua rekolla fila fali dadus bá vendedór sira iha Largo Licedere hamutuk ona 315.

Jornalista Estajiáriu : Lazaro Pereira Quefi

 

 

Advertisement

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Dili

Harii Tan Merkadu Ida iha Díli Hodi Akumula Vendedór sira

Published

on

Hatutan.com, (21 Maiu 2024), Díli- Haree bá kondisaun merkadu rua iha Díli; Manleuana ho Taibessi, la konsege akumula hotu vendedór sira, liuliu hirak ne’ebé kontinua utiliza espasu públiku hodi halo atividade, hanesan iha Elemloi-Delta nian, Kampu Baru-Comoro, iha Terminal Becora ho mós iha Audian nian, maka Bankada Parlamentár KHUNTO husu Governu harii tán merkadu hodi bele akumula  vendedór sira  ne’e.

(more…)

Kontinua Le'e

Dili

Asiste Feira iha Portu Díli, PNTL Halibur Motór 23 Tanba Estasiona iha Trotoar Leten

Published

on

Hatutan.com, (21 Maiu 2024), Díli- Polísia Nasionál Timor-Leste (PNTL) liuhosi Unidade Tránzitu Komandu Munisípiu Díli halo apreensaun ka halibur motorizada hamutuk 23 tanba estasiona fali mór iha trotoar leten.

(more…)

Kontinua Le'e

Dili

Konfrontu iha Ai-tarak Laran, Uma 2 Rahun no Polísia Detein Suspeitu Na’in-14

Published

on

Hatutan.com, (15 Maiu 2024), Díli-Polisia Nasionál Timor-Leste (PNTL) Munisípiu Díli, kaptura no detein  suspeitu na’in-14 tanba envolve iha kazu konfrontu ka tuda-malu entre juventude sira iha área Ai-tarak Laran ho Kampung Alor iha Tersa kalan (14/05/2024).

(more…)

Kontinua Le'e
Advertisement

Trending