Connect with us
Pakote Ahi

Ekonomia

Tane Konsumidór Husu Governu Fó Prioridade Enkuadramentu Legál bá Telekomunikasaun

Published

on

Hatutan.com, (12 Outubru 2023), Bali—Assosiasaun Tane Konsumidór husu bá IX Governu Konstitusionál atu bele fó liu prioridade bá enkuadramentu legál bá telekomunikasaun nian.

Prezidente Tane Komsumidór, António Ramos da Silva Naikoli.

Tane Konsumedór husu ne’e liu hosi sosializasaun kona-bá Direitu Konsumidór nian kona-bá telekomunikasaun, ne’ebé hala’o iha Convenção Center Baucau (CCB) Kuarta, (11/10/2023).

Lee Mós: Tane Kontinua Atualiza bá Konsumidór Sira Kona-bá Presu Sasan Baratu

Programa sosializasaun ne’e liga ho Dekretu Lei Númeru 15 tinan 2012, kona-bá estabelesimentu Autoridade Nasionál Komunikasaun (ANC, sigla Portugés) ho ninia knaar sira.

Advertisement

Sorin seluk, ho estabelesimentu ANC, loke mós dalan bá liberalizasuan merkadu telekomunikasaun.

Bazeia bá advokasia no atendimentu bá konsumidór telekomunikasaun iha tinan hirak nia laran, Tane Konsumidór husu atu IX Governu Konstitusionál to’o ona tempu hodi fó prioridade aprovasaun rejime legál kona-bá enkuadramentu legál bá seitór telekomunikasaun iha Timor-Leste.

“Liu ona tinan 11, presiza duni enkuadramentu legál ne’ebé mak adekuadu hodi regulariza seitór telekomunikasaun iha Timor-Leste,” Hatutan.com sita deklarasaun Prezidente Associação Tane Konsumidór, António Ramos da Silva, iha komunikadu.

Hafoin restaura Timor-Leste ninia independência iha loron 20 fulan Maiu tinan 2002, Portugál Telecom (PT) mak manan hodi estabelese empreza Telekomunikasaun Timor-Leste, naran Timor Telecom (TT) iha tinan sanu (10) monopolio iha merkadu telekomunikasaun.

Ho Dekretu Lei Númeru 15 tinan 2012, loron 29 fulan Marsu loke liberalizasaun seitór telekomunikasaun, Timor-Leste iha ona operadór Telekomunikasaun rua (2) hanesan Telkomcel no Telemor hodi kompete ho TT.

Advertisement

Iha fulan Outubru tinan 2022, Tane Konsumidór hato’o ona “Caderno reivendicativo (1)” kona-bá “Iniciativa legislative” hamutuk diploma sanulu (1) hato’o bá Conselho de Ministro (CdM) atu aprova hodi regulariza di’ak liu tan Lei Proteção Consumidor, LPC Nº 8/2016,08/07, (2) no atividade ekonomika nian.

Iha Diploma 10 ne’e inklui mós aprova rejime legál bá seitór telekomunikasuan nian.

Jornalista: Lazaro Pereira Quefi

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Ekonomia

Estadus Unidus Kongratula Timor-Leste Nia Adezaun bá OMK

Published

on

Hatutan.com, (27 Fevereiru 2024), Díli– Estadus Unidus ho ksolok hato’o parabéns bá Timor-Leste ninia adezaun bá Organizasaun Mundiál Komérsiu (OMK).

(more…)

Kontinua Le'e

Ekonomia

La’o Hamutuk Rejeita Adezaun TL bá OMK, Husu Governu Proteje no Promove Ekonomia Rai-Laran

Published

on

Hatutan.com, (27 Fevereiru 2024), Díli- Organizasaun Naun Govermental (ONG), La’o Hamutuk rejeita adezaun Timor-Leste ba Organizasaun Mundiál Komérsiu (OMK) no husu atu Governu hadi’a politika proteje no promove ekonomia iha rai-laran.

(more…)

Kontinua Le'e

Ekonomia

Timor-Leste Sei Organiza Festivál Internasionál Foka bá Promosaun Arte-Kultura, Turizmu, Siénsia no Teknolojia

Published

on

Hatutan.com, (22 Fevereiru 2024), Díli- Vise-Primeiru Ministru, Ministru Koordenadór bá Asuntu Ekonómia, Ministru Turizmu no Ambiente, Francisco Kalbuadi Lay, informa Timor-Leste sei organiza festivál internasionál ne’ebé sei foka ba promosaun arte-kultura, turizmu, siénsia no teknolojia.

(more…)

Kontinua Le'e
Advertisement

Trending