Defeza & Seguransa
Polísia Kaer Joven Na’in-9 Na’ok Motór iha Díli
Hatutan.com (29 Setembru 2023), Díli— Polísia Nasionál Timor Leste (PNTL), liu hosi ekipa konjunta kompostu hosi Servisu Investigasaun Kriminál Nasionál (SIKN), Servisu Informasaun Polísia Nasionál (SIPN) Aranha Oeste, Forsa Polísia (FP), junta ho Servisu Nasionál Intelijensia(SNI), halo vizilánsia durante loron 3 no konsege asegura joven na’in-9 ne’ebé komete krime furtu argavadu hodi na’ok motór iha kapitál Díli.
Polísia Nasionál Timor Leste (PNTL), halo vizilánsia durante loron 3 no konsege asegura joven na’in-9 ne’ebé komete krime furtu argavadu hodi na’ok motór iha kapitál Díli. Foto: PNTL.
Durante halo survelénsia, ekipa asegura uluk suspeitu na’in-4 iha área Tasi-tolu, na’in-4 seluk iha área Caicoli no ikusliu kaptura na’in-1 iha área Bebora.
Lee Mós: Perturba Órden Públika Tenke Kaer Hatama bá Kadeia
Ekipa mós rekolla evidénsia motór beat kor metan rua laiha xapa matríkula, inklui telemóvel tolu ho marka I-phone, Samsung no Oppo hosi suspeitu sira.
“Iha prosesu identifikasaun suspeitu sira deklara motorizada hirak ne’e foti iha fatin sira iha Dili laran hanesan Taibessi, Tasi-tolu no balun hosi Munisípiu Covalima. Sira mós deklara katak, evidénsia balun sira fa’an ona ba ema seluk ne’ebé sira rasik la koñese ho presu ne’ebé barratu tebes,” Hatutan.com sita komunikadu.
Suspeitu na’in-9 ne’e ho inisiál RDP alias (RB), AJDS alias AD, RML, AMA, RDS, JSS, ACF, LCA no LDP. Antes ne’e, suspeitu hirak ne’e komete ona kazu hanesan hadau telefone iha dalan públiku, ataka membru seguransa, sobu loja no na’ok telefone iha kalan bainhira ema hotu deskansa.
Xefe SIP Nasionál orienta ona ekipa konjunta dezenvolve kazu no fahe ekipa halo vizilánsia totál hodi rekolla tán evidénsia seluk inklui sindikatu sira ne’ebé involve iha kazu refere.
Oras-ne’e daudaun evidénsia sira ne’e iha ona PNTL nia liman, nune’e husu ba komunidade ne’ebé durante ne’e motór no telefone lakon bele mai direta iha edifísiu SIKN iha Kuartél Jerál PNTL Caicoli Díli, lori ho dokumentu komprovativu hodi halo konfirmasaun.
Jornalista: Rogério Pereira Cárceres
Defeza & Seguransa
Dezenvolvimentu F-FDTL Tenke Tuir Konseitu Estratéjiku Defeza no Seguransa Nasionál
CIVICUS Monitor: Timor-Leste País Ne’ebé Livre Liu iha Sudeste Aziátiku
Seitór Justisa Dezorientadu no Moras Todan, Sei Reforma Buat Tolu
Ministériu Públiku Mak “Budu” Kazu Ró Haksolok
Falur Alerta Ikus bá Membru F-FDTL Ne’ebé Involve GAM-GAR
Dezenvolvimentu F-FDTL Tenke Tuir Konseitu Estratéjiku Defeza no Seguransa Nasionál
DIT Hahú Introdús ba Estudante Sira Kona bá Seguransa ba Dadus Importante
MAPKOMS “Duvida” ho Sustentabilidade Institutu Formasaun Komunikasaun Sosiál no Multimedia
Nomeasaun Xefe Kaza Militar Foun Hein Konkordánsia Prezidente Repúblika
“The new forms of cultural colonization”, “The illusion of communication”: Husi Amo Daschback, SVD ba Amo Abito Brites to’o Amo Belo, SDB
Amora Lemos Dikontrak Sony Music, Resmi Jadi Penyanyi Profesional
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Defeza & Seguransa1 week agoKompetisaun Tiru Iha Darwin, Militár Timoroan Na’in-Tolu Sai Vensedór
-
Defeza & Seguransa2 days agoKonfrontu iha Fatuquero, Membru PNTL Ida Kanek no Kaptura Na’in-10
-
Nasionál5 days agoEmpreza Haat Sai Vensedora bá Esplorasaun Minerál
-
Nasionál1 week agoProjetu Konstrusaun Ponte Kasnafar-Kunsing Sei Gasta Millaun $3-resin
-
Polítika7 days agoPrezidente Repúblika Sei Veta Subsídiu Transporte-Saúde bá Deputadu Sira
-
Desportu2 days agoFrancisco Kalbuadi Lay ho Nilton Gusmão Kompete iha Kongresu Estraordináriu FFTL 2024
-
Nasionál7 days agoDiresaun Rekursu Umanu Sei La Estende Kontratu Funsionáriu Kazuál 300-resin Tuir Notifikasaun Ministru Kalbuadi
-
Ermera6 days agoAutoridade Lokál Letefoho Apoia Xefe Estadu Veta Subsídiu Transporte-Saúde bá Deputadu Sira