Hatutan.com, (14 Setembru 2023), Díli— Asosiasaun Tane Konsumidór husu bá Governadór foun Banco Central Timor Leste (BCTL), Helder Lopes atu fó protesaun bá Kliente sira.

Tane husu ne’e tanba Banco Central de Timor-Leste (BCTL) nu’udár entidade reguladora bá servisu bankáriu sira no mós plataforma Fintech sira buka hala’o ninia prestasaun nu’udár servisu públiku ne’ebá mak obedese ba prinsípiu sira nu’udár Servisu Públiku Esensiál.

Lee Mós: Governadór Foun BCTL Helder Lopes iha Kompromísu Hitu Atu Dezenvolve Seitór Finanseiru TL

“Prestadór servisu bankáriu presiza fornese servisu ne’ebé ho kualidade ba klienta sira,” Hatutan.com sita komunikadu.

BCTL nu’udár entidade reguladora presiza iha balansu  iha atuasaun sira entre fornesedór servisu bancarios no konsumidór sira.

Iha fulan Dezembru tinan 2021 Tane hato’o  ninia karta loby ne’ebé hatama ba Governadór BCTL nian no iha mós apontamentu balun hanesan:  La iha legislasaun espefisika ne’ebé hodi proteje konsumidór sira, assesu ba informasaun ne’e direitu konsumidór sira nian, prestadór servisu bankáriu tenke fó informasaun ne’ebé mak loos no loloos, kobransa komissaun sira ne’ebá abusiva, kobre kustu transferénsia nasionais e internasionais ne’ebé  kobre hosi haruka no mós simu.

Reforsa liu tán Tane Konsumidór hato’o ona bá Governu liu hosi Ministériu da Prezidénsia do Conselho de Ministro (MPCM), iha fulan Outubru tinan 2022,  atu aprova lejislasaun sira kona-bá “enquadramento legal ba servisu bancarios no financeiros’’.

Lee Mós: Xanana Fiar Helder Lopes Lidera BCTL Sei Hala’o Funsaun ho Responsabilidade

Jornalista Estajiáriu: Lázaro Pereira Quefi