Connect with us
Pakote Ahi

Internasionál

SEKOMS “La Entende” Regra DSA Internasionál bá Viajen Estranjeiru, Jornalista Hatutan.com Sai Vítima iha Bali

Published

on

Hatutan.com, (10 Outubru 2023), Bali-Sekretaria Estadu Komunikasaun Sosiál (SEKOMS) ne’ebé lidera hosi Sekretáriu Estadu Expedito Dias Ximenes, ho nia ekipa, inklui pesoál  finansa iha Gabinete Ministériu Prezidénsia  Konsellu Ministru “la entende” regra  ka prosedimentu aplikasaun daily subsistence allowance (DSA) internasionál ne’ebé tinan barak órgaun Estadu RDTL  nian adopta bá nesesidade viajen estranjeiru.

Lee Mós: Akordu Kooperasaun SEKOMS ho Mídia Sira Hamosu Dúvida

Otél The Ritz-Carlton, Nusa Dua, Bali, ne’ebé delegasaun PM Xanana Gusmão deskansa bá. Foto/Rogério Pereira Cárceres

Tanba “la entende”  ka menus koñesimentu, pesoál Finasas iha Gabinete PCM ho Asesor bá Asuntu Mídia no Komunikasaun Sosiál SEKOMS  nian, oferese  de’it DSA $240.00 kada ema durante loron-tolu (3) bá jornalista Hatutan.com, Rogério Pereira Cárceres ho jornalista ida tan hosi mídia balun (nia husu atu labele temi nia identidade)  hodi akompaña vizita Estadu Primeiru-Ministru (PM), Xanana Gusmão nian bá Nusa Dula, Bali-Indonézia, hodi partisipa Forum Estadu Arkeolójiku ka Archipelagic And Island States Forum (AIS Forum).

Jornalista  Hatutan.com, Rogério Pereira Cárceres ho jornalista ida seluk tan hamutuk ho delegasaun Xefe Governu Kay Rala Xanana Gusmão, husik hela Timor-Leste, Tersa (10/10/2023) no sei estadia iha Nusa Dua, Bali, to’o Kinta, 12 fulan-Outubru 2023. Katak delegasaun sira ne’ebé dezloka ho PM Xanana bá Nusa Dua-Bali iha direitu simu DSA 100% tuir tarefa ne’ebé aplikavel kada loron bá Nusa Dua, Bali, hahú hosi  rate ka tarefa $261.00 to’o $561.00 kada loron.

Advertisement

Bá ekipa la’ós kategoria  nivel diretór jerál ka ministru ka lider órgaun soberanu sira normálmente aplikasaun rate ka tarefa bá iha área Nusa Dua, Bali, bele foti kategoria rate DSA 100% ki’ik liu $261.00 kada loron. Nune’e, tuir loloos  jornalista Hatutan.com, Rogério Pereira Cárceres ho jornalista ida seluk tan ne’e   tenke semu  DSA ho nia montante kada ema $783.00 durante loron tolu.

Jornalista Hatutan.com, Rogério Pereira Cárceres, hosi Nusa Dua, Bali-Indonesia, relata katak  bainhira sira tama bá atu check-in iha  Otél The Ritz-Carlton, Nusa Dua, Bali, ekipa seluk naran rejista  ona tanba antes ne’ebé Gabinete Fronteira Marítima konfirmandu ona,  maibé jornalista Hatutan.com, Rogério Pereira Cárceres ho jornalista ida tan, sira-rua nia  naran laiha lista otél nian tanba la bocking antes.

La’ós ne’e de’it bainhira sira na’in-rua husu atu bele hetan kuartu ruma iha Otél refere hamutuk ho delegasaun sira PM Xanana, maibé sira na’in-rua nia osan la to’o atu selu otél. Tanba otél fitun lima ne’e kada loron ho presu $500.00-liu.   Saida mak jornalista na’in-rua ne’e halo iha situasaun ne’e? sira na’in-rua komunika kedas ho

Tabela DSA Internasionál ne’ebé aplika mós iha TL iha dokumentu International Civil Service Commission. Foto/repro

Koordenadór Média Gabinéte Primeiru-Ministru, Eugénio Pereira da Silva, hodi telefone direta Asesór SEKOMS nian ba mídia no Komunikasaun Sosiál, Noémio Falcão, hodi konfirma loloos asuntu ne’e.

Liuhosi telefónika, Asesór Noémio Falcão lia-tun dehan, “Sé hanesan ne’e, nusá sira na’in-rua la fó hatene ha’u antes. Di’ak hela, imi Gabinete Primeiru-Ministru haree rezolve de’it ona,” Asesór Noémio Falcão, hatán bá Koordenadór Média GPM Eugénio Pereira da Silva.

Iha Dili, Xefe Redasaun Hatutan.com, Francisco Belo Simões da Costa, komunika kedas liuhosi WhatsApp bá Asesór SEKOMS, Noémio Falcão hodi husu tansá mak fó de’it DSA 100% hao valor $240.00 bá jornalista Hatutan. com Rogério Pereira Cárceres durante loron tolu iha Nusa Dua, Bali.

Advertisement

Francisco Belo  Simões da Costa mós husu rate DSA 100% ho montante $240 durante loron tolu ne’e bazeia bá  saida?  Nune’e, Asesór Noémio Falcão hateten de’it katak, informasaun ne’ebé nia simu hosi Finansas katak bazeia bá perdiam ka DSA 2023 nian.

Informasaun ne’ebé Hatutan.com rekolla hosi diresaun finansas, instituisaun Estadu lubun ida, hateten katak, to’o agora Timor-Leste seidauk iha  tabela DSA internasionál rasik. Tanba ne’e, dezde prinsípiu, órgaun Estadu RDTL nian hotu sei aplika DSA internasionál ne’ebé bolu International Civil Service Commission.

Iha rate DSA ne’ebé sita iha dokumentu International Civil Service Commission  katak rate DSA bá Bali de’it lahatene. Katak iha de’it Denpasar laran rate DSA kada loron $142.00 kada loron. Different ho DSA kada loron iha Nusa Dua, Bali (depende bá presu otél).

Bainhira otél ho kualifikasaun hanesan  Ayodya aplika rate DSA 100% kada loron $261.00, seluk fali ho Otél Grand Hyatt Nusa Dua aplika rate DSA  100% kada loron $360.00 Iha fali, Sofitel Nusa Dua aplika rate DSA 100% kada loron $425.00 no seluk-seluk tan.      

Hosi sorin seluk, Koordenadóra Prinsipál bá Ekonómia Azúl, Gabinéte Fronteira Marítima, Maria Inés Gonçalves Araújo, triste haree situasaun jornalista na’in-rua hosi Hatutan.com ho ho jornalista ida tan nian ne’e no dehan,  loloos SEKOMS mak organiza mídia sira-ne’e, maibé tanba jornalista sira ne’e to’o tiha ona iha Bali atu halo tán kobertura bá atividade Primeiru-Ministru nian. Nune’e, nia parte komunika direta bá Xefe Gabinéte Primeiru-Ministru nian, Elizabet Exposto, hodi rezolve kedan asuntu ne’e.

Advertisement

Dadaun ne’e, jornalista na’in-rua ne’e, hamutuk hela ho delegasaun PM Xanana Gusmão nian, deskansa iha Otél The Ritz-Carlton, Nusa Dua, Bali.

 Sekuénsia sira Molok Arranka bá Bali

Tabela DSA Internasionál ne’ebé aplika bá rate 100% iha área Nusa Dua, Bali iha dokumentu International Civil Service Commission. Foto/repro

Sekretaria Estadu Komunikasaun Sosial (SEKOMS)  liuhosi Asesór Mídia no Komunikasaun Sosiál, Noémio Falcão,  Segunda 02 fulan-Outubru 2023, telefone ka kontaktu direta Xefe Redasaun Hatutan.com, Francisco Belo Simões da Costa no jornalista Hatutan.com,  Rogério Pereira Cárceres atu submete dokumentu hanesan pasaporte ho foto  hodi trata viájen sira bá Repúblika Indonézia (RI), hamutuk ho delegasaun Primeiru Ministru (PM), Kay Rala Xanana Gusmão, ho objetivu halo kobertura bá eventu Forum Estadu Arkeolójiku ka Archipelagic and Island States Forum (AIS Forum) ne’ebé sei partisipa hosi nasaun hamutuk 51 iha Nusa Dua, Bali.

Prosesu sira iha SEKOMS ne’e, la’o besik semana ida, nune’e iha Segunda (09/10/2023), Asesór SEKOMS, Noémio Falcão, kontakta ikus bá Jornalista Hatutan.com, Rogério Pereira Cárceres, inklui jornalista ida tan foti osan perdiem  ka DSA  internasionál ho aplikasaun 100% atu arranka bá Bali, hodi halo kobertura bá eventu forum internasionál ne’e.

To’o iha SEKOMS, jornalista hosi média nasionál na’in-rua ne’e, bá liu kedas hasoru Asesór Noémio Falcão, iha sala gabinéte SEKOMS nian. Hafoin ida ne’e, asesór ne’e lori jornalista na’in-rua ne’e bá foti sira-nian osan perdiem ka DSA  iha diresaun ida ne’ebé trata asuntu viájen estranjeiru iha Prizidénsia Konsellu Ministrus nian.

Iha ne’ebá, ekipa sira ne’ebé responsável bá asuntu ne’e, atende duni jornalista na’in-rua ne’e, no fó osan DSA bá viájen estranjeiru nian durante loron tolu iha Bali ho  valór kada ema  $240.00.

Advertisement

Jornalista sira mós husu bá pesoál ne’ebé responsável katak, valór ida ne’e, SEKOMS paga ona ho pursentu 100 (100%) ka lae. Hatán bá ida ne’e, pesoál SEKOMS nian ne’ebé halo hela atendimentu ne’e dehan, “Sim. Ida ne’e 100% DSA internasionál, tanba bazeia bá tabela ida-ne’e (la hatene tabele saida)  ho kustu vida nian sira iha Bali.  Ho nune’e, jornalista na’in-rua ne’e asina nota simu osan DSA nian  nian, hafoin la’o fila. ***

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Internasionál

Vise-PM Francisco Kalbuadi Prontu Responsabiliza Delegasaun TL Bá Abu Dhabi

Published

on

Hatutan.com, (29 Fevereiru 2024), Singapura—Vise-Primeiru-Ministru, Ministru Koordenadór Asuntu Ekonómiku no Ministru Turizmu no Ambiente nu’udár mós Xefe Negosiadór Adezaun Timor-Leste nian bá Organizasaun Mundiál Komérsiu (OMK), Francisco Kalbuadi Lay, prontu responsabiliza prosesu hotu kona-bá delegasaun Timor-Leste nian partisipa iha serimónia solene no ofisial  adezaun Timor-Leste nian bá OMK  iha Abu Dhabi, Emiradus Arabes Unidus (EAU).

(more…)

Kontinua Le'e

Internasionál

Kafé Timor-Leste Morin iha Abu Dhabi

Published

on

Hatutan,com, (28 Fevereiru 2024), Abu Dhabi—Kafé Timor-Leste (TL) morin iha Abu Dhabi iha ámbitu konferénsia Ministeriál Organizasaun Mundiál Komérsiu (OMK) bá dala-13, ne’ebé hala’o iha Sentru Espozisaun Nasionál Abu Dhabi (ADNEC), Emiradus Arabes Unidus (EAU), hahú hosi 26 to’o 29 fulan-fevereiru 2024, ne’ebé halibur Estadu membru sira hosi nasaun 166 no ema hamutuk 6.000-resin mak partisipa.

(more…)

Kontinua Le'e

Internasionál

EIF Sei Apoia TL iha Organizasaun Mundial Komérsiu

Published

on

Hatutan.com, (27 Fevereiru 2024), Abu Dhabi—The Enhanced Integrated Framework (EIF) komprometidu atu kontinua fó apoiu bá Timor-Leste (TL) iha Organizasaun Mundial Komérsiu (OMK). 

(more…)

Kontinua Le'e
Advertisement

Trending