Connect with us
Pakote Ahi

Nasionál

SEKOMS ho Mídia Imprime 5 Fahe Jornál bá Munisípiu Maioria Seidauk Simu

Published

on

Hatutan.com, (11 Outubru 2023), Díli—Iha loron 31 fulan-Agostu 2023, Sekretáriu Estadu Komunikasaun Sosiál (SEKOMS), Expedito Dias Ximenes, estabelese kooperasaun ho mídia imprime lima atu distribui jornál bá munisípiu hotu, inklui Rejiaun Administrativu Oé-Cusse Ambeno (RAEOA ho Atauro.

Lee Mós : Akordu Kooperasaun SEKOMS ho Mídia Sira Hamosu Dúvida

Foto/repro

Akordu kooperasaun ho nia durasaun kontratu ne’e hahú válidu iha loron 01 fulan-Setembru to’o loron 31 fulan-Dezembru 2023 ne’e, nu’udár kompromisu IX Governu Konstitusionál nian bá  apoiu instituisaun mídia tradisionál (imprime) sira-ne’e hodi sosa jornál ho kuantidade ezemplár 184 ho nia folin $50 sentavu kada ezemplár.

Nia mekanizmu distribuisaun jornál bá munisípiu ne’e rasik tuir  konkordánsia iha akordu ne’ebé parte sira  asina ona katak, órgaun  komunikasaun mídia imprime sira mak iha responsabilidade atu lori jornál sira-ne’e to’o iha munisípiu hotu ne’ebé sai alvu bá kooperasaun ne’e.

Advertisement

Mídia imprime lima ne’ebé asina akordu hodi hetan apoiu finanseiru “sosa jornál” ne’e mak hanesan Jornál Nacionál Diário (JND), Suara Timor Lorosa’e (STL), Timor Post (TP), Dili Post (DP) ho Jornál Independente.

Mídia imprime lima ne’e kada loron distribui jornál bá munisípiu hotu, inklui RAEO ho Atauro ho kuantidade ezemplár 15 kada munisípiu. Nune’e  mídia lima ne’e, loron-loron distribui jornál hamutuk 75 bá munisipiu ida-idak.  

Sita hosi pájina Facebook Ofisiál Secretário de Estado da Comunicação Social, S.E. Expedito Dias Ximenes, katak Sekretaria Estadu Komunikasaun Sosiál  (SEJKOMS) liuhosi Dirasaun Nasionál Desiminasaun Informasaun (DNDI) halo akordu kooperasaun ho mídia sira atu kesi parte sira (mídia sira) servisu ho responsabilidade hodi atinji metas husi programa SEKOMS nian hanaran “Programa Fortalesimentu Meiu Komunikasaun Sosiál”.

Objetivu hosi servisu hamutuk ida-ne’e, públiku bele asesu atividade Governu Konstitusionál da-sia, liuliu Sekretaria Estadu Komunikasaun Sosiál, no ho programa ne’e mós bele tulun mieu komunikasaun sira iha rai-laran.

Mídia Na’in STL, Salvador J.X. Soares asina akordu ho SEKOMS kona-bá sibsidu sosa jornal distribui bá munisípiu sira, inklui RAEOA ho Atauro. Foto/Mídia SEKOMS

Iha loron Segunda, Tersa ho Kuarta (09, 10-11/10/2023), Hatutan.com halibur informasaun direta hosi Administradór  Munisípiu Aileu, Autoridade Munisípiu Ermera, Munisípiu Ainaro, ho Munisípiu Covalima, katak parte sira Munisípiu Aileu ho Ermera simu ona jornál, maibé Munisípiu Ainaro ho Covalima to’o agora seidauk simu jornál tahan ida.

Pontu vokál Finansas Munisípiu Ainaro, Ruivo Magno konfirma  katak to’o agora loron 10 fulan-Outubru 2023, edifísiu Munisípiu Ainaro seidauk simu jornál tahan ida hosi mídia imprime lima ne’ebé estabelese ona akordu kooperasaun ho Governu liuhosi SEKOMS.

Advertisement

Nia rekomenda atu karik pesoál mídia imprime sira ne’ebé destakadu iha munisípiu atu lori ho termu entrega. Nune’e, bainhira sira-entrega jornál bá pesoál sira iha edifísiu kada munisípiu tenke konfirma ho termu entrega.

“To’o agora Munisípiu Ainaro seidauk simu jornál no ami rasik laiha informasaun ne’ebé  parte relevante sira kanaliza to’o ami kona-bá kada munisípiu simu jornál kada loron,” Ruivo Magno haktuir liuhosi mensajen Facebook.   

Sekretáriu  Administrasaun Munisípiu Covalima, Francisco de Jesus Alves, informa administrasaun munisípiu  simu  jornál dala ida de’it iha fulan-Agostu 2023, ho kuantidade ezemplár iha hosi Jornál Suara Timor Lorosa’e (STL), maibé to’o fulan-Outubru ne’e seidauk simu fali jornál foun.

“Ami simu dala -ida deit iha fulan-Agostu 2023,  mas to’o agora fali fulan-Outubru ona, ami seidauk simu jornál tahan ida,” Francisco de Jesus Alves haktuir liuhosi telefónika, Kuarta (11/10/2023).

Munisípiu Ermera Foin Simu Jornál Dala-rua   

Advertisement

Prezidente Autoridade Munisípiu Ermera, Eusebio Salsinha, informa bá Hatutan.com katak   dezde fulan-Augusto to’o fulan-Setembru 2023, Munisípiu Ermera foin simu jornál dala-rua.

“Ami simu ona jornál, dala-ida ka dala-rua ona, fulan ida sira haruka mai dala ida, jornal tolu dala ida hanesan Independente, Jornál Nacional Diário, Timor Post, iha ne’e mai dala rua ona. Sira mak lori mai fahe rasik,”  Eusebio Salsinha, informa liu husi telefónika.

Eusebio hatutan sira fahe mai ne’e ezemplar rua-rua. Purezemplu, hanesan Timor Post ezemplár rua, Jornál Independente (ezemplár rua), Jornál Nacional Diário (ezemplár rua) no tau de’it iha administrasaun munisípiu.

“Xefe suku sira mos sidauk informa sira simu ona jornal ga lae. tanba sira konsentra deit ona admistrasaun munisípiu nian. Keta pesoál destakadu mídia sira-ne’e iha munisípiu sira lori direitamente bá Administradór Postu ho Xefe Suku sira karik hau la hatene,” Eusebio informa.

Kona-bá jornál fulan-Outubru nian to’o agora seidauk tama iha Administrasaun Munisípiu. Nune’e, Prezidente Autoridade Munisípiu Ermera, hanoin katak dala-ruma distribuisaun jornál bá munisípiu ne’e fulan ida dala ida.

Advertisement

Aileu Simu Jornál Semana-Ida Dala-Ida

Administradór Munisípiu Aileu, Abel da Conceição informa, daudaun ne’e Administrasaun Munisípiu Aileu simu hela jornál semana-ida dala-ida. Jornál ne’ebé pesoál destakadu mídia imprime sira iha munisípiu lori bá tau de’it iha Administrasaun Munisípiu Aileu.   

“Sira lori jornál mai rai hela iha Administrasaun Munisípiu, depois iha enkontru ruma iha Munisípiu, Xefe suku sira mai mak ita fahe bá sira no  ami laiha kondisaun atu bá fahe direita bá suku sira,” Administradór Munisípiu Aileu, Abel da Conceição hateten.  

Iha biban ne’e, Marta da Costa Freitas, nu’udar protokolu iha Administrasaun  Munisípiu Aileu, informa jornál ne’ebé tama  iha kantór Administrasaun Aileu mak Timor Postt de’it, sira seluk laiha, momentu ne’e sira Timor Post mak mai halo audiénsia ho Administradór Munisípiu, depois sira dehan haruka sira nia ekipa balu antar jornál ne’e mai.

“Jornál ida fasilita hosi SEKOMS ne’e ha’u seidauk hatene informasaun kona-bá ida-ne’e. Jornál Timor Post mak lori mai iha ne’e, lori mai mak ami fahe bá diresaun sira, jornál la tama loron-loron ida, notísia ne’e sa’e tiha ohin sira ne’e, maibé liu tiha loron rua tolu mak hodi fali mai, semana ida dala ida, dala ruma mós dala rua,” Marta da Costa Freitas hateten.

Advertisement

SEKOMS Sosa Jornál Kada Mídia Ezemplár 184

Hosi sorin seluk, superior ezekutivu balun iha mídia imprime ida ne’ebé estabelese kooperasaun ho SEKOMS husu atu lalika publika nia identidade haktuir, SEKOMS sosa jornál ne’ebé distribui bá munisípiu hotu, inklui RAEOA kada loron 184 ezemplár ho folin kada ezemplár $50 sentavu.

Mídia imprime sira-ne’e koordena malu hodi fahe área kobertura bá munisípiu hodi fahe ka distribui jornál, mak hanesan Dili Post responsavel fahe jornál bá Munisípiu Manatuto ho Lautem. Kada munisípiu ezemplár 15 kada loron.   

Jornál Timor Post ho Independente responsabiliza distribui jornál bá Munisípiu  Aileu, Ainaro ho Ermera. Jornál Nacionál Diário toma konta distribui jornál bá Oé-Cusse, Liquiça ho Atauro. Jornál STL mak distribui jornál  bá Viqueque ho Baucau.

Hatutan.com halo kontaktu ona ho na’in bá mídia imprime rua hodi husu kona-bá mekanizmu distúrbiu jornál bá munisípiu tuir akordu ne’ebé estabelese ho SEKOMS, maibé na’in bá mídia imprime rua-ne’e seidauk bele fó informasaun detallu.

Advertisement

Objetivu hosi Governu sosa Jornál sira-ne’e no distribui jornál bá munisípiu no to’o iha kliente sira nia liman bele asesu informasaun iha rai-laran no rai-li’ur. Meius ida-ne’e aleinde hariku informasaun, sidadaun sira mós bele kontinua toman lee jornal; nune’e mós ho programa ne’e bele tulun mieu komunikasaun liuliu mídia imprime sira iha rai laran.

Jornalista : Leopoldina de Carvalho/Tome da Silva

 

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

JSMP Ezije Altera Artigu 1475 Kodigu Sivíl Tanba Halo Diskriminasaun Relijioza

Published

on

Hatutan.com, (29 Fevereiru 2024), Díli– Programa Monitorizasaun Sistema Judisiáriu (JSMP, sigla Ingles) kontinua halo advokasia bá alterasaun artigu 1475 Kódigu Sivíl tanba konsidera hamosu diskriminasaun bá relijioza sira ne’ebé la’ós Katólika.

(more…)

Kontinua Le'e

Nasionál

Governu Aloka Millaun $12 bá Komisaun Altu Nivel Institusionál bá Vizita Papa Francisco

Published

on

Hatutan.com, (28 Fevereiru 2024), Díli- Governu liuhosi reuniaun Konsellu Ministru, Kuarta (28/02/2024),  delibera atu autoriza despeza to’o millaun $12 hosi fundu kontinjénsia bá Komisaun Altu Nivel Institusionál bá vizita Sua Santidade Papa Francisco.

(more…)

Kontinua Le'e

Nasionál

SEKOMS Halo Plájiu, Hamoe Instituisaun Estadu

Published

on

Hatutan.com, (28 Fevereiru 2024), Díli–Asia Justice and Right (AJAR)  konsidera atitude  plájiu  Sekretária Estadu Komunikasaun Sosiál (SEKOMS) hodi kopia konteúdu livru planu estratéjiku Konsellu Imprensa  (CI, sigla portugés) Timor-Leste  2022-2026 nu’udár aktu krime plagiatu no hamoe instituisaun Estadu.

(more…)

Kontinua Le'e
Advertisement

Trending