Connect with us
Pakote Ahi

Internasionál

Jokowi Simu Xanana iha Forum AIS Bali

Published

on

Hatutan.com (10 Outubru 2023), Díli—Prezidente Repúblika Indonézia, Joko Widodo (Jokowi) simu no agradese bá partisipasaun Primeiru-Ministru (PM), Kay Rala Xanana Gusmão ho Xefe Governu rai seluk ne’ebé partisipa iha Forum Estadu Arkeolójiku ka Archipelagic and Island States Forum (AIS Forum) iha Nusa Dua, Bali.

Prezidente Repúblika Indonézia, Joko Widodo (Jokowi) simu Primeiru-Ministru (PM), Kay Rala Xanana Gusmão ne’ebé partisipa iha Forum Estadu Arkeolójiku ka Archipelagic and Island States Forum (AIS Forum) iha Nusa Dua, Bali, Tersa (10/10/2023). Foto: Rogério Pereira Carceres.

Jokowi mós oferese han kalan nian bá bainaka sira hotu ne’ebé hala’o iha área Nusa Dua, Munisipiu, Bali, Tersa kalan iha tuku 18:30.

Lee Mós: Xanana Akan Hadiri Forum AIS di Bali

Xanana partisipa iha serimónia ne’e uza ropa modelu (tenun endek khas Bali) tama iha odamatan boot  simu ho parede militár no kontinua ba kaer liman ho Xefe Estadu Indonézia no Ministra Negósiu Estranjeru, Retno Marsudi.

Advertisement

“Bem-vindo mai Bali no Bem-vindo mai Indonézia hodi partisipa iha Konferénsia Nivel Altu no serimónia gala dinner KTT AIS Forum,” Jokowi hateten bainhira kaer liman ho Xanana.

Alende simu eis Prezidente Repúblika Xanana, Jokowi mós simu Primeiru-Ministru, Niue Dalton Tagelagi, Prezidente Mikronesia Wesley Simina, Primeiru-Ministru, São Tome Principe, Partice Emery Trovoada no Primeiru-Ministru Tuvalu Kausea Natano.

Xefe Estadu Indonézia ne’e simu mós Vise Primeiru-Ministru Fiji, Manoa Seru Nakausabaria Kamikamica no Primeiru-Ministru Tonga Samiu Kuita Vaipulu.

Konferénsia Nivel Altu ka AIS Forum ne’ebé sei selebra ofisiál iha loron 11 Otubru 2023, partisipa direita hosi xefe governu nasaun 30 no reprezentante hosi nasaun 51 no organizasaun internasionál haat ne’ebé servisu foka iha área “Ekonomia Azul”.

Enkontru Nivel Altu AIS Forum foka assuntu globál haat iha área importante hanesan, mitigasaun ka mudansa klimatika, ekonomia azul, sistema atendimentu lixu plástiku iha tasi no sistema kontrolu marítima.

Advertisement

Forum AIS ne’e hanesan sumáriu badak ida hosi Forum Arkeipellu no Estadu Illa ka Ilha nasionál no Ilha Kiik.

AIS nu’udár ponte kooperasaun entre nasaun illa sira no illa sira iha mundu ne’ebé ho objetivu atu hametin kolaborasaun hodi hasoru problema globál sira, liuliu dezenvolvimentu tasi-ibun.

Ekonomia Azul iha ne’e relasaun ho dezenvolvimentu indústria ho utilizasaun rekursu sira iha tasi laran ba sustentabilidade ekonomia rai laran nian. Ho konseitu ida ne’ebé kontinua assegura no proteze ekosistema tasi nian.

Governu anteriór prodús konseitu ida-ne’e hanaran Blue Ekonomia konsentra iha indústria peska.

Jornalista: Rogério Pereira Cárceres

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Internasionál

Governu Aprezenta Vizaun Estratéjika Hitu Kona-bá Pos-Adezaun Timor-Leste Bá OMK

Published

on

Hatutan.com, (25 Fevereiru 2024), Abu Dhabi– Iha ámbitu konferénsia interministeriál dala-13 ne’ebé hala’o iha Sentru Espozisaun Nasional Abu Dhabi (ADNEC), Abu Dhabi, Emiradus Arabes Unidus (EAU), hosi loron  26 to’o 29 Fevereiru 2024, Timor-Leste hetan biban hodi aprezenta ninia vizaun estratéjika sira, saida de’it mak presiza halo, molok ofisializa nu’udár membru plenu 166 iha Organizasaun Mundial Komérsiu (OMK).

(more…)

Kontinua Le'e

Internasionál

Timor-Leste, Nasaun Ne’ebé Lais Liu Prienxe Rekizitu Sai Membru OMK

Published

on

Hatutan.com, (25 Fevereiru 2024), Abu Dhabi- Diretora Jerál Organizasaun Mundiál Komersiu (OMK), Ngozi Okonjo-Iweala, konsidera katak, Timor-Leste nu’udár nasaun ne’ebé lais liu prienxe rekézitu sira sai membru plenu OMK kompara ho nasaun adezaun sira seluk.

(more…)

Kontinua Le'e

Internasionál

Adezaun Timor-Leste bá OMK Fó Implikasaun Kle’an bá Futuru Ekonomia

Published

on

Hatutan.com (25 Fevereiru 2024), Abu Dhabi-Tuir ajenda hosi komisaun organizadora iha eventu altu nivel ligadu ho konferénsia ministerial dala-13 Organizasaun Mundial Komérsiu (OMK) nian, katak, iha Segunda dadeer, 26 fulan-Fevereiru 2024, estadu membru mak daudaun dirije hela organizasaun mundiál  ne’esei simu ofisiálmente Timor-Leste hanesan membru plenu iha OMK.

(more…)

Kontinua Le'e
Advertisement

Trending